ជាតិ
បទវិភាគ
×![]()
ភ្នំពេញ៖ ប្រសិនបើគេនិយាយពីការបែកបាក់ធំៗ គណបក្សហ្វ៊ុនស៊ិនប៉ិចបានប្រេះឆាគ្នាចំនួនបីលើករួចមកហើយ។ ប៉ុន្តែប្រសិនបើគេបូកជាមួយការចាកចេញរបស់ឯកឧត្តម សម រង្ស៊ី ពីគណបក្សហ្វ៊ុនស៊ិនប៉ិចកាលពីឆ្នាំ១៩៩៤ម្តងទៀត ការបែកបាក់បានកើនដល់ចំនួន៤ដង។ តើការបែកបាក់ចុងក្រោយនេះ ធ្វើឲ្យអនាគតនៃគណបក្សហ្វ៊ុនស៊ិនប៉ិចស្ថិតនៅមាត់ជ្រោះមរណៈមែនឬ?
បង្កើតឡើងនៅឆ្នាំ១៩៨១ដោយអតីតព្រះមហាក្សត្រសម្តេច នរោត្តម សីហនុ គណបក្សហ្វ៊ុនស៊ិនត្រូវបានព្រះអង្គប្រគល់ជូនបុត្រាព្រះអង្គ គឺសម្តេចក្រុមព្រះ នរោត្តម រណឫទ្ធិ កាលពីឆ្នាំ១៩៩១ មុននឹងគណបក្សនេះ ទទួលបានជ័យជម្នះលើការបោះឆ្នោតដែលរៀបចំដោយអង្គការសហប្រជាជាតិនៅឆ្នាំ១៩៩៣ ។
នៅឆ្នាំ១៩៩៣ ក្រោយពីមានការសម្របសម្រួលផ្នែកនយោបាយជាមួយបុរសខ្លាំងសម្តេច ហ៊ុន សែន, ព្រះអង្គម្ចាស់នរោត្តម រណឫទ្ធិ បានទទួលតំណែងជានាយករដ្ឋមន្ត្រីទី១ រីឯសម្តេច ហ៊ុន សែន ទទួលបានតំណែងជានាយករដ្ឋមន្ត្រីទី២ ក្នុងអាណត្តិទី១ ។ រថយន្តមួយតៃកុងពីរ ពិតជាមិនមានសុខដុមរមនីយកម្មល្អឡើយ។ ជាក់ស្តែង នៅឆ្នាំ១៩៩៧ ព្រឹត្តិការណ៍ផ្ទុះអាវុធថ្ងៃទី៥ និង៦កក្កដា បានបង្កឲ្យពលទាហាននៃគណបក្សប្រជាជនកម្ពុជា និងពលទាហាននៃគណបក្សហ្វ៊ុនស៊ិនប៉ិចមួយចំនួនបាត់បង់ជីវិត។
ក្រោយការបោះឆ្នោតឆ្នាំ១៩៩៣ និងមុនព្រឹត្តិការណ៍ផ្ទុះអាវុធឆ្នាំ១៩៩៧ ការបែកបាក់តូចមួយបានកើតឡើងរវាងឯកឧត្តម សម រង្ស៊ី មន្ត្រីជាន់ខ្ពស់នៃគណបក្សហ្វ៊ុនស៊ិនប៉ិច និងគណបក្សរាជានិយមហ្វ៊ុនស៊ិនប៉ិច។ នៅទីបំផុត ឯកឧត្តម សម រង្ស៊ី បានដើរចេញពីបក្ស ហើយទៅបង្កើតគណបក្សខ្លួនឯងនៅឆ្នាំ១៩៩៥ ។
ក្រោយព្រឹត្តិការណ៍ថ្ងៃ៥ និង៦កក្កដានេះ ព្រះអង្គម្ចាស់ រណឫទ្ធិ បាននិរទេសព្រះកាយទៅស្នាក់នៅឯបរទេស ដោយបើកផ្លូវឲ្យមានការតែងតាំងលោក អ៊ឹង ហ៊ួត មន្ត្រីជាន់ខ្ពស់នៃគណបក្សហ្វ៊ុនស៊ិនប៉ិច ជានាយករដ្ឋមន្ត្រីរយៈពេលមួយឆ្នាំ មុនការបោះឆ្នោតជាតិឆ្នាំ១៩៩៨ ។ ក្នុងអំឡុងព្រឹត្តិការណ៍ឆ្នាំ១៩៩៧ និង១៩៩៨នោះហើយ ដែលគណបក្សរាជានិយមហ្វ៊ុនស៊ិនប៉ិច បានបែកបាក់គ្នាយ៉ាងខ្លាំង ពីព្រោះមន្ត្រីមួយចំនួនបានចុះចូលជាមួយគណបក្សប្រជាជនកម្ពុជា មន្ត្រីមួយចំនួនទៀតបានទៅបង្កើតគណបក្សដោយខ្លួនឯង និងមួយចំនួនទៀតបានសម្រេចចិត្ត ស្ថិតនៅជាមួយព្រះអង្គម្ចាស់នរោត្តម រណឫទ្ធិ។
ការបែកបាក់លើកទី៣ដែលមានទំហំធំដែរនោះ គឺនៅឆ្នាំ២០០៦ ។ នៅក្នុងឆ្នាំនោះ ព្រះអង្គម្ចាស់នរោត្តម រណឫទ្ធិ ដែលជាព្រះប្រធានគណបក្សហ្វ៊ុនស៊ិនប៉ិច ត្រូវបានសមាជិកថ្នាក់ក្រោមធ្វើបក្សប្រហារទម្លាក់ចេញពីតំណែង។ ក្រោយពីទម្លាក់ចេញពីតំណែង ព្រះអង្គម្ចាស់ រណឫទ្ធិ មិនស្ងប់ព្រះទ័យឡើយ។ ជាលទ្ធផល ព្រះអង្គបានបង្កើតគណបក្ស និងដឹកនាំដោយផ្ទាល់ព្រះកាយព្រះអង្គ។
នៅដើមឆ្នាំ២០១៥កន្លងមកនេះ គូសត្រូវបងប្អូនបង្កើតនឹងគ្នាយល់ឃើញពីហានិភ័យនៃអនាគតគណបក្សហ្វ៊ុនស៊ិនប៉ិច ទើបមេដឹកនាំគណបក្ស គឺលោក ញឹក ប៊ុនឆៃ និងព្រះអង្គម្ចាស់នរោត្តម រណឫទ្ធិ បានសម្រេចចិត្តសម្របអារម្មណ៍ជាមួយគ្នាដើម្បីរួបរួមគ្នាឡើងវិញ ហើយបើកផ្លូវជូនសម្តេចក្រុមព្រះឲ្យឡើងកាន់តំណែងគណបក្សហ្វ៊ុនស៊ិនប៉ិចឡើងវិញ។ ការរួបរួមនេះ គឺមានគោលដៅធ្វើយ៉ាងដូចម្តេចដើម្បីដណ្តើមយកអាសនៈរដ្ឋសភាមកវិញខ្លះ ពីព្រោះ សំឡេងឆ្នោតនៃគណបក្សហ្វ៊ុនស៊ិនប៉ិចបានដាំក្បាលចុះតាំងពីឆ្នាំ១៩៩៨ដោយសារជម្លោះផ្ទៃក្នុង បែកបាក់គ្នាគ្មានទីបញ្ចប់។
ជាក់ស្តែង កាលពីឆ្នាំ១៩៩៣ ហ្វ៊ុនស៊ិនប៉ិច គឺជាគណបក្សឈ្នះឆ្នោតដោយទទួលបានអាសនៈចំនួន៥៨កៅអី ៤៣កៅអីនៅឆ្នាំ១៩៩៨ ២៦កៅអីនៅឆ្នាំ២០០៣ ២កៅអីនៅឆ្នាំ២០០៨ និងសូន្យកៅអីកាលពីឆ្នាំ២០១៣កន្លងមក។
លទ្ធផលបរាជ័យដ៏សម្បើមនេះ បានចាប់បង្ខំព្រះអង្គម្ចាស់ រណឫទ្ធិ និងលោក ញឹក ប៊ុនឆៃ ជាថ្មីម្តងទៀត ឲ្យមើលមុខគ្នាចំ និងចាប់ដៃគ្នាឡើងវិញ។ ប៉ុន្តែភាពល្អូកល្អិនបានកើតឡើងតែក្នុងរយៈពេលមួយឆ្នាំប៉ុណ្ណោះ ក្រោយមកសេចក្តីស្នេហានៃមន្ត្រីគណបក្សរាជានិយមទាំងពីរក៏បែកគ្នាឡើងវិញ។ ការបែកបាក់លើកទី៤នេះ គឺកើតឡើងនៅក្នុងខែកុម្ភៈឆ្នាំ២០១៦នេះ។ ការបែកបាក់លើកនេះ បានបង្ខំចិត្តឲ្យលោក ញឹក ប៊ុនឆៃ ដើរចេញពីបក្សហ្វ៊ុនស៊ិនប៉ិចម្តង ហើយទៅបើកគណបក្សនយោបាយថ្មីវិញ។
រួបរួមគ្នាហើយ បែកបាក់គ្នាវិញ។ បែកបាក់គ្នាហើយ រួបរួមគ្នាឡើងវិញ។ នេះគឺជាវាលវដ្តនៃគណបក្សហ្វ៊ុនស៊ិនក្នុងរយៈពេលជិត២០ឆ្នាំកន្លងមកនេះ។
ការបែកបាក់លើកចុងក្រោយនេះត្រូវបានគេគិតថា គឺជាអវសាន្តចុងក្រោយនៃគណបក្សហ្វ៊ុនស៊ិនប៉ិច ពីព្រោះ មេដឹកនាំនៃគណបក្សមួយនេះមានវ័យចំណាស់អស់ទៅហើយ។ មិនត្រឹមតែប៉ុណ្ណោះ អ្នកវិភាគមួយចំនួនបានសន្និដ្ឋានថា ការឈ្លោះគ្នានៅពេលនេះ គឺជាការរុញច្រានឲ្យអនាគតនៃគណបក្សហ្វ៊ុនស៊ិនប៉ិច រំកិលទៅរកមាត់ជ្រោះមរណៈកាន់តែកៀកឡើងៗ មានន័យថា គណបក្សមិនត្រឹមតែបាត់បង់អស់អាសនៈប៉ុណ្ណោះទេ តែរូបភាព និងក្តីស្រឡាញ់ចំពោះគណបក្សរាជានិយម កាន់តែរសាត់ឆ្ងាយបន្តិចម្តងៗពីបេះដូងនៃពលរដ្ឋខ្មែរ៕
បង្កើតឡើងនៅឆ្នាំ១៩៨១ដោយអតីតព្រះមហាក្សត្រសម្តេច នរោត្តម សីហនុ គណបក្សហ្វ៊ុនស៊ិនត្រូវបានព្រះអង្គប្រគល់ជូនបុត្រាព្រះអង្គ គឺសម្តេចក្រុមព្រះ នរោត្តម រណឫទ្ធិ កាលពីឆ្នាំ១៩៩១ មុននឹងគណបក្សនេះ ទទួលបានជ័យជម្នះលើការបោះឆ្នោតដែលរៀបចំដោយអង្គការសហប្រជាជាតិនៅឆ្នាំ១៩៩៣ ។
នៅឆ្នាំ១៩៩៣ ក្រោយពីមានការសម្របសម្រួលផ្នែកនយោបាយជាមួយបុរសខ្លាំងសម្តេច ហ៊ុន សែន, ព្រះអង្គម្ចាស់នរោត្តម រណឫទ្ធិ បានទទួលតំណែងជានាយករដ្ឋមន្ត្រីទី១ រីឯសម្តេច ហ៊ុន សែន ទទួលបានតំណែងជានាយករដ្ឋមន្ត្រីទី២ ក្នុងអាណត្តិទី១ ។ រថយន្តមួយតៃកុងពីរ ពិតជាមិនមានសុខដុមរមនីយកម្មល្អឡើយ។ ជាក់ស្តែង នៅឆ្នាំ១៩៩៧ ព្រឹត្តិការណ៍ផ្ទុះអាវុធថ្ងៃទី៥ និង៦កក្កដា បានបង្កឲ្យពលទាហាននៃគណបក្សប្រជាជនកម្ពុជា និងពលទាហាននៃគណបក្សហ្វ៊ុនស៊ិនប៉ិចមួយចំនួនបាត់បង់ជីវិត។
ក្រោយការបោះឆ្នោតឆ្នាំ១៩៩៣ និងមុនព្រឹត្តិការណ៍ផ្ទុះអាវុធឆ្នាំ១៩៩៧ ការបែកបាក់តូចមួយបានកើតឡើងរវាងឯកឧត្តម សម រង្ស៊ី មន្ត្រីជាន់ខ្ពស់នៃគណបក្សហ្វ៊ុនស៊ិនប៉ិច និងគណបក្សរាជានិយមហ្វ៊ុនស៊ិនប៉ិច។ នៅទីបំផុត ឯកឧត្តម សម រង្ស៊ី បានដើរចេញពីបក្ស ហើយទៅបង្កើតគណបក្សខ្លួនឯងនៅឆ្នាំ១៩៩៥ ។
ក្រោយព្រឹត្តិការណ៍ថ្ងៃ៥ និង៦កក្កដានេះ ព្រះអង្គម្ចាស់ រណឫទ្ធិ បាននិរទេសព្រះកាយទៅស្នាក់នៅឯបរទេស ដោយបើកផ្លូវឲ្យមានការតែងតាំងលោក អ៊ឹង ហ៊ួត មន្ត្រីជាន់ខ្ពស់នៃគណបក្សហ្វ៊ុនស៊ិនប៉ិច ជានាយករដ្ឋមន្ត្រីរយៈពេលមួយឆ្នាំ មុនការបោះឆ្នោតជាតិឆ្នាំ១៩៩៨ ។ ក្នុងអំឡុងព្រឹត្តិការណ៍ឆ្នាំ១៩៩៧ និង១៩៩៨នោះហើយ ដែលគណបក្សរាជានិយមហ្វ៊ុនស៊ិនប៉ិច បានបែកបាក់គ្នាយ៉ាងខ្លាំង ពីព្រោះមន្ត្រីមួយចំនួនបានចុះចូលជាមួយគណបក្សប្រជាជនកម្ពុជា មន្ត្រីមួយចំនួនទៀតបានទៅបង្កើតគណបក្សដោយខ្លួនឯង និងមួយចំនួនទៀតបានសម្រេចចិត្ត ស្ថិតនៅជាមួយព្រះអង្គម្ចាស់នរោត្តម រណឫទ្ធិ។
ការបែកបាក់លើកទី៣ដែលមានទំហំធំដែរនោះ គឺនៅឆ្នាំ២០០៦ ។ នៅក្នុងឆ្នាំនោះ ព្រះអង្គម្ចាស់នរោត្តម រណឫទ្ធិ ដែលជាព្រះប្រធានគណបក្សហ្វ៊ុនស៊ិនប៉ិច ត្រូវបានសមាជិកថ្នាក់ក្រោមធ្វើបក្សប្រហារទម្លាក់ចេញពីតំណែង។ ក្រោយពីទម្លាក់ចេញពីតំណែង ព្រះអង្គម្ចាស់ រណឫទ្ធិ មិនស្ងប់ព្រះទ័យឡើយ។ ជាលទ្ធផល ព្រះអង្គបានបង្កើតគណបក្ស និងដឹកនាំដោយផ្ទាល់ព្រះកាយព្រះអង្គ។
នៅដើមឆ្នាំ២០១៥កន្លងមកនេះ គូសត្រូវបងប្អូនបង្កើតនឹងគ្នាយល់ឃើញពីហានិភ័យនៃអនាគតគណបក្សហ្វ៊ុនស៊ិនប៉ិច ទើបមេដឹកនាំគណបក្ស គឺលោក ញឹក ប៊ុនឆៃ និងព្រះអង្គម្ចាស់នរោត្តម រណឫទ្ធិ បានសម្រេចចិត្តសម្របអារម្មណ៍ជាមួយគ្នាដើម្បីរួបរួមគ្នាឡើងវិញ ហើយបើកផ្លូវជូនសម្តេចក្រុមព្រះឲ្យឡើងកាន់តំណែងគណបក្សហ្វ៊ុនស៊ិនប៉ិចឡើងវិញ។ ការរួបរួមនេះ គឺមានគោលដៅធ្វើយ៉ាងដូចម្តេចដើម្បីដណ្តើមយកអាសនៈរដ្ឋសភាមកវិញខ្លះ ពីព្រោះ សំឡេងឆ្នោតនៃគណបក្សហ្វ៊ុនស៊ិនប៉ិចបានដាំក្បាលចុះតាំងពីឆ្នាំ១៩៩៨ដោយសារជម្លោះផ្ទៃក្នុង បែកបាក់គ្នាគ្មានទីបញ្ចប់។
ជាក់ស្តែង កាលពីឆ្នាំ១៩៩៣ ហ្វ៊ុនស៊ិនប៉ិច គឺជាគណបក្សឈ្នះឆ្នោតដោយទទួលបានអាសនៈចំនួន៥៨កៅអី ៤៣កៅអីនៅឆ្នាំ១៩៩៨ ២៦កៅអីនៅឆ្នាំ២០០៣ ២កៅអីនៅឆ្នាំ២០០៨ និងសូន្យកៅអីកាលពីឆ្នាំ២០១៣កន្លងមក។
លទ្ធផលបរាជ័យដ៏សម្បើមនេះ បានចាប់បង្ខំព្រះអង្គម្ចាស់ រណឫទ្ធិ និងលោក ញឹក ប៊ុនឆៃ ជាថ្មីម្តងទៀត ឲ្យមើលមុខគ្នាចំ និងចាប់ដៃគ្នាឡើងវិញ។ ប៉ុន្តែភាពល្អូកល្អិនបានកើតឡើងតែក្នុងរយៈពេលមួយឆ្នាំប៉ុណ្ណោះ ក្រោយមកសេចក្តីស្នេហានៃមន្ត្រីគណបក្សរាជានិយមទាំងពីរក៏បែកគ្នាឡើងវិញ។ ការបែកបាក់លើកទី៤នេះ គឺកើតឡើងនៅក្នុងខែកុម្ភៈឆ្នាំ២០១៦នេះ។ ការបែកបាក់លើកនេះ បានបង្ខំចិត្តឲ្យលោក ញឹក ប៊ុនឆៃ ដើរចេញពីបក្សហ្វ៊ុនស៊ិនប៉ិចម្តង ហើយទៅបើកគណបក្សនយោបាយថ្មីវិញ។
រួបរួមគ្នាហើយ បែកបាក់គ្នាវិញ។ បែកបាក់គ្នាហើយ រួបរួមគ្នាឡើងវិញ។ នេះគឺជាវាលវដ្តនៃគណបក្សហ្វ៊ុនស៊ិនក្នុងរយៈពេលជិត២០ឆ្នាំកន្លងមកនេះ។
ការបែកបាក់លើកចុងក្រោយនេះត្រូវបានគេគិតថា គឺជាអវសាន្តចុងក្រោយនៃគណបក្សហ្វ៊ុនស៊ិនប៉ិច ពីព្រោះ មេដឹកនាំនៃគណបក្សមួយនេះមានវ័យចំណាស់អស់ទៅហើយ។ មិនត្រឹមតែប៉ុណ្ណោះ អ្នកវិភាគមួយចំនួនបានសន្និដ្ឋានថា ការឈ្លោះគ្នានៅពេលនេះ គឺជាការរុញច្រានឲ្យអនាគតនៃគណបក្សហ្វ៊ុនស៊ិនប៉ិច រំកិលទៅរកមាត់ជ្រោះមរណៈកាន់តែកៀកឡើងៗ មានន័យថា គណបក្សមិនត្រឹមតែបាត់បង់អស់អាសនៈប៉ុណ្ណោះទេ តែរូបភាព និងក្តីស្រឡាញ់ចំពោះគណបក្សរាជានិយម កាន់តែរសាត់ឆ្ងាយបន្តិចម្តងៗពីបេះដូងនៃពលរដ្ឋខ្មែរ៕
© រក្សាសិទ្ធិដោយ thmeythmey.com
