ពីនេះ ពីនោះ
ផ្សោតក្របី ជាសត្វដែលមានកំលាំងខ្លាំង និងហែលទឹកបានលឿន
× ភិនភាគ៖ ដងខ្លួនមានពណ៌ខ្មៅ ឬប្រផេះក្រម៉ៅលើកលែងតែផ្នែកខាងក្រោមមានពណ៌ប្រផេះស្រាល។ ព្រុយខ្នងបញ្ឈរ និងខាងចុងរាងមូល។ ធ្មេញជួរខាងលើវែងជាងធ្មេញជួរខាងក្រោមពី៣-៤ ស.ម។ កូនដែលទើបកើតប្រវែង ១,៦-១,៩ម នៅពេលពេញវ័យអាចមានប្រវែង ៥-៦ម និងមានទម្ងន់ប្រមាណ ១៣៦០គ.ក។
ជីវសាស្ត្រ៖ ផ្សោតក្របីរស់នៅជាក្រុម ដែលអាចមានចំនួនរហូតដល់៦០ក្បាល។ ជួនកាលគេប្រទះឃើញរស់នៅជាមួយផ្សោតច្រមុះដបផងដែរ។ វាជាសត្វដែលមានកំលាំងខ្លាំង និងហែលទឹកបានលឿន។ ចំណីអាហាររបស់វាមានដូចជា ត្រី មឹក បង្គា និងពពួកថនិកសត្វទឹក ដែលមានទំហំតូចជាងវា។
រប៉ាយរស់នៅ៖ ក្នុងដែនសមុទ្រកម្ពុជាគេបានប្រទះឃើញផ្សោតប្រភេទនេះនៅក្បែរកោះរុងសាលឹម និងមានវត្តមាននៅកន្លែងទឹកជ្រៅ តំបន់ត្រូពិចដែលមានសីតុណ្ហភាពក្តៅល្មម។
ស្ថានភាពអភិរក្ស៖ ផ្សោតខ្មៅជាប្រភេទសត្វដែល បានចុះក្នុងបញ្ជីក្រហម IUCN (LR) ជាប្រភេទរងគ្រោះតិចលើពិភពលោក និងនៅតាមតំបន់កំណត់ដែលមានវត្តមានពួកវា។
© រក្សាសិទ្ធិដោយ thmeythmey.com