ព័ត៍មានសុខភាព
ហេតុអ្វីគ្រូពេទ្យខ្លះ មិនចង់ឲ្យអ្នក មានកូនភ្លោះ?
× ជាមួយនឹងការបង្កកំណើតក្រៅស្បូន (IVF) អ្នកអាចមានឱកាស ទទួលបានកូនភ្លោះ រហូតទៅដល់ ៤៦ ភាគរយ ហើយភាគច្រើនបំផុត គឺភ្លោះពីរ។ ប៉ុន្តែ អ្នកជំនាញខាងបង្កកំណើត ចង់ឲ្យមានការផ្លាស់ប្តូរបែប គឺបានន័យថា មានតែកូនមួយប៉ុននោះ។ ហេតុអ្វីទៅ?
ការមានកូនភ្លោះ ធ្វើឲ្យម្តាយប្រឈមមុខ នឹងបញ្ហាសុខភាពជាច្រើន រួមទាំងទារកភ្លោះផងដែរ ក្នុងពេលបច្ចុប្បន្ន និងអនាគត។
ទិន្នន័យចុងក្រោយ ដែលបានមកពីមជ្ឈមណ្ឌលការពារ និងគ្រប់គ្រងជំងឺ (Center for Disease Control and Prevention) បានបង្ហាញថា ៣៧ ភាគរយនៃទារកភ្លោះ ដែលបង្កកំណើតក្រៅស្បូន បានកើតមុនកំណត់ ខណៈពេលអត្រាមានកូនភ្លោះតាមធម្មតា មានតែ ៣ភាគរយនោះ ហើយក្នុងនោះ បានកើតមុនកំណត់ ១២ តែភាគរយទេ។
ស្ត្រីភាគច្រើន ដែលទទួលការព្យាបាល ដោយការបង្កកំណើតក្រៅស្បូន តែងតែប្រាថ្នាចង់បានកូនភ្លោះ ពីព្រោះ ពួកគេមិនមានពេលវេលា ឱកាស និងលុយកាក់ម្តងទៀត សម្រាប់ការព្យាបាលបែបនេះឡើយ ពីព្រោះ វាពិតថ្លៃខ្លាំងណាស់ (អស់ក្បែរ ២ ម៉ឺនដុល្លារ) ហើយស្ត្រីមួយចំនួនទៀត ចង់មានកូនតែម្តងនេះ គឺបញ្ចប់ហើយ។
ប៉ុន្តែ វេជ្ជបណ្ឌិតជំនាញខ្លាចថា ការសម្រេចរហ័សបែបនេះ អាចធ្វើឲ្យពួកគេស្តាយក្រោយ ពីព្រោះ ពួកគេមិនបានដឹងច្បាស់ អំពីកត្តាប្រឈមមុខ និងបញ្ហាទៅថ្ងៃក្រោយទៀតនោះទេ។
បញ្ហាដែលអ្នកត្រូវប្រឈមមុខ មានដូចជា ៖
- ជំងឺទឹកនោមផ្អែម
- ជំងឺព្រាយក្រឡាភ្លើង
- ទារកកើតមុនកំណត់
- ការសម្រាលកូនដោយវះកាត់
- ត្រូវការសម្រាកយូរ ក្រោយពេលសម្រាលកូនរួច
- បញ្ហាក្នុងការដកដង្ហើម ចំពោះទារកតូចៗ ហើយពេលខ្លះ តម្រូវឲ្យគេសម្រាកក្នុងមន្ទីរពេទ្យ ជាច្រើនសប្តាហ៍ ឬខែទៀតផង បន្ទាប់ពីកើតរួច។
ដូច្នេះ ប្រសិនបើអ្នក ទទួលការព្យាបាលដោយបង្កកំណើតក្រៅស្បូន អ្នកគួរស្វែងយល់ឲ្យបានច្បាស់ មុននឹងសម្រេចចិត្តថា យកកូនភ្លោះ ឬកូនតែមួយ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com