រូបត្លុក
វាសនាពលករចំណាកស្រុកខុសច្បាប់
× ពលករចំណាកស្រុក ត្រូវបានគេមើលឃើញថា បាននាំនូវរូបិយប័ណ្ណពីបរទេសយ៉ាងច្រើន មកជួយសេដ្ឋកិច្ចជាតិ។ ប៉ុន្តែ អ្វីដែលគួរឲ្យសង្វេគនោះគឺ ពលករចំណាកស្រុកខុសច្បាប់ ដែលទៅស្វែងរកការងារនៅប្រទេសជិតខាង។ ពលករមួយចំនួន បានចាញ់បោកមេខ្យល់ដែលយកពួកគេទៅលក់ដូរដូចសត្វធាតុ កេងប្រវ័ញ្ចកម្លាំងពលកម្ម ញើសឈាម។ ជួនកាល ពួកគេធ្វើការរាប់ឆ្នាំ គ្មានលុយត្រឡប់មកស្រុកវិញទេ។
ដោយធ្វើការក្នុងប្រទេសគេខុសច្បាប់ ពួកគេត្រូវបានថៅកែកេងប្រវ័ញ្ចញើសឈាមម្តងហើយ ក៏ត្រូវទាំងត្រូវសមត្ថកិច្ចប៉ូលិសប្រទេសគេ កៀបសង្កត់មួយជាន់បន្ថែមទៀត ដោយគេយកលេសថា ចូលប្រទេសគេខុសច្បាប់។ ហើយបើមិនបង់លុយ ត្រូវគេចាប់ដាក់គុក។
សល់ប្រាក់បន្តិចបន្តួច នារដូវបុណ្យទានធំម្តងៗ ពួកគាត់វិលត្រឡប់មកស្រុកជួបជុំគ្រួសារវិញ។ មកដល់ព្រំដែន អ្នកខ្លះក៏ប្រាប់ថា ពួកគេត្រូវសមត្ថកិច្ចប្រទេសខ្លួន កៀបយកលុយមួយជាន់ទៀត។ ប៉ុស្តិ៍ឆ្លងដែន ហាក់ដូចជា ទូ ATM ដាក់ប្រាក់របស់សមត្ថកិច្ចអ៊ីចឹង!
© រក្សាសិទ្ធិដោយ thmeythmey.com