ជាតិ
សេដ្ឋកិច្ច
ហុងកុងជាគោលដៅទេសចរណ៍ឈានមុខសម្រាប់ពលរដ្ឋខ្មែរនាឱកាសចូលឆ្នាំចិន
× នៅក្នុងពិធីបុណ្យចូលឆ្នាំប្រពៃណីចិន វៀតណាមនេះ ពលរដ្ឋខ្មែរមួយចំនួនធំធ្វើដំណើរកម្សាន្តនៅតាមបណ្តាខេត្ត និងពលរដ្ឋមួយចំនួនផ្សេងទៀតធ្វើដំណើរកម្សាន្តនៅឯបរទេស។ លោក អាង គីមអៀង ប្រធានសមាគមទីភ្នាក់ងារទេសចរណ៍កម្ពុជា ទីក្រុងហុងកុង ក្លាយជាគោលដៅនៃការដំណើរកម្សាន្តនៅឯបរទេសរបស់ប្រជាពលរដ្ឋខ្មែរ នៅអំឡុងពេលចូលឆ្នាំចិននេះ។ លោកថា៖«ចូលឆ្នាំចិន អ្នកដែលទៅលេងនៅហុងកុង កើនប្រមាណ១៥ទៅ២០ភាគរយ ដោយសារតែមានកញ្ចប់សេវាកម្មហ្នឹងសមរម្យ ហើយជើងហោះហើរត្រង់ក៏មានច្រើន»។
ក្រៅពីប្រទេសទីក្រុងហុងកុង ពលរដ្ឋខ្មែរក៏ទៅកម្សាន្តផងដែរ នៅក្នុងប្រទេស ប្រទេសម៉ាឡេស៊ី សឹង្ហបុរី ថៃប្រទេស វៀតណាម និងទីក្រុងម៉ាកាវប្រទេសចិន។
សម្រាប់គោលដៅទេសចរណ៍នៅក្នុងស្រុក ខេត្តសៀមរាប និងព្រះសីហនុ នៅតែស្ថិតនៅក្នុងចំណាត់ទី១ ជាគោលដៅទេសចរណ៍នៅក្នុងស្រុក។ ក្រៅពីនោះគឺមានខេត្ត ក្រចេះ ស្ទឹងត្រែង មណ្ឌលគិរី និងរតនគិរី ពោធិ៍សាត់ បាត់ដំបង ព្រះវិហារ ប៉ៃលិនជាដើម។ នេះជាការបញ្ជាក់របស់ លោក អាង គីមអៀង។
តែយ៉ាងណាក៏ដោយ កំណើននៃភ្ញៀវទេសចរកម្ពុជា ធ្វើដំណើរកម្សាន្តទៅក្រៅប្រទេសកាន់តែច្រើន ក៏ធ្វើឲ្យបាត់បង់ចំណូលជាតិមួយចំនួនផងដែរ។ ដូច្នេះហើយ លោក អាង គឹមអ៊ាង ក្នុងនាមជាប្រធានប្រធានសមាគមទីភ្នាក់ងារទេសចរណ៍កម្ពុជា ស្នើឲ្យអាជ្ញាធរពាក់ព័ន្ធ ត្រូវរៀបចំតំបន់រមណីយដ្ឋានទេសចរណ៍នៅក្នុងតំបន់របស់ខ្លួនឲ្យកាន់តែល្អប្រសើរ រៀបចំឲ្យការកម្សាន្តកាន់តែច្រើន អភិវឌ្ឍន៍ប្រព័ន្ធគមនាគមន៍ និងការកំណត់តម្លៃសេវាកម្មឲ្យជាក់លាក់ជាដើម ដើម្បីរក្សាបាននូវកំណើនភ្ញៀវទេសចរជាតិ នៅក្នុងស្រុក និងទាក់ទាញទេសចរបរទេសបន្ថែមទៀត៕
Tag:
ទេសចរណ៍
ចូលឆ្នាំចិន
© រក្សាសិទ្ធិដោយ thmeythmey.com