ពានរង្វាន់សម្តេច ហ៊ុន សែន ចាប់ផ្តើមយុទ្ធនាការជម្រុះបឋមពីថ្ងៃទី១៧ ខែកុម្ភៈ

កីឡាជាតិ

ជាតិ

ពានរង្វាន់សម្តេច ហ៊ុន សែន ចាប់ផ្តើមយុទ្ធនាការជម្រុះបឋមពីថ្ងៃទី១៧ ខែកុម្ភៈ

06, Feb 2016 , 10:00 am

រូបភាព

ដោយ:

សហព័ន្ធកីឡាបាល់ទាត់កម្ពុជា FFC កាលពីព្រឹកថ្ងៃទី៣ ខែកុម្ភៈ បានធ្វើការចាប់ឆ្នោតចែកពូល និងបានបង្ហាញកាលបរិច្ឆេទនៃការប្រកួតដណ្តើមពានរង្វាន់សម្តេច ហ៊ុន សែន លើកទី១០ ឆ្នាំ២០១៦ (Hun Sen Cup 2016) រួចរាល់ហើយ។ ដោយដំណាក់ កាលប្រកួតជម្រុះ បឋមតាម តំបន់នីមួយៗបែងចែកជា៦ពូល នឹងធ្វើឡើងរៀងរាល់ថ្ងៃពុធ ចំណែលការប្រកួតវគ្គផ្តាច់ព្រ័ត្រចែកចេញជា៤ពូល ដែលធ្វើឡើងរៀងរាល់ថ្ងៃសៅរ៍។

ការប្រកួតដណ្តើមពានរង្វាន់សម្តេច ហ៊ុន សែន លើកទី១០ ប្រចាំឆ្នាំ២០១៦ Hun Sen Cup 2016 នឹងចាប់ផ្តើមប្រកួតជម្រុះបឋមនៃ ៦ពូល នាថ្ងៃទី១៧ ខែកុម្ភៈ ដល់ថ្ងៃទី៤ ខែឧសភា ដែលធ្វើការប្រកួតរៀងរាល់ថ្ងៃពុធ។ ចំណែកការប្រកួតជម្រុះវគ្គផ្ដាច់ព្រ័ត្រនៃ ៤ពូល នឹងធ្វើឡើងនាថ្ងៃទី១៨ ខែឧសភា ដល់ថ្ងៃទី២០ ខែសីហា ឆ្នាំ២០១៦ រៀងរាល់ថ្ងៃសៅរ៍។

បើតាមការចាប់ឆ្នោតបែងចែកពូលកាលពីព្រឹកថ្ងៃទី៣ ខែកុម្ភៈ នៅសហព័ន្ធកីឡាបាល់ទាត់កម្ពុជា ការប្រកួតជម្រុះបឋមមាន៦ពូលក្នុងនោះពូលA មាន៣ក្រុម (ខេត្តកំពង់ស្ពឺ ខេត្តកណ្តាល និង Cambodia Future FC) ខណៈពូលB មាន៤ក្រុម(យុវជនបឹងកេតកំពង់ចាម ខេត្តស្វាយរៀង ខេត្តព្រៃវែង និងខេត្តត្បូងឃ្មុំ) ឬឯពូលC មាន៤ក្រុម(សៀមរាបអង្គរ ខេត្តឧត្តរមានជ័យ អហខេត្តកំពង់ធំ និងខេត្តព្រះវិហារ) ចំណែកពូលD មាន៣ក្រុម(ខេត្តបាត់ដំបង ខេត្តប៉ៃលិន និងកំពង់ឆ្នាំង) ខណៈពូលE មាន៣ក្រុម(ខេត្តកំពត នគរបាលខេត្តព្រះសីហនុ និងកំពង់ផែស្វ័យយ័តខេត្តព្រះសីហនុ) ដោយឡែកក្រុម F មានតែ២ក្រុមប៉ុណ្ណោះ(ខេត្តក្រចេះ និងខេត្តស្ទឹងត្រែង)។

ចំណែកការប្រកួតវគ្គផ្តាច់ព្រ័ត្របែងចែកជា ៤ពូលដោយក្នុងមួយពូលមាន៦ក្រុមដូចៗគ្នាក្នុងនោះពូលA (ខាមបូឌានថាយហ្គឺរ ស្វាយរៀងព្រះខ័នរាជ លេខ១ពូលD លេខ១ពូលE លេខ២ពូល និងលេខ៣ពូល A B C D E 1st) ឫឯពូលB (បឹងកេតអង្គរអែហ្វស៊ី ក្រសួងការពារជាតិ អាស៊ីអឺរ៉ុបយូណាយធីត លេខ១ពូលF លេខ២ពូលC និងលេខ២ពូលB) ខណៈពូលC (ភ្នំពេញក្រោន មជ្ឈមណ្ឌលកំចាត់មីនកម្ពុជា វេស្ទើនភ្នំពេញ លេខ១ពូលA លេខ២ពូលD និងលេខ២ពូលE) ចំណែកពូលD (ណហ្គាវើល អគ្គស្នងការនគរបាលជាតិ លេខ១ពូលB លេខ១ពូលC លេខ២ពូលF និងលេខ៣ពូលB C D E 2nd)។

សហព័ន្ធកីឡាបាល់ទាត់កម្ពុជានឹងចាប់ផ្តើមទទួលសំណុំឯកសារប្រកួតដំណាក់កាលបឋមបពីថ្ងៃទី៥ ខែមករា រហូតដល់ថ្ងៃទី១ ខែកុម្ភៈ តែក្រុមទាំងនោះត្រូវផ្តល់ចម្លើយចូលរួមយ៉ាងយឺតបំផុតត្រឹមថ្ងៃទី១៥ ខែមករា ហើយនឹងធ្វើការចាប់ឆ្នោតនៅថ្ងៃទី៣ ខែកុម្ភៈ។ ចំណែកដំណាក់កាលប្រកួតផ្តាច់ព្រ័ត្រចាប់ពីថ្ងៃទី៥ ខែមករា រហូតដល់ថ្ងៃទី២០ ខែមិនា តែត្រូវដាក់ពាក្យនឹងចម្លើយចូលរួមប្រកួតយ៉ាងយឺតថ្ងៃទី១ កុម្ភៈ នឹងធ្វើការចាប់ឆ្នោតប្រកួតនៅថ្ងៃទី៩ ខែឧសភា។

ការប្រកួតពានរង្វាន់សម្តេច ហ៊ុន សែន Hun Sen Cup 2016 នឹងប្រព្រឹត្តទៅក្នុងកីឡដ្ឋាននៅតាមបណ្តាខេត្ត សម្រាប់ការប្រកួតដំណាក់កាលបឋម និងដំណាក់កាលផ្តាច់ព្រ័ត្រ ចំណែកការប្រកួតវគ្គ ១/៤ និងវគ្គពាក់កណ្តាលផ្តាច់ព្រ័ត្រធ្វើនៅកីឡដ្ឋានក្នុងរាជធានីភ្នំពេញ ដោយឡែកការប្រកួតចំណាត់ថ្នាក់លេខ៣ និងផ្តាច់ព្រ័ត្រធ្វើនៅពហុកីឡដ្ឋានជាតិអូឡាំពិក។

គួរបញ្ជាក់ថា ការប្រកួតនេះបែងចែកជា៦តំបន់ ដោយតំបន់ខាងលិខមាន កំពង់ឆ្នាំង ពោធិ៍សាត់ បាត់ដំបង និងខេត្តប៉ៃលិន ឬឯតំបន់ខាងកើតមាន ស្វាយរៀង ព្រៃវែង កំពង់ចាម និងត្បូងឃ្មុំ ខណៈតំបន់ខាងជើងមាន ស្ទឹងត្រែង ក្រចេះ រតនៈគីរី និងមណ្ឌលគីរី ចំណែកតំបន់ខាងត្បូងមាន កំពត កែប ព្រះសីហនុ និងកោះកុង ដោយឡែកតំបន់កណ្តាលមាន កំពង់ធំ សៀមរាប ឧត្តរមានជ័យ បន្ទាយមានជ័យ និងព្រះវិហារ និងតំបន់រាជធានីភ្នំពេញមាន រាជធានីភ្នំពេញ កណ្តាល តាកែវ និងកំពង់ស្ពឺ។ គួរបញ្ជាក់ថា ការប្រកួតនេះមិនអនុញ្ញាតឱ្យមានកីឡាករបរទេសនោះទេ ហើយកីឡាករទាំងនោះត្រូវមានអាយុចាប់ពី ១៦ឆ្នាំឡើងទៅ៕