ជាតិ
សម្តេច ហ៊ុន សែន បង្ហោះរូបថើបភរិយា ក្នុងថ្ងៃបុណ្យនៃក្តីស្រឡាញ់
× រូបថតបង្ហាញភាពស្និទ្ធស្នាល និងក្តីស្រឡាញ់ចំនួន ៨ សន្លឹក ត្រូវបានសម្តេច ហ៊ុន សែន បង្ហោះនៅលើបណ្តាញសង្គមហ្វេសប៊ុកទាំងព្រឹក ក្នុងថ្ងៃទិវានៃក្តីស្រឡាញ់។ រូបថតមួយសន្លឹក ក្នុងចំណោមរូបថតចាស់ទាំង ៨ សន្លឹកនោះ ឃើញសម្តេច ហ៊ុន សែន ឱនថើបថ្ពាល់ភរិយាខ្លួន អមជាមួយផ្កាមួយបាច់ កាលពីឆ្នាំ ២០១៥ កន្លងទៅ។
ក្រៅពីបង្ហោះរូបថតនៅលើបណ្តាញសង្គមហ្វេសប៊ុក បង្ហាញពីក្តីស្រឡាញ់ចំពោះភរិយា និងកុមារកំព្រា ពិការ មួយចំនួន ក្នុងថ្ងៃបុណ្យនៃក្តីស្រឡាញ់(Valentine’s Day) សម្តេច ហ៊ុន សែន ក៏ផ្ញើសារដល់យុវជន ឲ្យឆ្លៀតយកថ្ងៃ ១៤ កុម្ភៈ នេះ ដើម្បីបង្ហាញនូវក្តីស្រឡាញ់ចំពោះឪពុកម្តាយ ជីដូនជីតា លោកគ្រូ អ្នកគ្រូ និងមនុស្សដែលនៅជុំវិញខ្លួនផងដែរ៕
© រក្សាសិទ្ធិដោយ thmeythmey.com