ពីនេះ ពីនោះ
×![]()
កំពង់ឆ្នាំង៖ បន្ទាយលង្វែក ជាអតីតរាជធានីខ្មែរ នាសតវត្សទី១៥ ដោយមានឬស្សីព័ទ្ធជុំវិញយ៉ាងក្រាស់ឃ្មឹក សម្រាប់ការពារសត្រូវមកឈ្លានពាន ។ បន្ទាយដែលមានប្រវត្តិជាប់ពាក់ព័ន្ធនឹងរឿងព្រះគោ ព្រះកែវ និងល្បិចសៀមបាចប្រាក់ឌួង សព្វថ្ងៃនេះបន្ទាយលង្វែកមានទីតាំងស្ថិតនៅឃុំលង្វែក ស្រុកកំពង់ត្រឡាច ខេត្តកំពង់ឆ្នាំង មានចំងាយប្រមាណ៥០គីឡូមែត្រពីភ្នំពេញ តាមផ្លូវជាតិលេខ៥ កំពុងបង្ហាញ សម្រស់ដោយភាពស្ងប់ស្ងាត់។
ទីកន្លែងប្រវត្តិសាស្ត្រមួយនេះ ហាក់មានសភាពស្ងប់ស្ងាត់នៅថ្ងៃធម្មតា ប៉ុន្តែទីនេះ បានក្លាយជាទីពេញនិយមរបស់ពលរដ្ឋក្នុងខេត្តកំពង់ឆ្នាំងពេលមានពីធីបុណ្យចូលឆ្នាំថ្មីប្រពៃណីជាតិ ដោយសារតែ ទីធ្លាវត្តត្រឡែងកែង មានដើមឈើច្រើនបង្កជាម្លប់ ងាយស្រួលដល់ពលរដ្ឋលែងល្បែងប្រជាប្រិយ និងធ្វើពិធីផ្សេងៗ។ លើសពីនេះ បន្ទាយលង្វែក មានទន្លេសាបលាតសណ្តូកពីខាងក្រោយ និងវាលស្រែធំល្វឹងល្វើយ ធ្វើឲ្យអ្នកទេសចរដែលបានមកទីនេះ បានគយគន់មើលទេសភាព ស្រូបខ្សល់ដ៏បរិសុទ្ធ និងស្តាប់សំឡេងបក្សាបក្សីជាច្រើនប្រភេទទៀតផង។
សូមអញ្ជើញទស្សនារូបភាពដូចខាងក្រោម៖
សូមអញ្ជើញទស្សនារូបភាពដូចខាងក្រោម៖
Tag:
លង្វែក
© រក្សាសិទ្ធិដោយ thmeythmey.com
