អន្តរជាតិ
ចៅក្រមតុលាការកំពូលអាមេរិក Antonin Scalia មរណភាព បន្សល់ទុកបញ្ហាស្នងតំណែង
×![]()
ដោយ: តន ចាន់រិទ្ធារ៉ា
លោក Antonin Scalia ចៅក្រមតុលាការកំពូលអាមេរិកបានស្លាប់ក្នុងវ័យ៧៩ឆ្នាំនៅឯរដ្ឋតិចសាស កាលពីថ្ងៃសៅរ៍ម្សិលមិញ។ ជាចៅក្រមកាន់តំណែងយូរជាងគេរបស់តុលការកំពូល លោក Antonin Scalia មានតួនាទីយ៉ាងសំខាន់ក្នុងវិស័យច្បាប់អាមេរិក។ ប៉ុន្តែការស្លាប់របស់លោកបានបន្សល់ទុកបញ្ហាមួយគឺការតែងតាំងអ្នកថ្មីសម្រាប់តំណែងនេះ។ ក្រុមសាធារណរដ្ឋចង់ឲ្យប្រធានាធិបតីថ្មីជាអ្នកកំណត់បេក្ខជន ខណៈដែលបក្សប្រជាធិបតេយ្យចង់ឃើញការតែងតាំងនៅអាណត្តិលោកអូបាម៉ា។
ជារឿងគួរឲ្យសោកសៅមួយដែលចៅក្រមតុលាការកំពូលអាមេរិកលោក Antonin Scalia បានស្លាប់ក្នងវ័យ៧៩ឆ្នាំ។ លោកក្លាយជាចៅក្រមក្នុងស្ថាប័នកំពូលនេះតាំងពីអាណត្តិប្រធានាធិបតីលោក រ៉ូណាល់ រីហ្គេន ក្នុងឆ្នាំ១៩៨៦ ដែលធ្វើឲ្យលោកជាជនជាតិអាមេរិកកាត់អ៊ីតាលីទីមួយដែលជាប់ក្នុងតំណែងនេះ។ ប្រធានាធិបតីអាមេរិក បារ៉ាក់ អូបាម៉ា បានបង្ហាញការសោកស្ដាយចំពោះការស្លាប់របស់ចៅក្រមរូបនេះ ហើយនឹងតែងតាំងអ្នកថ្មីមកជំនួសវិញ។
យ៉ាងណាក្ដី ដំណើរការតែងតាំងបេក្ខជនថ្មីនឹងមិនមែនជារឿងងាយស្រួលនោះទេ បើទោះបីជាលោក អូបាម៉ា ប្រកាសថានឹងធ្វើតាមរដ្ឋធម្មនុញ្ញក្នុងការរើសចៅក្រមថ្មីក៏ដោយ។ ប្រធានាធិបតីរូបនេះត្រូវប្រឈមមុខនឹងក្រុមសមាជិកបក្សសាធារណរដ្ឋដែលកំពុងត្រួតត្រាសភា ដ្បិតលោក អូបាម៉ាមានរយៈពេលមិនដល់មួយឆ្នាំទេសម្រាប់តំណែងជាប្រធានាធិបតីរបស់លោក។
គណបក្សសាធារណរដ្ឋដែលមានសំឡេងភាគច្រើនក្នុងសភាចង់ទុកឲ្យប្រធានាធិបតីថ្មីជាអ្នកសម្រេចលើបេក្ខជនថ្មីសម្រាប់តំណែងចៅក្រមតុលាការកំពូលនេះ។ នេះក៏ដោយសារតែពួកគេយល់ថា បេក្ខជនបក្សសាធារណរដ្ឋអាចនឹងទទួលជោគជ័យក្នុងការបោះឆ្នោតប្រធានាធិបតីនៅពេលខាងមុខ។ បើតាម The Atlantic ប្រធានមតិភាគច្រើនព្រឹទ្ធសភាអាមេរិកមកពីបក្សសាធារណរដ្ឋលោក Mitch McConnell និយាយថា កៅអីដែលទំនេរនេះគួរត្រូវបំពេញដោយប្រធានាធិបតីថ្មីវិញ។
យ៉ាងណាក្ដី បក្សប្រជាធិបតេយ្យបានទទួចឲ្យលោកប្រធានាធិបតីអូបាម៉ា ឆាប់បញ្ជូនឈ្មោះបេក្ខជនចៅក្រមថ្មីមកកាន់ព្រឹទ្ធសភា។ តែវាច្បាស់ណាស់ថា បក្សសាធារណរដ្ឋដែលត្រួតត្រាសភានឹងបដិសេធរាល់បេក្ខជនណាដែលត្រូវបានបញ្ជូនឈ្មោះមកនៅពេលនេះជាមិនខាន។ ហើយវានឹងធ្វើតុលាការកំពូលអាមេរិកពិបាកធ្វើការមិនខាន ដ្បិតប្រធានាធិបតីថ្មីនឹងចូលកាន់តំណែងនៅខែមករាឆ្នាំក្រោយឯណោះ៕
ជារឿងគួរឲ្យសោកសៅមួយដែលចៅក្រមតុលាការកំពូលអាមេរិកលោក Antonin Scalia បានស្លាប់ក្នងវ័យ៧៩ឆ្នាំ។ លោកក្លាយជាចៅក្រមក្នុងស្ថាប័នកំពូលនេះតាំងពីអាណត្តិប្រធានាធិបតីលោក រ៉ូណាល់ រីហ្គេន ក្នុងឆ្នាំ១៩៨៦ ដែលធ្វើឲ្យលោកជាជនជាតិអាមេរិកកាត់អ៊ីតាលីទីមួយដែលជាប់ក្នុងតំណែងនេះ។ ប្រធានាធិបតីអាមេរិក បារ៉ាក់ អូបាម៉ា បានបង្ហាញការសោកស្ដាយចំពោះការស្លាប់របស់ចៅក្រមរូបនេះ ហើយនឹងតែងតាំងអ្នកថ្មីមកជំនួសវិញ។
យ៉ាងណាក្ដី ដំណើរការតែងតាំងបេក្ខជនថ្មីនឹងមិនមែនជារឿងងាយស្រួលនោះទេ បើទោះបីជាលោក អូបាម៉ា ប្រកាសថានឹងធ្វើតាមរដ្ឋធម្មនុញ្ញក្នុងការរើសចៅក្រមថ្មីក៏ដោយ។ ប្រធានាធិបតីរូបនេះត្រូវប្រឈមមុខនឹងក្រុមសមាជិកបក្សសាធារណរដ្ឋដែលកំពុងត្រួតត្រាសភា ដ្បិតលោក អូបាម៉ាមានរយៈពេលមិនដល់មួយឆ្នាំទេសម្រាប់តំណែងជាប្រធានាធិបតីរបស់លោក។
គណបក្សសាធារណរដ្ឋដែលមានសំឡេងភាគច្រើនក្នុងសភាចង់ទុកឲ្យប្រធានាធិបតីថ្មីជាអ្នកសម្រេចលើបេក្ខជនថ្មីសម្រាប់តំណែងចៅក្រមតុលាការកំពូលនេះ។ នេះក៏ដោយសារតែពួកគេយល់ថា បេក្ខជនបក្សសាធារណរដ្ឋអាចនឹងទទួលជោគជ័យក្នុងការបោះឆ្នោតប្រធានាធិបតីនៅពេលខាងមុខ។ បើតាម The Atlantic ប្រធានមតិភាគច្រើនព្រឹទ្ធសភាអាមេរិកមកពីបក្សសាធារណរដ្ឋលោក Mitch McConnell និយាយថា កៅអីដែលទំនេរនេះគួរត្រូវបំពេញដោយប្រធានាធិបតីថ្មីវិញ។
យ៉ាងណាក្ដី បក្សប្រជាធិបតេយ្យបានទទួចឲ្យលោកប្រធានាធិបតីអូបាម៉ា ឆាប់បញ្ជូនឈ្មោះបេក្ខជនចៅក្រមថ្មីមកកាន់ព្រឹទ្ធសភា។ តែវាច្បាស់ណាស់ថា បក្សសាធារណរដ្ឋដែលត្រួតត្រាសភានឹងបដិសេធរាល់បេក្ខជនណាដែលត្រូវបានបញ្ជូនឈ្មោះមកនៅពេលនេះជាមិនខាន។ ហើយវានឹងធ្វើតុលាការកំពូលអាមេរិកពិបាកធ្វើការមិនខាន ដ្បិតប្រធានាធិបតីថ្មីនឹងចូលកាន់តំណែងនៅខែមករាឆ្នាំក្រោយឯណោះ៕
Tag:
អាមេរិក
© រក្សាសិទ្ធិដោយ thmeythmey.com
