កីឡាអន្តរជាតិ
អន្តរជាតិ
Messi ម្ចាស់ពាន Ballon d’Or ៥លើក តែទើបឈ្នះពានប្រចាំខែក្នុង La Liga ជាលើកដំបូង
×![]()
ដោយ: ធីតា
ខ្សែប្រយុទ្ធជម្រើសជាតិអាហ្សង់ទីន Lionel Messi ដែលលេងឲ្យក្លិប Barcelona របស់អេស្ប៉ាញ ឈ្នះរង្វាន់ជាលក្ខណៈជាច្រើន ជាពិសេសការទទួលបានពាន FIFA Ballon d’Or ក្នុងនាមជាកីឡាករបាល់ទាត់ឆ្នើមលើពិភពលោក រហូតដល់ទៅ៥លើក។ ទោះបីជាយ៉ាងណា វាទើបជាលើកដំបូងប៉ុណ្ណោះដែល កីឡាកររូបនេះ ទទួលបានពានកីឡាករឆ្នើមប្រចាំខែនៅក្របខណ្ឌបាល់ទាត់អេស្ប៉ាញ «La Liga Player of the Month» ។
បន្ទាប់ពីឆ្លងកាត់អាជីពជាកីឡាករបាល់ទាត់អស់រយៈពេលប្រមាណ១២ឆ្នាំ Lionel Messi បានក្លាយជាកីឡាករឆ្នើមបំផុត របស់ពិភពលោកតាមយៈការឈ្នះពាន FIFA Ballon d’Or រហូតដល់ទៅ៥លើក។ ប៉ុន្តែប្រវត្តិសាស្ត្រថ្មីមួយទៀតរបស់ខ្សែប្រយុទ្ធឆ្នើមរូបនេះ គឺការឈ្នះពាន La Liga Player of the Month ជាលើកដំបូងសម្រាប់ខែមករា ឆ្នាំ២០១៦នេះ។
អ្វីដែលគួរឲ្យកត់សម្គាល់នោះ ពានកីឡាករឆ្នើមប្រចាំខែនៅក្របខណ្ឌ La Liga ត្រូវបានបង្កើតតាំងពីឆ្នាំ២០១៣មកម្ល៉េះ។ ពីខែកញ្ញា ឆ្នាំ២០១៣ ដល់ខែធ្នូ ឆ្នាំ២០១៥ មានការចែករង្វាន់ចំនួន២២លើក ដោយ Messi មិនមានប្រវត្តិទទួលបានមួយលើកណាសោះ ដោយរង់ចាំរហូតដល់ខែមករា ឆ្នាំ២០១៦ នេះ ទើបមានឱកាសជាលើកដំបូង។
តាមប្រវត្តិ កីឡាករចំនួន៤នាក់ ធ្លាប់ឈ្នះ La Liga Player of the Month ចំនួន២លើកតែម្នាក់ឯង ដែលក្នុងនោះមាន Diego Godin (Atletico Madrid), Antoine Griezmann (Atletico Madrid), Nolito (Celta Vigo) និង Cristiano Ronaldo (Real Madrid) ។
ជារួម ក្លិប Atletico Madrid មានកីឡាករឈ្នះសរុប៦លើក, Celta Vigo ៣លើក, Real Madrid ៣លើក។ សម្រាប់ក្លិប Barcelona វិញ Lionel Messi ឈ្នះពានកីឡាករឆ្នើមប្រចាំខែនេះ បន្ទាប់ពី Neymar ដែលបានឈ្នះសម្រាប់ខែវិច្ឆិកា ឆ្នាំ២០១៥ ៕
បន្ទាប់ពីឆ្លងកាត់អាជីពជាកីឡាករបាល់ទាត់អស់រយៈពេលប្រមាណ១២ឆ្នាំ Lionel Messi បានក្លាយជាកីឡាករឆ្នើមបំផុត របស់ពិភពលោកតាមយៈការឈ្នះពាន FIFA Ballon d’Or រហូតដល់ទៅ៥លើក។ ប៉ុន្តែប្រវត្តិសាស្ត្រថ្មីមួយទៀតរបស់ខ្សែប្រយុទ្ធឆ្នើមរូបនេះ គឺការឈ្នះពាន La Liga Player of the Month ជាលើកដំបូងសម្រាប់ខែមករា ឆ្នាំ២០១៦នេះ។
អ្វីដែលគួរឲ្យកត់សម្គាល់នោះ ពានកីឡាករឆ្នើមប្រចាំខែនៅក្របខណ្ឌ La Liga ត្រូវបានបង្កើតតាំងពីឆ្នាំ២០១៣មកម្ល៉េះ។ ពីខែកញ្ញា ឆ្នាំ២០១៣ ដល់ខែធ្នូ ឆ្នាំ២០១៥ មានការចែករង្វាន់ចំនួន២២លើក ដោយ Messi មិនមានប្រវត្តិទទួលបានមួយលើកណាសោះ ដោយរង់ចាំរហូតដល់ខែមករា ឆ្នាំ២០១៦ នេះ ទើបមានឱកាសជាលើកដំបូង។
តាមប្រវត្តិ កីឡាករចំនួន៤នាក់ ធ្លាប់ឈ្នះ La Liga Player of the Month ចំនួន២លើកតែម្នាក់ឯង ដែលក្នុងនោះមាន Diego Godin (Atletico Madrid), Antoine Griezmann (Atletico Madrid), Nolito (Celta Vigo) និង Cristiano Ronaldo (Real Madrid) ។
ជារួម ក្លិប Atletico Madrid មានកីឡាករឈ្នះសរុប៦លើក, Celta Vigo ៣លើក, Real Madrid ៣លើក។ សម្រាប់ក្លិប Barcelona វិញ Lionel Messi ឈ្នះពានកីឡាករឆ្នើមប្រចាំខែនេះ បន្ទាប់ពី Neymar ដែលបានឈ្នះសម្រាប់ខែវិច្ឆិកា ឆ្នាំ២០១៥ ៕
Tag:
បាល់ទាត់
Messi
© រក្សាសិទ្ធិដោយ thmeythmey.com
