ជាតិ
×![]()
ដោយ: ម៉ៅ សុផា
អង្គភាពប្រឆាំងអំពើពុករលួយ (ACU) បានបញ្ជូនមន្ត្រីអាដហុកទាំង៤រូប និងមន្ត្រីនៃគណៈកម្មាធិការជាតិរៀបចំការបោះឆ្នោត១រូប ទៅកាន់សាលាដំបូងរាជធានីភ្នំពេញ នៅល្ងាចថ្ងៃទី៣០ ខែមេសានេះ។ ខណៈដែលអង្គភាពប្រឆាំងអំពើពុករលួយបញ្ជូនខ្លួនអ្នកទាំង៥រូបទៅតុលាការ គេសង្កេតឃើញមន្ត្រីសិទិ្ធមនុស្សទាំងនោះ ទំនងជាត្រូវបានគេដាក់ខ្នោះ។
សាច់ញាតិ និងក្រុមអ្នកសារព័តមាន រួមទាំងប្រជាពលរដ្ឋជាច្រើនរូបបាននៅរង់ចាំ និងឃ្លាំមើលជាប់ជានិច្ច ចំពោះការនាំខ្លួន មន្ត្រីអាដហុកទាំង៤នាក់ គឺលោក នី សុខា, លោក យី សុខសាន្ត, លោក ណៃ វង់ដា និងលោកស្រី លឹម មុនី រួមទាំងអគ្គលេខាធិការរងរបស់ គ.ជ.ប ១រូបទៀត គឺលោក នី ចរិយា ទៅកាន់សាលាដំបូងរាជធានីភ្នំពេញ។ គ្រាន់តែរថយន្តដឹកអ្នកទាំង៥រូប ចេញពីខ្លោងទ្វារអង្គភាពប្រឆាំងអំពើពុករលួយភ្លាម ក្រុមអ្នកកាសែត នាំគ្នាថតយកទិដ្ឋភាពនោះភ្លែត។
ចំណែកឯសាច់ញាតិនិងប្រជាពលរដ្ឋ ក៏បានស្ទុះទៅមើលសកម្មភាពនោះដែរ។ រូបថត និងវីដេអូ ដែលអ្នកការសែត ថតជាប់ មើលទៅហាក់ដូចជាមន្ត្រីអាដហុកនិងមន្ត្រីគ.ជ.ប ត្រូវបានគេដាក់ខ្នោះ។ ចំពោះសាច់ញាតិនិងប្រជាពលរដ្ឋ ដែលបានឃើញផ្ទាល់នឹងភ្នែកវិញ ពួកគេ ហ៊ានអះអាងយ៉ាងច្បាស់ថា មន្ត្រីសិទ្ធិមនុស្សនិងមន្ត្រីគ.ជ.ប ពិតជាជាប់ខ្នោះមែន ពេលដែលសមត្ថកិច្ចបញ្ជូនទៅតុលាការ។
មន្ត្រីអាដហុកម្នាក់ គឺលោក នី សុខា ត្រូវបានគេមើលឃើញច្បាស់ជាង ពេលលោកលើកដៃដែលជាប់ខ្នោះ ទៅកាន់ក្រុមគ្រួសារ អ្នកសារព័ត៌មាន និងប្រជាពលរដ្ឋ។ លោក នី ចាន់ដារ៉ា ដែលជាកូនប្រុសរបស់លោក នី សុខា បានអះអាងថា អ្នកដែលនៅក្នុងរថយន្ត ហើយលើកដៃដែលជាប់ខ្នោះនោះ គឺជាឪពុករបស់ខ្លួន។ «ហ្នឹងហើយ ប៉ារបស់ខ្ញុំ។ ខ្ញុំច្បាស់ណាស់ ថាប៉ារបស់ខ្ញុំ»។
សូមបញ្ជាក់ថា ពួកគេទាំង៥នាក់ ត្រូវបានបញ្ជូនមកកាន់អង្គភាពប្រឆាំងអំពើពុករលួយវិញ បន្ទាប់ពីចូលទៅកាន់សាលាដំបូងរាជធានីភ្នំពេញអស់រយៈពេលជិត២០នាទី។ អង្គភាពប្រឆាំងអំពើពុករលួយ អាចនឹងត្រូវបញ្ជូនអ្នកទាំង៥ ទៅកាន់សាលាដំបូងរាជធានីភ្នំពេញវិញ នៅថ្ងៃស្អែក ដើម្បីឲ្យតុលាការចាត់ការ តាមការចោទប្រកាន់របស់ខ្លួន។
យ៉ាងណាក៏ដោយ ប្រជាពលរដ្ឋដែលស្រឡាញ់និងគាំទ្រមន្ត្រីសិទ្ធិមនុស្សទាំងនោះ បានជជែកគ្នា ពីបញ្ហាដែលអង្គភាពប្រឆាំងអំពើពុករលួយ ឈានដល់ការដាក់ខ្នោះជនទាំង៥នាក់។ ពួកគេបានស្រែកនៅមុខ អង្គភាពប្រឆាំងអំពើពុករលួយថា «អយុត្តិធម៌ណាស់! អយុត្តិធម៌ណាស់! គ្រាន់តែអ៊ីចឹង ក៏ឃុំខ្លួន ដាក់ខ្នោះគេដែរ! ស្អីក៏ឃោរឃៅម្ល៉េះ!»។
សូមរំឮកថា អង្គភាពប្រឆាំងអំពើពុករលួយបានឃាត់ខ្លួនជនទាំង៥រូបខាងលើ ចាប់តាំងពីថ្ងៃទី២៩ ខែមេសាមកម្ល៉េះ បន្ទាប់ពីស្ថាប័នមួយនេះបញ្ចប់ការសាកសួរពួកគេអស់រយៈពេល២ថ្ងៃ កន្លងមក។ ការសាកសួររបស់អង្គភាពប្រឆាំងអំពើពុករលួយ ធ្វើឡើងក្រោយពីកញ្ញា ខុម ចាន់តារាទី ហៅស្រីមុំ លាតត្រដាងលិខិតចំនួន៤ទំព័រ ដែលសរសេរដៃផ្ទាល់។ ក្នុងលិខិតចំហនោះ កញ្ញា ខុម ចាន់តារាទី បានចោទមន្ត្រីខាងលើ ថាបានបញ្ចុះបញ្ចូលនាងឲ្យនិយាយកុហកមហាជននិងសមត្ថកិច្ច ជុំវិញទំនាក់ទំនងស្នេហារបស់ខ្លួន ជាមួយឯកឧត្តម កឹម សុខា អនុប្រធានគណបក្សសង្គ្រោះជាតិ។
ជុំវិញករណីខាងលើ អង្គការក្រៅរដ្ឋាភិបាលចំនួន២៧ បានចេញសេចក្តីថ្លែងការណ៍រួមមួយ ដើម្បីថ្កោលទោសចំពោះអង្គភាពប្រឆាំងអំពើពុករលួយ ដែលបានកោះហៅនិងសាកសួរមន្ត្រីសង្គមស៊ីវិល ខណៈដែលពួកបានបំពេញបេសកកម្មរបស់ខ្លួនដោយស្របច្បាប់កន្លងមក។ ក្រុមសង្គមស៊ីវិលទាំងនោះ បានចាត់ទុកការស៊ើបអង្កេតរបស់អង្គភាពប្រឆាំងអំពើពុករលួយមកលើសកម្ម ភាពស្របច្បាប់របស់មន្ត្រីអាដហុក និងអ្នកផ្សេងទៀត ថាប្រាសចាកពីដែនសមត្ថកិច្ចរបស់ខ្លួន។ ពួកគេ បានអះអាងក្នុងសេចក្តីថ្លែងការណ៍នោះថា ការចាត់វិធានការមកលើមន្ត្រីនៃអង្គការក្រៅរដ្ឋាភិបាលដូច្នេះ មិនមែនជាបំណងក្នុងការកម្ចាត់អំពើពុករលួយនោះទេ ប៉ុន្តែវាចេតនាក្នុងការបន្ទច់បង្អាក់និងការយាយីដល់សកម្មភាពការពារ សិទ្ធិមនុស្សរបស់របសក្រុមសង្គមស៊ីវិល ទៅវិញ៕
សាច់ញាតិ និងក្រុមអ្នកសារព័តមាន រួមទាំងប្រជាពលរដ្ឋជាច្រើនរូបបាននៅរង់ចាំ និងឃ្លាំមើលជាប់ជានិច្ច ចំពោះការនាំខ្លួន មន្ត្រីអាដហុកទាំង៤នាក់ គឺលោក នី សុខា, លោក យី សុខសាន្ត, លោក ណៃ វង់ដា និងលោកស្រី លឹម មុនី រួមទាំងអគ្គលេខាធិការរងរបស់ គ.ជ.ប ១រូបទៀត គឺលោក នី ចរិយា ទៅកាន់សាលាដំបូងរាជធានីភ្នំពេញ។ គ្រាន់តែរថយន្តដឹកអ្នកទាំង៥រូប ចេញពីខ្លោងទ្វារអង្គភាពប្រឆាំងអំពើពុករលួយភ្លាម ក្រុមអ្នកកាសែត នាំគ្នាថតយកទិដ្ឋភាពនោះភ្លែត។
ចំណែកឯសាច់ញាតិនិងប្រជាពលរដ្ឋ ក៏បានស្ទុះទៅមើលសកម្មភាពនោះដែរ។ រូបថត និងវីដេអូ ដែលអ្នកការសែត ថតជាប់ មើលទៅហាក់ដូចជាមន្ត្រីអាដហុកនិងមន្ត្រីគ.ជ.ប ត្រូវបានគេដាក់ខ្នោះ។ ចំពោះសាច់ញាតិនិងប្រជាពលរដ្ឋ ដែលបានឃើញផ្ទាល់នឹងភ្នែកវិញ ពួកគេ ហ៊ានអះអាងយ៉ាងច្បាស់ថា មន្ត្រីសិទ្ធិមនុស្សនិងមន្ត្រីគ.ជ.ប ពិតជាជាប់ខ្នោះមែន ពេលដែលសមត្ថកិច្ចបញ្ជូនទៅតុលាការ។
មន្ត្រីអាដហុកម្នាក់ គឺលោក នី សុខា ត្រូវបានគេមើលឃើញច្បាស់ជាង ពេលលោកលើកដៃដែលជាប់ខ្នោះ ទៅកាន់ក្រុមគ្រួសារ អ្នកសារព័ត៌មាន និងប្រជាពលរដ្ឋ។ លោក នី ចាន់ដារ៉ា ដែលជាកូនប្រុសរបស់លោក នី សុខា បានអះអាងថា អ្នកដែលនៅក្នុងរថយន្ត ហើយលើកដៃដែលជាប់ខ្នោះនោះ គឺជាឪពុករបស់ខ្លួន។ «ហ្នឹងហើយ ប៉ារបស់ខ្ញុំ។ ខ្ញុំច្បាស់ណាស់ ថាប៉ារបស់ខ្ញុំ»។
សូមបញ្ជាក់ថា ពួកគេទាំង៥នាក់ ត្រូវបានបញ្ជូនមកកាន់អង្គភាពប្រឆាំងអំពើពុករលួយវិញ បន្ទាប់ពីចូលទៅកាន់សាលាដំបូងរាជធានីភ្នំពេញអស់រយៈពេលជិត២០នាទី។ អង្គភាពប្រឆាំងអំពើពុករលួយ អាចនឹងត្រូវបញ្ជូនអ្នកទាំង៥ ទៅកាន់សាលាដំបូងរាជធានីភ្នំពេញវិញ នៅថ្ងៃស្អែក ដើម្បីឲ្យតុលាការចាត់ការ តាមការចោទប្រកាន់របស់ខ្លួន។
យ៉ាងណាក៏ដោយ ប្រជាពលរដ្ឋដែលស្រឡាញ់និងគាំទ្រមន្ត្រីសិទ្ធិមនុស្សទាំងនោះ បានជជែកគ្នា ពីបញ្ហាដែលអង្គភាពប្រឆាំងអំពើពុករលួយ ឈានដល់ការដាក់ខ្នោះជនទាំង៥នាក់។ ពួកគេបានស្រែកនៅមុខ អង្គភាពប្រឆាំងអំពើពុករលួយថា «អយុត្តិធម៌ណាស់! អយុត្តិធម៌ណាស់! គ្រាន់តែអ៊ីចឹង ក៏ឃុំខ្លួន ដាក់ខ្នោះគេដែរ! ស្អីក៏ឃោរឃៅម្ល៉េះ!»។
សូមរំឮកថា អង្គភាពប្រឆាំងអំពើពុករលួយបានឃាត់ខ្លួនជនទាំង៥រូបខាងលើ ចាប់តាំងពីថ្ងៃទី២៩ ខែមេសាមកម្ល៉េះ បន្ទាប់ពីស្ថាប័នមួយនេះបញ្ចប់ការសាកសួរពួកគេអស់រយៈពេល២ថ្ងៃ កន្លងមក។ ការសាកសួររបស់អង្គភាពប្រឆាំងអំពើពុករលួយ ធ្វើឡើងក្រោយពីកញ្ញា ខុម ចាន់តារាទី ហៅស្រីមុំ លាតត្រដាងលិខិតចំនួន៤ទំព័រ ដែលសរសេរដៃផ្ទាល់។ ក្នុងលិខិតចំហនោះ កញ្ញា ខុម ចាន់តារាទី បានចោទមន្ត្រីខាងលើ ថាបានបញ្ចុះបញ្ចូលនាងឲ្យនិយាយកុហកមហាជននិងសមត្ថកិច្ច ជុំវិញទំនាក់ទំនងស្នេហារបស់ខ្លួន ជាមួយឯកឧត្តម កឹម សុខា អនុប្រធានគណបក្សសង្គ្រោះជាតិ។
ជុំវិញករណីខាងលើ អង្គការក្រៅរដ្ឋាភិបាលចំនួន២៧ បានចេញសេចក្តីថ្លែងការណ៍រួមមួយ ដើម្បីថ្កោលទោសចំពោះអង្គភាពប្រឆាំងអំពើពុករលួយ ដែលបានកោះហៅនិងសាកសួរមន្ត្រីសង្គមស៊ីវិល ខណៈដែលពួកបានបំពេញបេសកកម្មរបស់ខ្លួនដោយស្របច្បាប់កន្លងមក។ ក្រុមសង្គមស៊ីវិលទាំងនោះ បានចាត់ទុកការស៊ើបអង្កេតរបស់អង្គភាពប្រឆាំងអំពើពុករលួយមកលើសកម្ម ភាពស្របច្បាប់របស់មន្ត្រីអាដហុក និងអ្នកផ្សេងទៀត ថាប្រាសចាកពីដែនសមត្ថកិច្ចរបស់ខ្លួន។ ពួកគេ បានអះអាងក្នុងសេចក្តីថ្លែងការណ៍នោះថា ការចាត់វិធានការមកលើមន្ត្រីនៃអង្គការក្រៅរដ្ឋាភិបាលដូច្នេះ មិនមែនជាបំណងក្នុងការកម្ចាត់អំពើពុករលួយនោះទេ ប៉ុន្តែវាចេតនាក្នុងការបន្ទច់បង្អាក់និងការយាយីដល់សកម្មភាពការពារ សិទ្ធិមនុស្សរបស់របសក្រុមសង្គមស៊ីវិល ទៅវិញ៕
Tag:
AUC
ADHOC
ដាក់ខ្នោះ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
