អន្តរជាតិ
រុស្ស៊ីប្រើវេទិកាសន្តិសុខ រកការគាំទ្របង្កើតប្រព័ន្ធសន្តិសុខរួមនៅអាស៊ីប៉ាស៊ីហ្វិក
×![]()
សន្និសីទស្តីពីសន្តិសុខអន្តរជាតិលើកទី៥នៅទីក្រុងម៉ូស្គូ បានចាប់ផ្តើមឡើងនៅថ្ងៃ ពុធ ទី ២៧ មេសាម្សិលមិញនេះ។ មុនសន្និសីទចាប់ផ្តើម រុស្ស៊ីបានលើកជាគំនិតក្នុងការបង្កើតប្រព័ន្ធសន្តិសុខសមូហភាពក្នុងតំបន់អាស៊ីប៉ាស៊ីហ្វិក។ គំនិតផ្តួចផ្តើមនេះត្រូវបានគេចាត់ទុកថា ជាយន្តការសំខាន់សម្រាប់ដោះស្រាយនិងធានាសន្តិសុខតំបន់ទាំងមូលផង។ ហើយម្សិលមិញនេះ ក្នុងកិច្ចប្រជុំរដ្ឋមន្ត្រីការបរទេស រុស្ស៊ីបានឆ្លៀតឱកាសស្នើឲ្យកូរ៉េខាងជើងបញ្ចប់មហិច្ឆតាដើម្បីក្លាយជាមហាអំណាចនុយក្លេអ៊ែរ ព្រោះវាបានក្លាយជាលេសមួយដែលប្រទេសមួយចំនួនបប្រើប្រាស់ក្នុងការបង្កើនសកម្មភាពយោធានៅតំបន់អាស៊ីផង។ ក្រៅពីនេះ ភាគីរុស្ស៊ីបានឆ្លៀតស្នើឲ្យ មានការបង្កើតសម្ព័ន្ធធំមួយប្រឆាំងភេរវកម្ម ដែលធ្វើសកម្មភាពក្រោមស្លាកអង្គការសហប្រជាជាតិ និងផ្អែកលើច្បាប់អន្តរជាតិផង។
សូមស្តាប់ការបកស្រាយរបស់លោក សៅ ផលនិស្ស័យ៖
សន្និសីទសន្តិសុខអន្តរជាតិលើកទី ៥ ត្រូវបានរៀបចំឡើងនៅក្នុងទីក្រុងម៉ូស្គូចាប់ពីថ្ងៃ ២៧មេសា ម្សិលមិញនេះ ហើយវានិងត្រូវបិទបញ្ចប់នៅថ្ងៃព្រហស្បតិ៍ទី ២៨មេសានេះ។ មន្ត្រីក្រុងម៉ូស្គូ បានអះអាងថា អ្នកចូលរួមក្នុងវេទិកាសន្តិសុខនេះមានរហូតដល់ ៥០០នាក់ ហើយវេទិកានេះក៏ប្រមូលផ្តុំប្រមុខការពារជាតិ មន្ត្រីយោធាជាន់ខ្ពស់ អ្នកស្រាវជ្រាវ អ្នកជំនាញ មកពីទូទាំងពិភពលោក។
យោងតាមទីភ្នាក់ងារព័ត៌មានរុស្ស៊ី TASS ដែលស្រង់សម្តីអនុរដ្ឋមន្ត្រីការពារជាតិរុស្ស៊ី Anatoly Antonov អ្នកចូលរួមជាប្រតិភូមកពីប្រទេសចំនួនច្រើនជាង ៨០ ហើយក្នុងនោះមានឧបនាយករដ្ឋមន្ត្រី ៣រូប រដ្ឋមន្ត្រីការពារជាតិ ២០រូប, នាយសេនាធិការយោធា ១៥រូប, តំណាងអង្គការអន្តរជាតិចំនួន ១០ រូប និងប្រតិភូយោធាជាន់ខ្ពស់ច្រើនរូបផងដែរ។ រដ្ឋមន្ត្រីការពារជាតិអាស៊ានទាំង ១០ ក៏មានវត្តមាននៅក្នុងវេទិកាសន្តិសុខអន្តរជាតិដែលរៀបចំនៅរុស្ស៊ីនេះដែរ ដោយការចូលរួមនេះធ្វើឡើងដោយមានការអញ្ជើញពីសំណាក់ រដ្ឋមន្ត្រីការពារជាតិរុស្ស៊ីលោក Sergei Shoigu ។
វេទិកាសន្តិសុខដែលរៀបចំឡើនៅរុស្ស៊ីនេះមានសារសំខាន់ក្នុងការផ្តល់ឱកាសដល់ភាគីស្វែងយល់ពីជំហរគ្នាទៅវិញទៅមក ក៏ដូចជាជជែកពិភាក្សាគ្នាពីអនាគតនៃកិច្ចសហប្រតិបត្តិការយោធារវាងប្រទេសពាក់ព័ន្ធទូទាំងពិភពលោកដើម្បីដោះស្រាយបញ្ហាសន្តិសុខពិភពលោក។ បញ្ហាភេរវកម្ម បញ្ហានុយក្លេអ៊ែរកូរ៉េខាងជើង ការដោះស្រាយជម្លោះប្រដាប់អាវុធ និងបញ្ហាអស្ថិរភាពនៅអាហ្វ្រិក និងមជ្ឈិមបូព៌ា ជាដើមនោះ ជាប្រធានបទនៃសន្និសីទនេះ។
១.រុស្ស៊ីចង់មានប្រព័ន្ធសន្តិសុខសមូហភាពអាស៊ីប៉ាស៊ីហ្វិក
តាមពិតទៅ មុនវេទិកាសន្និសីទនេះមកដល់ អនុរដ្ឋមន្ត្រីការពារជាតិរុស្ស៊ីលោក Anatoly Antonov បានបង្ហាញនិន្នាការគាំទ្រការបង្កើតប្រព័ន្ធសន្តិសុខសមូហភាពនៅក្នុងតំបន់អាស៊ីប៉ាស៊ីហ្វិក។ មន្ត្រីការពារជាតិជាន់ខ្ពស់រុស្ស៊ីខាងលើបានពន្យល់ថា ការបង្កើតប្រព័ន្ធសន្តិសុខដែលមានលក្ខណៈជាសមូហភាព បំបែកមិនបាន ស្មើភាពគ្នានិង ផ្អែកលើច្បាប់អន្តរជាតិ ជារឿងចំបាច់បំផុតសម្រាប់តំបន់ ហើយវាក៏ជាផ្នែកមួយយុទ្ធសាស្ត្ររុស្ស៊ីដែរ។ លោកក៏អះអាងថាផងដែរថា វាជារឿងចាំបាច់បំផុតដែលអាស៊ីត្រូវរៀនពីកំហុសក្នុងពេលដែលមានការបង្កើតប្រព័ន្ធសន្តិសុខសមូហភាពនៅអឺរ៉ុប។ ដែលវាមានន័យថា រដ្ឋនៅអាស៊ីត្រូវពិនិត្យដោយយកចិត្តទុកដាក់ តើអ្វីខ្លះត្រូវរៀនសូត្រតាមយក អ្វីខ្លះត្រូវចៀសវាង។ អាចថា ការកសាងវេទិកាសន្តិសុខប្រមូលផ្តុំដែលមានការចូលរួមពីបណ្តាប្រទេសជាមិត្តនិងបណ្តាតួអង្គសំខាន់ៗក្នុងតំបន់ជារឿងចាំបាច់មួយ ខណៈដែលបរិបទសន្តិសុខអន្តរជាតិប្រែប្រួល និងមានការកើនឡើងនៃបញ្ហាសន្តិសុខនាពេលបច្ចុប្បន្នផង។ ហើយទាំងរុស្ស៊ី និងមហាយក្សចិន បានបង្ហាញជំហរចង់កសាងប្រព័ន្ធសន្តិសុខបែបនេះតាំងពីយូរមកហើយ។ តែអ្វីដែលបារម្ភគឺ ការបង្កើតប្រព័ន្ធសន្តិសុខរួមនេះ ជាមធ្យោបាយមួយរបស់មហាអំណាចទាំងពីរក្នុងការប្រឆាំងការបង្កើនឥទ្ធិពលយោធានិងនយោបាយរបស់អាមេរិក នៅក្នុងតំបន់ទាំងមូលផង។
២. កូរ៉េខាងជើងគួរប្តូរឥរិយាបថកុំឲ្យអាមេរិកមានលេសបង្កើនសកម្មភាពយោធាក្នុងតំបន់
ដោយឡែកក្នុងសន្និសីទនេះ រុស្ស៊ីបានលើកឡើងពីវិបត្តិនុយក្លេអ៊ែរឧបទ្វីបកូរ៉េផងដែរ។ ហើយវាជាលើកដំបូងដែលរុស្ស៊ីបានចេញមុខអំពាវនាវឲ្យកូរ៉េខាងជើងបោះបង់មហិច្ឆតាឈានឆ្ពោះទៅកា្លយជាមហាអំណាចនុយក្លេអ៊ែរនោះ។ យោងតាមទីភ្នាក់ងារព័ត៌មានចិន Xinhua រដ្ឋមន្ត្រីការបរទេសរុស្ស៊ីលោក Sergei Lavrov ដែលមានវត្តមាននៅក្នុងវេទិកាសន្តិសុខនេះ បានថ្លែងថា ក្រុងព្យុងយ៉ាងគួរតែចៀសវាងឲ្យបាននូវការប្រើប្រាស់សកម្មភាពដែលគ្មានការទទួលខុសត្រូវ និងបន្តសម្រេចមហិច្ឆតាប្រែក្លាយខ្លួនទៅជាមហាអំណាចនុយក្លេអ៊ែរ។
ក្រៅពីស្នើសុំចំៗឲ្យកូរ៉េខាងជើងឈប់មានមហិច្ឆតាផលិតអាវុធនុយក្លេអ៊ែរ ប្រមុខការទូតរុស្ស៊ីជឿជាថា ប្រទេសមួយចំនួនកំពុងប្រើប្រាស់ស្ថានភាពតានតឹងនៅតំបន់អាស៊ីបូព៌ាដើម្បីជាលេសបង្កើនសកម្មភាពយោធានៅក្នុងតំបន់។ តែលោកព្រមានថា យកបញ្ហានេះជាលេសនឹងមិនបានទទួលផលទេ តែផ្ទុយទៅវិញវានឹងបង្កើតគ្រោះថ្នាក់ទៅវិញទេ។ យ៉ាងណាមិញលោក មិនបានបញ្ជាក់ទេថា ប្រទេសទាំងនោះមានអ្វីខ្លះ តែគេដឹងថា រុស្ស៊ីចង់សំដៅលើអាមេរិក ព្រោះអាមេរិកកំពុងស្វះស្វែងតំឡើងប្រព័ន្ធការពារអាកាសនៅឧបទ្វីបកូរ៉េជាដើម។
ស្របពេល ជាមួយគ្នា លោក Lavrov ក៏លើកឡើងពីសារសំខាន់នៃការបង្កើតប្រព័ន្ធសន្តិសុខរួមគ្នានៅអាស៊ីប៉ាស៊ីហ្វិកផងដែរ។ យន្តការនៃការបង្កើតប្រព័ន្ធសន្តិសុខរួមគ្នានេះគួរតែផ្អែកលើការមិនចូលបក្សសម្ព័ន្ធ ឈរលើគោលច្បាប់អន្តរជាតិ ហើយត្រូវចៀសឲ្យផុតពីការគាំទ្រសកម្មភាពនានាដែលសំដៅដល់ការផ្តួលរំលំរដ្ឋាភិបាល និងធ្វើឲ្យមានអស្ថិរភាពក្នុងតំបន់ជាដើម។ ការលើកឡើងម្តងជាពីរដងរបស់រុស្ស៊ីពីសន្តិសុខសមូហភាពនេះ បង្ហាញច្បាស់ថា ចង់ប្រមែរប្រមូលរកការគាំទ្រដើម្បីឲ្យគំនិតបង្កើតប្រព័ន្ធសន្តិសុខរួមគ្នានេះចេញជារូបរាងពិតប្រាកដ។
៣. លោក ពូទីន ជំរុញឲ្យមានការបង្កើតរណសិរ្សរួមប្រឆាំង
ក្រៅពីនេះ រុស្ស៊ីក៏ជំរុញឲ្យមានការរួបរួមកម្លាំងគ្នាដើម្បីប្រឆាំងក្រុមភេរវជននៅលើពិភពលោកផងដែរ។ បច្ចុប្បន្នពិភពលោកបារម្ភខ្លាំងពីចលនាភេរវកម្ម ដែលរីករាលដាលយ៉ាងរហ័សនិងពិបាកទប់ស្កាត់។
ក្នុងពេលថ្លែងសុន្ទរកថា ថ្ងៃពុធម្សិលមិញក្នុងសន្និសីទស្តីពីសន្តិសុខអន្តរជាតិ លោក វ្ល៉ាឌីមៀ ពូទីន បានអំពាវនាវឲ្យមានការរួមគ្នាជារណសិរ្សដ៏ធំមួយដើម្បីប្រឆាំងភេរវកម្ម ហើយការចងជាសម្ព័ន្ធអន្តរជាតិនេះត្រូវផ្អែកលើច្បាប់អន្តរជាតិនិងស្ថិតក្រោមស្លាកអង្គការសហប្រជាជាតិផងដែរ។ ហើយក៏មានការលើកឡើងថា ដើម្បីដោះស្រាយភេរវកម្ម វាចាំបាច់ត្រូវមានការដោះស្រាយបញ្ហាជម្លោះប្រដាប់អាវុធនិងបញ្ចប់សង្គ្រាមស៊ីវិលនៅមជ្ឈិមបូព៌ាជាពិសេសសង្គ្រាមស៊ីវិលនៅស៊ីរីតែម្តង។ ម្យ៉ាងវិញទៀត រុស្ស៊ីក៏ព្រមានពីការបន្តប្រើប្រាស់ការគំរាមកំហែងរបស់ភេរវកម្មជាឧបករណ៍នយោបាយផងក៏មាន៕
សូមស្តាប់ការបកស្រាយរបស់លោក សៅ ផលនិស្ស័យ៖
សន្និសីទសន្តិសុខអន្តរជាតិលើកទី ៥ ត្រូវបានរៀបចំឡើងនៅក្នុងទីក្រុងម៉ូស្គូចាប់ពីថ្ងៃ ២៧មេសា ម្សិលមិញនេះ ហើយវានិងត្រូវបិទបញ្ចប់នៅថ្ងៃព្រហស្បតិ៍ទី ២៨មេសានេះ។ មន្ត្រីក្រុងម៉ូស្គូ បានអះអាងថា អ្នកចូលរួមក្នុងវេទិកាសន្តិសុខនេះមានរហូតដល់ ៥០០នាក់ ហើយវេទិកានេះក៏ប្រមូលផ្តុំប្រមុខការពារជាតិ មន្ត្រីយោធាជាន់ខ្ពស់ អ្នកស្រាវជ្រាវ អ្នកជំនាញ មកពីទូទាំងពិភពលោក។
យោងតាមទីភ្នាក់ងារព័ត៌មានរុស្ស៊ី TASS ដែលស្រង់សម្តីអនុរដ្ឋមន្ត្រីការពារជាតិរុស្ស៊ី Anatoly Antonov អ្នកចូលរួមជាប្រតិភូមកពីប្រទេសចំនួនច្រើនជាង ៨០ ហើយក្នុងនោះមានឧបនាយករដ្ឋមន្ត្រី ៣រូប រដ្ឋមន្ត្រីការពារជាតិ ២០រូប, នាយសេនាធិការយោធា ១៥រូប, តំណាងអង្គការអន្តរជាតិចំនួន ១០ រូប និងប្រតិភូយោធាជាន់ខ្ពស់ច្រើនរូបផងដែរ។ រដ្ឋមន្ត្រីការពារជាតិអាស៊ានទាំង ១០ ក៏មានវត្តមាននៅក្នុងវេទិកាសន្តិសុខអន្តរជាតិដែលរៀបចំនៅរុស្ស៊ីនេះដែរ ដោយការចូលរួមនេះធ្វើឡើងដោយមានការអញ្ជើញពីសំណាក់ រដ្ឋមន្ត្រីការពារជាតិរុស្ស៊ីលោក Sergei Shoigu ។
វេទិកាសន្តិសុខដែលរៀបចំឡើនៅរុស្ស៊ីនេះមានសារសំខាន់ក្នុងការផ្តល់ឱកាសដល់ភាគីស្វែងយល់ពីជំហរគ្នាទៅវិញទៅមក ក៏ដូចជាជជែកពិភាក្សាគ្នាពីអនាគតនៃកិច្ចសហប្រតិបត្តិការយោធារវាងប្រទេសពាក់ព័ន្ធទូទាំងពិភពលោកដើម្បីដោះស្រាយបញ្ហាសន្តិសុខពិភពលោក។ បញ្ហាភេរវកម្ម បញ្ហានុយក្លេអ៊ែរកូរ៉េខាងជើង ការដោះស្រាយជម្លោះប្រដាប់អាវុធ និងបញ្ហាអស្ថិរភាពនៅអាហ្វ្រិក និងមជ្ឈិមបូព៌ា ជាដើមនោះ ជាប្រធានបទនៃសន្និសីទនេះ។
១.រុស្ស៊ីចង់មានប្រព័ន្ធសន្តិសុខសមូហភាពអាស៊ីប៉ាស៊ីហ្វិក
តាមពិតទៅ មុនវេទិកាសន្និសីទនេះមកដល់ អនុរដ្ឋមន្ត្រីការពារជាតិរុស្ស៊ីលោក Anatoly Antonov បានបង្ហាញនិន្នាការគាំទ្រការបង្កើតប្រព័ន្ធសន្តិសុខសមូហភាពនៅក្នុងតំបន់អាស៊ីប៉ាស៊ីហ្វិក។ មន្ត្រីការពារជាតិជាន់ខ្ពស់រុស្ស៊ីខាងលើបានពន្យល់ថា ការបង្កើតប្រព័ន្ធសន្តិសុខដែលមានលក្ខណៈជាសមូហភាព បំបែកមិនបាន ស្មើភាពគ្នានិង ផ្អែកលើច្បាប់អន្តរជាតិ ជារឿងចំបាច់បំផុតសម្រាប់តំបន់ ហើយវាក៏ជាផ្នែកមួយយុទ្ធសាស្ត្ររុស្ស៊ីដែរ។ លោកក៏អះអាងថាផងដែរថា វាជារឿងចាំបាច់បំផុតដែលអាស៊ីត្រូវរៀនពីកំហុសក្នុងពេលដែលមានការបង្កើតប្រព័ន្ធសន្តិសុខសមូហភាពនៅអឺរ៉ុប។ ដែលវាមានន័យថា រដ្ឋនៅអាស៊ីត្រូវពិនិត្យដោយយកចិត្តទុកដាក់ តើអ្វីខ្លះត្រូវរៀនសូត្រតាមយក អ្វីខ្លះត្រូវចៀសវាង។ អាចថា ការកសាងវេទិកាសន្តិសុខប្រមូលផ្តុំដែលមានការចូលរួមពីបណ្តាប្រទេសជាមិត្តនិងបណ្តាតួអង្គសំខាន់ៗក្នុងតំបន់ជារឿងចាំបាច់មួយ ខណៈដែលបរិបទសន្តិសុខអន្តរជាតិប្រែប្រួល និងមានការកើនឡើងនៃបញ្ហាសន្តិសុខនាពេលបច្ចុប្បន្នផង។ ហើយទាំងរុស្ស៊ី និងមហាយក្សចិន បានបង្ហាញជំហរចង់កសាងប្រព័ន្ធសន្តិសុខបែបនេះតាំងពីយូរមកហើយ។ តែអ្វីដែលបារម្ភគឺ ការបង្កើតប្រព័ន្ធសន្តិសុខរួមនេះ ជាមធ្យោបាយមួយរបស់មហាអំណាចទាំងពីរក្នុងការប្រឆាំងការបង្កើនឥទ្ធិពលយោធានិងនយោបាយរបស់អាមេរិក នៅក្នុងតំបន់ទាំងមូលផង។
២. កូរ៉េខាងជើងគួរប្តូរឥរិយាបថកុំឲ្យអាមេរិកមានលេសបង្កើនសកម្មភាពយោធាក្នុងតំបន់
ដោយឡែកក្នុងសន្និសីទនេះ រុស្ស៊ីបានលើកឡើងពីវិបត្តិនុយក្លេអ៊ែរឧបទ្វីបកូរ៉េផងដែរ។ ហើយវាជាលើកដំបូងដែលរុស្ស៊ីបានចេញមុខអំពាវនាវឲ្យកូរ៉េខាងជើងបោះបង់មហិច្ឆតាឈានឆ្ពោះទៅកា្លយជាមហាអំណាចនុយក្លេអ៊ែរនោះ។ យោងតាមទីភ្នាក់ងារព័ត៌មានចិន Xinhua រដ្ឋមន្ត្រីការបរទេសរុស្ស៊ីលោក Sergei Lavrov ដែលមានវត្តមាននៅក្នុងវេទិកាសន្តិសុខនេះ បានថ្លែងថា ក្រុងព្យុងយ៉ាងគួរតែចៀសវាងឲ្យបាននូវការប្រើប្រាស់សកម្មភាពដែលគ្មានការទទួលខុសត្រូវ និងបន្តសម្រេចមហិច្ឆតាប្រែក្លាយខ្លួនទៅជាមហាអំណាចនុយក្លេអ៊ែរ។
ក្រៅពីស្នើសុំចំៗឲ្យកូរ៉េខាងជើងឈប់មានមហិច្ឆតាផលិតអាវុធនុយក្លេអ៊ែរ ប្រមុខការទូតរុស្ស៊ីជឿជាថា ប្រទេសមួយចំនួនកំពុងប្រើប្រាស់ស្ថានភាពតានតឹងនៅតំបន់អាស៊ីបូព៌ាដើម្បីជាលេសបង្កើនសកម្មភាពយោធានៅក្នុងតំបន់។ តែលោកព្រមានថា យកបញ្ហានេះជាលេសនឹងមិនបានទទួលផលទេ តែផ្ទុយទៅវិញវានឹងបង្កើតគ្រោះថ្នាក់ទៅវិញទេ។ យ៉ាងណាមិញលោក មិនបានបញ្ជាក់ទេថា ប្រទេសទាំងនោះមានអ្វីខ្លះ តែគេដឹងថា រុស្ស៊ីចង់សំដៅលើអាមេរិក ព្រោះអាមេរិកកំពុងស្វះស្វែងតំឡើងប្រព័ន្ធការពារអាកាសនៅឧបទ្វីបកូរ៉េជាដើម។
ស្របពេល ជាមួយគ្នា លោក Lavrov ក៏លើកឡើងពីសារសំខាន់នៃការបង្កើតប្រព័ន្ធសន្តិសុខរួមគ្នានៅអាស៊ីប៉ាស៊ីហ្វិកផងដែរ។ យន្តការនៃការបង្កើតប្រព័ន្ធសន្តិសុខរួមគ្នានេះគួរតែផ្អែកលើការមិនចូលបក្សសម្ព័ន្ធ ឈរលើគោលច្បាប់អន្តរជាតិ ហើយត្រូវចៀសឲ្យផុតពីការគាំទ្រសកម្មភាពនានាដែលសំដៅដល់ការផ្តួលរំលំរដ្ឋាភិបាល និងធ្វើឲ្យមានអស្ថិរភាពក្នុងតំបន់ជាដើម។ ការលើកឡើងម្តងជាពីរដងរបស់រុស្ស៊ីពីសន្តិសុខសមូហភាពនេះ បង្ហាញច្បាស់ថា ចង់ប្រមែរប្រមូលរកការគាំទ្រដើម្បីឲ្យគំនិតបង្កើតប្រព័ន្ធសន្តិសុខរួមគ្នានេះចេញជារូបរាងពិតប្រាកដ។
៣. លោក ពូទីន ជំរុញឲ្យមានការបង្កើតរណសិរ្សរួមប្រឆាំង
ក្រៅពីនេះ រុស្ស៊ីក៏ជំរុញឲ្យមានការរួបរួមកម្លាំងគ្នាដើម្បីប្រឆាំងក្រុមភេរវជននៅលើពិភពលោកផងដែរ។ បច្ចុប្បន្នពិភពលោកបារម្ភខ្លាំងពីចលនាភេរវកម្ម ដែលរីករាលដាលយ៉ាងរហ័សនិងពិបាកទប់ស្កាត់។
ក្នុងពេលថ្លែងសុន្ទរកថា ថ្ងៃពុធម្សិលមិញក្នុងសន្និសីទស្តីពីសន្តិសុខអន្តរជាតិ លោក វ្ល៉ាឌីមៀ ពូទីន បានអំពាវនាវឲ្យមានការរួមគ្នាជារណសិរ្សដ៏ធំមួយដើម្បីប្រឆាំងភេរវកម្ម ហើយការចងជាសម្ព័ន្ធអន្តរជាតិនេះត្រូវផ្អែកលើច្បាប់អន្តរជាតិនិងស្ថិតក្រោមស្លាកអង្គការសហប្រជាជាតិផងដែរ។ ហើយក៏មានការលើកឡើងថា ដើម្បីដោះស្រាយភេរវកម្ម វាចាំបាច់ត្រូវមានការដោះស្រាយបញ្ហាជម្លោះប្រដាប់អាវុធនិងបញ្ចប់សង្គ្រាមស៊ីវិលនៅមជ្ឈិមបូព៌ាជាពិសេសសង្គ្រាមស៊ីវិលនៅស៊ីរីតែម្តង។ ម្យ៉ាងវិញទៀត រុស្ស៊ីក៏ព្រមានពីការបន្តប្រើប្រាស់ការគំរាមកំហែងរបស់ភេរវកម្មជាឧបករណ៍នយោបាយផងក៏មាន៕
Tag:
រុស្ស៊ី
© រក្សាសិទ្ធិដោយ thmeythmey.com
