អន្តរជាតិ
គោលការណ៍គ្រឹះនៃការអាចក្លាយជាសមាជិកអាស៊ាន
× សមាគមន៍ប្រជាជាតិអាស៊ីអាគ្នេយ៍ ឬហៅកាត់ថាអាស៊ាន ត្រូវបានបង្កើតឡើងជាផ្លូវការនៅថ្ងៃទី០៨ ខែសីហា ឆ្នាំ១៩៦៧ ។ មកទល់ពេលនេះ អាស៊ានមានសមាជិកសរុប១០ប្រទេសរួមមាន ព្រុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី វៀតណាម និងថៃ។ កម្ពុជា គឺជាសមាជិក ចុងក្រោយគេដែលបានទទួលសមាជិកភាពផ្លូវការនៅឆ្នាំ១៩៩៩ ។
បើយោងតាមមាត្រា៦ស្តីពីការទទួលយកសមាជិកថ្មី នៃធម្មនុញ្ញអាស៊ាន រដ្ឋដែលមានបំណងចង់ ក្លាយជាសមាជិកអាស៊ានត្រូវបំពេញនូវលក្ខណៈវិនិច្ឆ័យ និងលក្ខខណ្ឌគ្រឹះមួយចំនួនជាមុនសិន។ ចំណុចសំខាន់ទាំងនោះមានដូចជា៖
ក. ទីតាំងភូមិសាស្ត្រដែលត្រូវបានទទួលស្គាល់ថា ស្ថិតក្នុងតំបន់អាស៊ីអាគ្នេយ៍
ខ. មានការទទួលស្គាល់ពីបណ្តារដ្ឋសមាជិកអាស៊ានទាំងអស់
គ. ឯកភាពគោរព និងប្រតិបត្តិតាមធម្មនុញ្ញអាស៊ាន
ឃ. មានលទ្ធភាព និងឆន្ទៈអនុវត្តនូវកាតព្វកិច្ចទាំងអស់នៃសមាជិកភាព៕
© រក្សាសិទ្ធិដោយ thmeythmey.com