ជាតិ
×![]()
សៀមរាប៖ ចេតិយលោកតា វណ្ណ ម៉ូលីវណ្ណ កំពុងចាប់ផ្តើមសាងសង់ នៅក្នុងបរិវេណវត្តឥន្ទ្រកោសី ខេត្តសៀមរាប។ ចេតិយនេះ មានការគូរប្លង់យ៉ាងផ្ទិតផ្ទង់ ដោយអ្នកជំនាញផ្នែកស្ថាបត្យកម្ម។ ចេតិយរបស់លោកតា វណ្ណ ម៉ូលីវណ្ណ គឺយកលំនាំតាមរចនាប័ទ្មប្រាសាទបាគង។
បើគ្មានការប្រែប្រួលទេ ចេតិយឫកន្លែងតម្កល់ឆ្អឹង របស់លោកតាបិតាស្ថាបត្យកម្ម វណ្ណ ម៉ូលីវណ្ណ អាចនឹងរួចរាល់នៅចុងខែកក្កដាខាងមុខនេះ។ បច្ចុប្បន្ន ក្រុមជាងកំពុងរួសរាន់សង់ចេតិយលោកតា វណ្ណ ម៉ូលីវណ្ណ ដែលស្ថិតជាប់ខ្លោងទ្វារខាងកើត វត្តឥន្ទ្រកោសី។
លោក ជឿន ដែលជាអ្នកបើកឡាន និងជាអ្នកមើលថែលោកតា វណ្ណ ម៉ូលីវណ្ណ បានប្រាប់សារព័ត៌មានថ្មីៗនៅរសៀលថ្ងៃទី៣ ឧសភាថា ចេតិយដែលកំពុងសាងសង់នោះ គ្រោងចំណាយថវិកាអស់ជិត ២ម៉ឺនដុល្លារ។ តាមការបញ្ជាក់ពីលោក ជឿន ថវិកាដែលយកមកសង់ចេតិយនេះ បានមកពីសប្បុរសជន ដែលគោរពនិងស្រឡាញ់លោកតា វណ្ណ ម៉ូលីវណ្ណ។
ទាក់ទងនឹងការប្រើរចនាប័ទ្មប្រាសាទបាគង ដើម្បីធ្វើចេតីយ លោក ជឿន ដែលជាមនុស្សជំនិត លោកតា វណ្ណ ម៉ូលីវណ្ណ មិនបានបញ្ជាក់ច្បាស់នោះទេ តែលោកនៅចាំបានថា លោកតាធ្លាប់ប្រាប់លោក ថាប្រាសាទបាគងជាអតីតក្រុងបុរាណខ្មែរ។ តាមគម្រោងដែលបានចុះកិច្ចសន្យា ចេតិយលោកតា វណ្ណ ម៉ូលីវណ្ណ គ្រោងនឹងរួចរាល់នៅថ្ងៃទី២០ ខែកក្កដា ឆ្នាំ២០១៦ ។ បច្ចុប្បន្ន ចេតិយនេះសង់បានប្រមាណ ៦០ភាគរយហើយ។
គួរបញ្ជាក់ថា លោកតា វណ្ណ ម៉ូលីវណ្ណ នៅឆ្នាំនេះមានអាយុ៩០ឆ្នាំហើយ។ លោកបានមករស់នៅក្នុងខេត្តសៀមរាប កាលពីឆ្នាំ២០១៤ និងមានបំណងបញ្ចប់ជីវិតលោកនៅលើទឹកអង្គរ ដែលជាទីក្រុងបុរាណដ៏រុងរឿងរបស់ខ្មែរមួយនេះ៕
បើគ្មានការប្រែប្រួលទេ ចេតិយឫកន្លែងតម្កល់ឆ្អឹង របស់លោកតាបិតាស្ថាបត្យកម្ម វណ្ណ ម៉ូលីវណ្ណ អាចនឹងរួចរាល់នៅចុងខែកក្កដាខាងមុខនេះ។ បច្ចុប្បន្ន ក្រុមជាងកំពុងរួសរាន់សង់ចេតិយលោកតា វណ្ណ ម៉ូលីវណ្ណ ដែលស្ថិតជាប់ខ្លោងទ្វារខាងកើត វត្តឥន្ទ្រកោសី។
លោក ជឿន ដែលជាអ្នកបើកឡាន និងជាអ្នកមើលថែលោកតា វណ្ណ ម៉ូលីវណ្ណ បានប្រាប់សារព័ត៌មានថ្មីៗនៅរសៀលថ្ងៃទី៣ ឧសភាថា ចេតិយដែលកំពុងសាងសង់នោះ គ្រោងចំណាយថវិកាអស់ជិត ២ម៉ឺនដុល្លារ។ តាមការបញ្ជាក់ពីលោក ជឿន ថវិកាដែលយកមកសង់ចេតិយនេះ បានមកពីសប្បុរសជន ដែលគោរពនិងស្រឡាញ់លោកតា វណ្ណ ម៉ូលីវណ្ណ។
ទាក់ទងនឹងការប្រើរចនាប័ទ្មប្រាសាទបាគង ដើម្បីធ្វើចេតីយ លោក ជឿន ដែលជាមនុស្សជំនិត លោកតា វណ្ណ ម៉ូលីវណ្ណ មិនបានបញ្ជាក់ច្បាស់នោះទេ តែលោកនៅចាំបានថា លោកតាធ្លាប់ប្រាប់លោក ថាប្រាសាទបាគងជាអតីតក្រុងបុរាណខ្មែរ។ តាមគម្រោងដែលបានចុះកិច្ចសន្យា ចេតិយលោកតា វណ្ណ ម៉ូលីវណ្ណ គ្រោងនឹងរួចរាល់នៅថ្ងៃទី២០ ខែកក្កដា ឆ្នាំ២០១៦ ។ បច្ចុប្បន្ន ចេតិយនេះសង់បានប្រមាណ ៦០ភាគរយហើយ។
គួរបញ្ជាក់ថា លោកតា វណ្ណ ម៉ូលីវណ្ណ នៅឆ្នាំនេះមានអាយុ៩០ឆ្នាំហើយ។ លោកបានមករស់នៅក្នុងខេត្តសៀមរាប កាលពីឆ្នាំ២០១៤ និងមានបំណងបញ្ចប់ជីវិតលោកនៅលើទឹកអង្គរ ដែលជាទីក្រុងបុរាណដ៏រុងរឿងរបស់ខ្មែរមួយនេះ៕
Tag:
វណ្ណ ម៉ូលីវណ្ណ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
