ជាតិ
ការប្រើប្រាស់ផ្កាយរណប នាំឲ្យការហោះហើរកម្ពុជាមានសុវត្ថិភាពខ្ពស់ជាងមុន
×![]()
ដោយ: ម៉ៅ សុផា
កម្ពុជា ចាប់ផ្តើមប្រើប្រាស់ប្រព័ន្ធផ្កាយរណប (PBN) ជាជំនួយនៃការហោះហើរជាលើកដំបូង នៅឆ្នាំ ២០១៣ ។ ការហោះហើរដោយប្រើប្រាស់ប្រព័ន្ធផ្កាយរណបនេះ នាំឲ្យការធ្វើដំណើរលើអាកាសវិថី កាន់តែមានសុវត្ថិភាព ដែលជាហេតុញ៉ាំងឲ្យអ្នកធ្វើដំណើរជាតិនិងអន្តរជាតិ មានភាពជឿជាក់ខ្លាំង ជាងមុន។
អគ្គនាយកអាកាសចរស៊ីវិលទទួលបន្ទុកការងារបច្ចេកទេស នៃរដ្ឋលេខាធិការអាកាសចរស៊ីវិល លោក កែវ ស៊ីវន បានអះអាងថា ការធ្វើដំណើរលើអាកាសវិថី ដោយប្រើប្រាស់ប្រព័ន្ធផ្កាយរណបជាជំនួយ គឺជាបទដ្ឋាននៃការហោះហើរបែបស្តង់ដាអន្តរជាតិ ដែលប្រទេសនានាស្ទើរពេញពិភពលោកកំពុងតែអនុវត្ត។ លោកបន្ថែមថា មធ្យោបាយដ៏ទំនើបនេះ ជំរុញឲ្យអ្នកដំណើរជាតិនិងអន្តជាតិ កាន់តែមានទំនុកចិត្តខ្លាំងឡើងៗ ក្នុងការធ្វើដំណើរតាមយន្តហោះកម្ពុជា ព្រោះបច្ចេកវិទ្យាដ៏ជឿនលឿននេះ អាចនាំឲ្យការហោះហើរ ចៀសផុតពីគ្រោះថ្នាក់ ក្នុងកម្រិតដ៏ខ្ពស់។
មន្ត្រីបច្ចេកទេសរូបនេះ បានបន្ថែមទៀតថា ក្រៅពីធ្វើឲ្យមានសុវត្ថិភាព ការហោះហើរតាមប្រព័ន្ធដ៏ទំនើបនេះ ក៏បានផ្តល់ផលប្រយោជន៍ច្រើនទៀតដែរ ដូចជា ការចំណាយថវិកាលើឧបករណ៍កាន់តែតិច, ចំណេញពេលវេលា, ផ្លូវហោះហើរជិតជាងមុន, ចំណាយប្រេងយន្តហោះកាន់តែតិច, កាត់បន្ថយការបំពុលបរិយាកាសនិងជួយថែរក្សាបរិស្ថាន ព្រមទាំងនាំចំណូលចូលរដ្ឋច្រើនជាងមុន។ យ៉ាងណាក៏ដោយ លោក កែវ ស៊ីវន មិនអាចបញ្ជាក់លម្អិតថា ក្រោយពីប្រើប្រាស់ប្រព័ន្ធផ្កាយរណបនេះ កម្ពុជាទទួលទំហំនៃចំណួលច្រើនជាងមុនប៉ុណ្ណានោះទេ។ ជុំវិញបញ្ហានេះផងដែរលោក បានមានប្រសាសន៍ថា បច្ចុប្បន្ន កម្ពុជា មានយន្តហោះជាង ២០គគ្រឿង និងអ្នកបើកបរជិត២០នាក់។
សូមស្តាប់លោក កែវ ស៊ីវន អគ្គនាយកអាកាសចរស៊ីវិលទទួលបន្ទុកការងារបច្ចេកទេស នៃរដ្ឋលេខាធិការដ្ឋានអាកាសចរស៊ីវិល ពន្យល់ពីលក្ខណៈបច្ចេកទេសនៃការហោះហើរដោយប្រើប្រាស់ប្រព័ន្ធផ្កាយរណប និងអត្ថប្រយោជន៍នៃប្រព័ន្ធបែបទំនើបនេះ៖
ការលើកឡើងរបស់លោកខាងលើ បានធ្វើឡើងនៅចំពោះក្រុមអ្នកសារព័ត៌មាន បន្ទាប់ពីបញ្ចប់ការថ្លែងសុន្ទរកថាបើកសិក្ខាស្តីពី «ការហោះហើរលើអាកាសវិថី ដោយប្រើប្រាស់ប្រព័ន្ធផ្កាយរណប សម្រាប់នាំផ្លូវ នៃព្រះរាជាណាចក្រកម្ពុជា» ដែលប្រព្រឹត្តទៅនៅសណ្ឋាគារភ្នំពេញ នាពេលព្រឹកថ្ងៃទី១២ កុម្ភៈ ឆ្នាំ២០១៦ ។
សិក្ខាសាលា ដែលមានអ្នកចូលរួមជិត ១០០នាក់ នេះ មានគោលបំណង ស្វែងរកចំណុចខ្វះខាត និងផលលំបាកមួយចំនួនពីការអនុវត្តផ្ទាល់ របស់ក្រុមប្រតិបត្តិការ ដូចជា អាកាសយានិក និងអ្នកបញ្ជាហោះហើរ ជាដើម។ បន្ទាប់ពីប្រមូលមតិពីក្រុមអ្នកប្រតិបត្តិទាំងនោះ និងអ្នកជំនាញផ្សេងៗទៀត រួចហើយ រដ្ឋលេខាធិការធិការអាកាសចរស៊ីវិល ដែលជាអ្នករៀបចំសិក្ខាសាលានេះ នឹងស្វែងរកចំណុចរួមមួយដើម្បីកែលម្អ យន្តការនៃការហោះហើរ ឲ្យកាន់ប្រសើរជាងមុន។
សូមបញ្ជាក់ថា ការហោះហើរដោយប្រើប្រាស់ប្រព័ន្ធផ្កាយរណបនេះ ត្រូវបានអនុវត្តជាផ្លូវការលើកដំបូងនៅអាកាសយានដ្ឋានអន្តរជាតិភ្នំពេញ កាលពីឆ្នាំ២០១៣ ។ រហូតដល់ឆ្នាំ២០១៤ រដ្ឋាភិបាល បានដាក់ឲ្យដំណើរនូវប្រព័ន្ធផ្កាយរណបនេះ នៅអាកាសយានដ្ឋានខេត្តសៀមរាប និងនៅអាសយានដ្ឋានខេត្តព្រះសីហនុ កាលពីឆ្នាំ២០១៥ ៕
អគ្គនាយកអាកាសចរស៊ីវិលទទួលបន្ទុកការងារបច្ចេកទេស នៃរដ្ឋលេខាធិការអាកាសចរស៊ីវិល លោក កែវ ស៊ីវន បានអះអាងថា ការធ្វើដំណើរលើអាកាសវិថី ដោយប្រើប្រាស់ប្រព័ន្ធផ្កាយរណបជាជំនួយ គឺជាបទដ្ឋាននៃការហោះហើរបែបស្តង់ដាអន្តរជាតិ ដែលប្រទេសនានាស្ទើរពេញពិភពលោកកំពុងតែអនុវត្ត។ លោកបន្ថែមថា មធ្យោបាយដ៏ទំនើបនេះ ជំរុញឲ្យអ្នកដំណើរជាតិនិងអន្តជាតិ កាន់តែមានទំនុកចិត្តខ្លាំងឡើងៗ ក្នុងការធ្វើដំណើរតាមយន្តហោះកម្ពុជា ព្រោះបច្ចេកវិទ្យាដ៏ជឿនលឿននេះ អាចនាំឲ្យការហោះហើរ ចៀសផុតពីគ្រោះថ្នាក់ ក្នុងកម្រិតដ៏ខ្ពស់។
មន្ត្រីបច្ចេកទេសរូបនេះ បានបន្ថែមទៀតថា ក្រៅពីធ្វើឲ្យមានសុវត្ថិភាព ការហោះហើរតាមប្រព័ន្ធដ៏ទំនើបនេះ ក៏បានផ្តល់ផលប្រយោជន៍ច្រើនទៀតដែរ ដូចជា ការចំណាយថវិកាលើឧបករណ៍កាន់តែតិច, ចំណេញពេលវេលា, ផ្លូវហោះហើរជិតជាងមុន, ចំណាយប្រេងយន្តហោះកាន់តែតិច, កាត់បន្ថយការបំពុលបរិយាកាសនិងជួយថែរក្សាបរិស្ថាន ព្រមទាំងនាំចំណូលចូលរដ្ឋច្រើនជាងមុន។ យ៉ាងណាក៏ដោយ លោក កែវ ស៊ីវន មិនអាចបញ្ជាក់លម្អិតថា ក្រោយពីប្រើប្រាស់ប្រព័ន្ធផ្កាយរណបនេះ កម្ពុជាទទួលទំហំនៃចំណួលច្រើនជាងមុនប៉ុណ្ណានោះទេ។ ជុំវិញបញ្ហានេះផងដែរលោក បានមានប្រសាសន៍ថា បច្ចុប្បន្ន កម្ពុជា មានយន្តហោះជាង ២០គគ្រឿង និងអ្នកបើកបរជិត២០នាក់។
សូមស្តាប់លោក កែវ ស៊ីវន អគ្គនាយកអាកាសចរស៊ីវិលទទួលបន្ទុកការងារបច្ចេកទេស នៃរដ្ឋលេខាធិការដ្ឋានអាកាសចរស៊ីវិល ពន្យល់ពីលក្ខណៈបច្ចេកទេសនៃការហោះហើរដោយប្រើប្រាស់ប្រព័ន្ធផ្កាយរណប និងអត្ថប្រយោជន៍នៃប្រព័ន្ធបែបទំនើបនេះ៖
ការលើកឡើងរបស់លោកខាងលើ បានធ្វើឡើងនៅចំពោះក្រុមអ្នកសារព័ត៌មាន បន្ទាប់ពីបញ្ចប់ការថ្លែងសុន្ទរកថាបើកសិក្ខាស្តីពី «ការហោះហើរលើអាកាសវិថី ដោយប្រើប្រាស់ប្រព័ន្ធផ្កាយរណប សម្រាប់នាំផ្លូវ នៃព្រះរាជាណាចក្រកម្ពុជា» ដែលប្រព្រឹត្តទៅនៅសណ្ឋាគារភ្នំពេញ នាពេលព្រឹកថ្ងៃទី១២ កុម្ភៈ ឆ្នាំ២០១៦ ។
សិក្ខាសាលា ដែលមានអ្នកចូលរួមជិត ១០០នាក់ នេះ មានគោលបំណង ស្វែងរកចំណុចខ្វះខាត និងផលលំបាកមួយចំនួនពីការអនុវត្តផ្ទាល់ របស់ក្រុមប្រតិបត្តិការ ដូចជា អាកាសយានិក និងអ្នកបញ្ជាហោះហើរ ជាដើម។ បន្ទាប់ពីប្រមូលមតិពីក្រុមអ្នកប្រតិបត្តិទាំងនោះ និងអ្នកជំនាញផ្សេងៗទៀត រួចហើយ រដ្ឋលេខាធិការធិការអាកាសចរស៊ីវិល ដែលជាអ្នករៀបចំសិក្ខាសាលានេះ នឹងស្វែងរកចំណុចរួមមួយដើម្បីកែលម្អ យន្តការនៃការហោះហើរ ឲ្យកាន់ប្រសើរជាងមុន។
សូមបញ្ជាក់ថា ការហោះហើរដោយប្រើប្រាស់ប្រព័ន្ធផ្កាយរណបនេះ ត្រូវបានអនុវត្តជាផ្លូវការលើកដំបូងនៅអាកាសយានដ្ឋានអន្តរជាតិភ្នំពេញ កាលពីឆ្នាំ២០១៣ ។ រហូតដល់ឆ្នាំ២០១៤ រដ្ឋាភិបាល បានដាក់ឲ្យដំណើរនូវប្រព័ន្ធផ្កាយរណបនេះ នៅអាកាសយានដ្ឋានខេត្តសៀមរាប និងនៅអាសយានដ្ឋានខេត្តព្រះសីហនុ កាលពីឆ្នាំ២០១៥ ៕
Tag:
ប្រព័ន្ធផ្កាយរណប
© រក្សាសិទ្ធិដោយ thmeythmey.com
