បទយកការណ៍ / បទសម្ភាសន៍
សេដ្ឋកិច្ច
NGO ខ្មែរវាយតម្លៃទស្សនកិច្ចនៅចិនថា«ជាវេទិកាវិជ្ជមាន បើកចំហរ និងស្មោះត្រង់»
×![]()
ប្រទេសចិន-ទីក្រុងប៉េកាំង៖ លោក ម៉ម សម្បត្តិ នាយកប្រតិបត្តិនៃអង្គការអភិវឌ្ឍភាពជាដៃគូក្នុងសកម្មភាព(DPA) ដែលត្រូវបានអញ្ជើញឲ្យចូលរួមសិក្ខាសាលាជាន់ខ្ពស់ស្តីពីការអភិវឌ្ឍដោយចីរភាពនៃប្រទេសកម្ពុជានៅក្នុងប្រទេសចិនពីថ្ងៃទី១៩ដល់ថ្ងៃទី២៦ខែមេសាឆ្នាំ២០១៦ បានវាយតម្លៃទស្សនកិច្ចនៅចិនថា«ជាវេទិកាវិជ្ជមាន បើកចំហរ និងស្មោះត្រង់»។
វេទិកាបើកចំហរនេះ បានធ្វើឡើងរវាងអង្គការសង្គមស៊ីវិលឯករាជ្យក្រៅរដ្ឋាភិបាល-ក្នុងរដ្ឋាភិបាល អ្នកស្រាវជ្រាវឯករាជ្យ និងអ្នកកាសែតឯករាជ្យខ្មែរចំនួន១៦នាក់មកពីស្ថាប័នផ្សេងគ្នា និងមូលនិធិចិនដើម្បីសន្តិភាព និងការអភិវឌ្ឍ, សាស្ត្រាចារ្យជនជាតិចិន, អ្នកជំនួញ និងមន្ត្រីគណបក្សកុំម្មុយនីសចិនមួយចំនួនផ្សេងទៀត។ ខាងភាគីកម្ពុជា មានដូចជា៖ អង្គការស្តារកម្ពុជា, អង្គការជីវិតថ្លៃថ្នូរ, អង្គការ NGO Forum, អង្គការអភិវឌ្ឍភាពជាដៃគូក្នុងសកម្មភាព(DPA) នាយកដ្ឋានសង្គមស៊ីវិល-អង្គការមិនមែនរដ្ឋាភិបាល និងសិទ្ធិមនុស្សក្រោមទីស្តីការគណៈរដ្ឋមន្ត្រី, វិទ្យាស្ថានកម្ពុជាសម្រាប់ការសិក្សាយុទ្ធសាស្ត្រ… អ្នកកាសែតពីសារព័ត៌មានអេឡិចត្រូនិកថ្មីៗ, ពី Khmer Times, ពីទូរទស្សន៍ ទទក និងពីCNC ត្រូវបានអញ្ជើញឲ្យចូលរួមក្នុងសិក្ខាសាលាជាន់ខ្ពស់ស្តីពីការអភិវឌ្ឍដោយចីរភាពនៃប្រទេសកម្ពុជានៅក្នុងប្រទេសចិន។ ខាងភាគីចិនមានដូចជា៖ មូលនិធិចិនដើម្បីសន្តិភាព និងការអភិវឌ្ឍ, សកលវិទ្យាល័យសិក្សាភាសាបរទេសទីក្រុងប៉េកាំង, សកលវិទ្យាល័យបច្ចេកវិទ្យាព័ត៌មាន និងវិទ្យាសាស្ត្រ Huazhong និងក្រុមហ៊ុនឯកជនធំៗរបស់ប្រទេសចិនមួយចំនួនផងដែរ។
លោក ម៉ម សម្បត្តិ នាយកប្រតិបត្តិនៃអង្គការអភិវឌ្ឍភាពជាដៃគូក្នុងសកម្មភាព(DPA)បានថ្លែប្រាប់សារព័ត៌មានថ្មីៗនៅក្នុងទីក្រុងប៉េកាំងក្រោយកិច្ចប្រជុំដោយវាយតម្លៃថា៖«នេះគឺជាកិច្ចប្រជុំបើកចំហរ បើកឱកាសឲ្យពលរដ្ឋខ្មែរ និងចិនស្វែងយល់គ្នា និងម្យ៉ាងទៀត វេទិកានេះ មានន័យថា ភាគីចិន ចង់ស្តាប់យោបល់របស់ពលរដ្ឋខ្មែរ ចង់ស្តាប់គំនិតអ្នកសារព័ត៌មានខ្មែរ។ ភាគីចិនស្តាប់យើងដោយប្រុងប្រយ័ត្ន ហើយគេផ្តល់ឱកាសឲ្យយើងជូនជាយោបល់ទៅគេវិញ ក្នុងន័យស្មោះត្រង់ ដើម្បីស្ថាបនា កែលម្អរ ជាពិសេស ទាក់ទងទៅនឹងសកម្មភាពក្រុមហ៊ុនចិនមួយចំនួនដែលរកស៊ីនៅក្នុងប្រទេសកម្ពុជា»។ អង្គការសង្គមស៊ីវិលខ្មែរផ្សេងទៀត អបអរសាទរជំហររបស់ភាគីចិនដែលទទួលយករាល់ការលើកឡើងរបស់គណៈប្រតិភូខ្មែរ។
ដើម្បីជ្រាបព័ត៌មានលម្អិតសូមអញ្ជើញស្តាប់បទសម្ភាសន៍រវាងលោក គី សុខលីម អគ្គនាយកសារព័ត៌មានអេឡិចត្រូនិកថ្មីៗ និងលោក ម៉ម សម្បត្តិ នាយកប្រតិបត្តិនៃអង្គការអភិវឌ្ឍភាពជាដៃគូក្នុងសកម្មភាព(DPA) ពីទីក្រុងប៉េកាំងនៃប្រទេសចិនដូចតទៅ៖
វេទិកាបើកចំហរនេះ បានធ្វើឡើងរវាងអង្គការសង្គមស៊ីវិលឯករាជ្យក្រៅរដ្ឋាភិបាល-ក្នុងរដ្ឋាភិបាល អ្នកស្រាវជ្រាវឯករាជ្យ និងអ្នកកាសែតឯករាជ្យខ្មែរចំនួន១៦នាក់មកពីស្ថាប័នផ្សេងគ្នា និងមូលនិធិចិនដើម្បីសន្តិភាព និងការអភិវឌ្ឍ, សាស្ត្រាចារ្យជនជាតិចិន, អ្នកជំនួញ និងមន្ត្រីគណបក្សកុំម្មុយនីសចិនមួយចំនួនផ្សេងទៀត។ ខាងភាគីកម្ពុជា មានដូចជា៖ អង្គការស្តារកម្ពុជា, អង្គការជីវិតថ្លៃថ្នូរ, អង្គការ NGO Forum, អង្គការអភិវឌ្ឍភាពជាដៃគូក្នុងសកម្មភាព(DPA) នាយកដ្ឋានសង្គមស៊ីវិល-អង្គការមិនមែនរដ្ឋាភិបាល និងសិទ្ធិមនុស្សក្រោមទីស្តីការគណៈរដ្ឋមន្ត្រី, វិទ្យាស្ថានកម្ពុជាសម្រាប់ការសិក្សាយុទ្ធសាស្ត្រ… អ្នកកាសែតពីសារព័ត៌មានអេឡិចត្រូនិកថ្មីៗ, ពី Khmer Times, ពីទូរទស្សន៍ ទទក និងពីCNC ត្រូវបានអញ្ជើញឲ្យចូលរួមក្នុងសិក្ខាសាលាជាន់ខ្ពស់ស្តីពីការអភិវឌ្ឍដោយចីរភាពនៃប្រទេសកម្ពុជានៅក្នុងប្រទេសចិន។ ខាងភាគីចិនមានដូចជា៖ មូលនិធិចិនដើម្បីសន្តិភាព និងការអភិវឌ្ឍ, សកលវិទ្យាល័យសិក្សាភាសាបរទេសទីក្រុងប៉េកាំង, សកលវិទ្យាល័យបច្ចេកវិទ្យាព័ត៌មាន និងវិទ្យាសាស្ត្រ Huazhong និងក្រុមហ៊ុនឯកជនធំៗរបស់ប្រទេសចិនមួយចំនួនផងដែរ។
លោក ម៉ម សម្បត្តិ នាយកប្រតិបត្តិនៃអង្គការអភិវឌ្ឍភាពជាដៃគូក្នុងសកម្មភាព(DPA)បានថ្លែប្រាប់សារព័ត៌មានថ្មីៗនៅក្នុងទីក្រុងប៉េកាំងក្រោយកិច្ចប្រជុំដោយវាយតម្លៃថា៖«នេះគឺជាកិច្ចប្រជុំបើកចំហរ បើកឱកាសឲ្យពលរដ្ឋខ្មែរ និងចិនស្វែងយល់គ្នា និងម្យ៉ាងទៀត វេទិកានេះ មានន័យថា ភាគីចិន ចង់ស្តាប់យោបល់របស់ពលរដ្ឋខ្មែរ ចង់ស្តាប់គំនិតអ្នកសារព័ត៌មានខ្មែរ។ ភាគីចិនស្តាប់យើងដោយប្រុងប្រយ័ត្ន ហើយគេផ្តល់ឱកាសឲ្យយើងជូនជាយោបល់ទៅគេវិញ ក្នុងន័យស្មោះត្រង់ ដើម្បីស្ថាបនា កែលម្អរ ជាពិសេស ទាក់ទងទៅនឹងសកម្មភាពក្រុមហ៊ុនចិនមួយចំនួនដែលរកស៊ីនៅក្នុងប្រទេសកម្ពុជា»។ អង្គការសង្គមស៊ីវិលខ្មែរផ្សេងទៀត អបអរសាទរជំហររបស់ភាគីចិនដែលទទួលយករាល់ការលើកឡើងរបស់គណៈប្រតិភូខ្មែរ។
ដើម្បីជ្រាបព័ត៌មានលម្អិតសូមអញ្ជើញស្តាប់បទសម្ភាសន៍រវាងលោក គី សុខលីម អគ្គនាយកសារព័ត៌មានអេឡិចត្រូនិកថ្មីៗ និងលោក ម៉ម សម្បត្តិ នាយកប្រតិបត្តិនៃអង្គការអភិវឌ្ឍភាពជាដៃគូក្នុងសកម្មភាព(DPA) ពីទីក្រុងប៉េកាំងនៃប្រទេសចិនដូចតទៅ៖
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
