ពីនេះ ពីនោះ
តើពាក្យ «ទាក់ទង, ទាក់ទិន» ប្រើខុសគ្នាយ៉ាងដូចម្តេច?
× មនុស្សភាគច្រើនបានប្រើពាក្យ «ទាក់ទង, ទាក់ទិន» ទាំងក្នុងភាសានិយាយ និងភាសាសរសេរ ដោយមិនដឹងថា ប្រើក្នុងន័យណាមួយឡើយ។ បើនៅក្នុងវចនានុក្រមខ្មែរ របស់សម្តេចព្រះសង្ឃរាជ ជួន ណាត បានបញ្ជាក់ថាពាក្យទាំងពីរនេះ គឺប្រើក្នុងន័យផ្សេងគ្នា។
ទី១. ពាក្យ «ទាក់ទង» មានន័យថា ដែលមានគន្លង ឬទំនងទាក់គ្នា, ទទួលគ្នា, ពាក្យទាក់ទងគ្នា, និយាយទាក់ទង (សំដៅលើទាក់ទងរវាងមនុស្សម្នាក់ទៅមនុស្សម្នាក់ទៀត ឬក្រុមណាមួយ)។ ឧទាហរណ៍៖ ការណ៍នេះទាល់តែទាក់ទងជាមួយនឹងឪពុកខ្ញុំទើបដឹងប្រាដកបាន។
ទី២. ពាក្យ «ទាក់ទិន» មានន័យថា ជំពាក់ឆ្វាក់នឹងគ្នា, ជំពាក់វាក់វិន (និយាយពីពាក្យសំដីក៍បានឬនិយាយពីអ្វីមួយក៏បានដែរ)។ ឧទាហារណ៍៖ មានទាក់ទិនច្រើនកន្លែង, ទាក់ទិននឹងបញ្ហានេះ ខ្ញុំអាចដោះស្រាយវាបាន៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com