ជាតិ
សេដ្ឋកិច្ច
×![]()
ដោយ: លីម តុលា
ភ្នំពេញ៖ បើទោះបីជាកម្ពុជាមិនទាន់មានទំនិញនាំចេញច្រើនក៏ដោយក្តី ក៏លោក ម៉ុង ឫទ្ធី មហាសេដី្ឋកសិកម្មនៅក្នុងប្រទេសកម្ពុជាព្យាយាមនាំចេញទំនិញកសិកម្មរបស់លោកទៅក្រៅប្រទេសដែរ។ ក្រៅពីកសិផលដូងប្រេងរបស់លោក លោក ម៉ុង ឫទ្ធី បាន និងកំពុងនាំចេញផ្លែស្វាយទៅកាន់ទីផ្សារសហគមន៍អឺរ៉ុប និងត្រៀមនាំចេញទៅកាន់ទីផ្សារអាមេរិក និងទីផ្សារកូរ៉េខាងត្បូងបន្ថែមទៀត។
លោក ម៉ុង ឫទ្ធី សមាជិកព្រឹទ្ធសភានៃគណបក្សប្រជាជនកម្ពុជា និងជាមហាសេដ្ឋីកសិកម្មនៅក្នុងប្រទេសកម្ពុជាបានប្តេជ្ញានាំចេញផ្លែស្វាយពីប្រទេសកម្ពុជាទៅក្រៅប្រទេសឲ្យបានកាន់តែច្រើនឡើងពីមួយឆ្នាំទៅមួយឆ្នាំ។ ជាក់ស្តែង នៅឆ្នាំ២០១៦នេះ ក្រុមហ៊ុនរបស់គ្រោងនាំចេញផ្លែស្វាយកែវរមៀត និងផ្លែស្វាយអៃវិនចំនួន ៥៤ ៤៦៩ គីឡូក្រាម(ជាង៥០តោន)ទៅកាន់ទីផ្សារសហគមន៍អឺរ៉ុប ហើយនៅឆ្នាំ២០១៧ខាងមុខនេះ ក្រុមហ៊ុនរបស់លោក ម៉ុង ឫទ្ធី គ្រោងនឹងបង្កើនការនាំចេញឲ្យបានពីរដងលើសពីឆ្នាំ២០១៦ ពោល គឺឲ្យដល់១០០តោននៅឆ្នាំក្រោយ។
ក្រៅពីទីផ្សារអឺរ៉ុប អាស៊ី និងអាមេរិក ក៏ចាប់អារម្មណ៍ស្វាយខ្មែរដែរ។ លោក ម៉ុង ឫទ្ធី បានបញ្ជាក់ប្រាប់សារព័ត៌មានថ្មីៗថា៖«អាមេរិកត្រៀមជួយបង្រៀនបុគ្គលិកយើងម្នាក់ឲ្យចេះរបៀបវេចខ្ចប់ មុននឹងគេអាចទិញផ្លែស្វាយពីយើង។ ម្យ៉ាងទៀត យើងកំពុងចរចានាំចេញទៅកាន់ប្រទេសកូរ៉េខាងត្បូងទៀត»។ លោក ម៉ុង ឫទ្ធី បានបញ្ជាក់ទៀតថា ប្រទេសបារាំងជាអ្នកបញ្ជាទិញផ្លែស្វាយពីរូបលោក ហើយអ្នកជំនួញនៃប្រទេសនេះ ចែកចាយបន្តទៅកាន់ប្រទេសដទៃទៀតនៅក្នុងទ្វីបអឺរ៉ុប តែលោក ម៉ុង ឫទ្ធី មិនអាចបញ្ជាក់បានទេ។
ទាក់ទងទៅនឹងតម្លៃលក់ចេញពីកម្ពុជា ឬតម្លៃលក់ចេញនៅលើទីផ្សារអឺរ៉ុប លោក ម៉ុង ឫទ្ធី មិនចង់បង្ហាញទេ ពីព្រោះ នេះគឺជាកិច្ចការជំនួញដែលនាំឲ្យគូប្រកួតប្រជែងដឹងព័ត៌មានលម្អិតពេក។ តែលោកព្យាយាមផ្តល់ជាចម្លើយទូទៅថា កាលពីពេលមុន អ្នកដាំស្វាយនៅកម្ពុជាអាចលក់ផ្លែស្វាយក្នុងមួយហិកតាបានពី៨០០ទៅ១០០០ដុល្លារ ឥឡូវនេះ អ្នកដាំអាចលក់ជូនលោកដើម្បីនាំចេញទៅទីផ្សារខាងក្រៅក្នុងតម្លៃពី២០០០ទៅ២៥០០ដុល្លារអាមេរិកក្នុងមួយហិកតា។ «អ្វីដែលខ្ញុំធ្វើ គឺចង់ជួយពលរដ្ឋខ្មែរដែលដាំស្វាយ»។ នេះ គឺជាការលើកឡើងរបស់លោក ម៉ុង ឫទ្ធី។
លោក ឫទ្ធី បានបន្តទៀតថា លោកមានចម្ការស្វាយ ៥០០ហិកតា ក្នុងនោះមួយភាគ លោកទទួលបានទិន្នផលហើយ មួយភាគទៀត លោកមិនទាន់ទទួលបានទិន្នផលនៅឡើយទេ។ ផ្លែស្វាយដែលលោកបាននាំចេញ និងគ្រោងនាំចេញ គឺជាផ្លែស្វាយរបស់លោកខ្លះ និងមួយភាគទៀត គឺជារបស់ប្រជាពលរដ្ឋខ្មែរ៕
លោក ម៉ុង ឫទ្ធី សមាជិកព្រឹទ្ធសភានៃគណបក្សប្រជាជនកម្ពុជា និងជាមហាសេដ្ឋីកសិកម្មនៅក្នុងប្រទេសកម្ពុជាបានប្តេជ្ញានាំចេញផ្លែស្វាយពីប្រទេសកម្ពុជាទៅក្រៅប្រទេសឲ្យបានកាន់តែច្រើនឡើងពីមួយឆ្នាំទៅមួយឆ្នាំ។ ជាក់ស្តែង នៅឆ្នាំ២០១៦នេះ ក្រុមហ៊ុនរបស់គ្រោងនាំចេញផ្លែស្វាយកែវរមៀត និងផ្លែស្វាយអៃវិនចំនួន ៥៤ ៤៦៩ គីឡូក្រាម(ជាង៥០តោន)ទៅកាន់ទីផ្សារសហគមន៍អឺរ៉ុប ហើយនៅឆ្នាំ២០១៧ខាងមុខនេះ ក្រុមហ៊ុនរបស់លោក ម៉ុង ឫទ្ធី គ្រោងនឹងបង្កើនការនាំចេញឲ្យបានពីរដងលើសពីឆ្នាំ២០១៦ ពោល គឺឲ្យដល់១០០តោននៅឆ្នាំក្រោយ។
ក្រៅពីទីផ្សារអឺរ៉ុប អាស៊ី និងអាមេរិក ក៏ចាប់អារម្មណ៍ស្វាយខ្មែរដែរ។ លោក ម៉ុង ឫទ្ធី បានបញ្ជាក់ប្រាប់សារព័ត៌មានថ្មីៗថា៖«អាមេរិកត្រៀមជួយបង្រៀនបុគ្គលិកយើងម្នាក់ឲ្យចេះរបៀបវេចខ្ចប់ មុននឹងគេអាចទិញផ្លែស្វាយពីយើង។ ម្យ៉ាងទៀត យើងកំពុងចរចានាំចេញទៅកាន់ប្រទេសកូរ៉េខាងត្បូងទៀត»។ លោក ម៉ុង ឫទ្ធី បានបញ្ជាក់ទៀតថា ប្រទេសបារាំងជាអ្នកបញ្ជាទិញផ្លែស្វាយពីរូបលោក ហើយអ្នកជំនួញនៃប្រទេសនេះ ចែកចាយបន្តទៅកាន់ប្រទេសដទៃទៀតនៅក្នុងទ្វីបអឺរ៉ុប តែលោក ម៉ុង ឫទ្ធី មិនអាចបញ្ជាក់បានទេ។
ទាក់ទងទៅនឹងតម្លៃលក់ចេញពីកម្ពុជា ឬតម្លៃលក់ចេញនៅលើទីផ្សារអឺរ៉ុប លោក ម៉ុង ឫទ្ធី មិនចង់បង្ហាញទេ ពីព្រោះ នេះគឺជាកិច្ចការជំនួញដែលនាំឲ្យគូប្រកួតប្រជែងដឹងព័ត៌មានលម្អិតពេក។ តែលោកព្យាយាមផ្តល់ជាចម្លើយទូទៅថា កាលពីពេលមុន អ្នកដាំស្វាយនៅកម្ពុជាអាចលក់ផ្លែស្វាយក្នុងមួយហិកតាបានពី៨០០ទៅ១០០០ដុល្លារ ឥឡូវនេះ អ្នកដាំអាចលក់ជូនលោកដើម្បីនាំចេញទៅទីផ្សារខាងក្រៅក្នុងតម្លៃពី២០០០ទៅ២៥០០ដុល្លារអាមេរិកក្នុងមួយហិកតា។ «អ្វីដែលខ្ញុំធ្វើ គឺចង់ជួយពលរដ្ឋខ្មែរដែលដាំស្វាយ»។ នេះ គឺជាការលើកឡើងរបស់លោក ម៉ុង ឫទ្ធី។
លោក ឫទ្ធី បានបន្តទៀតថា លោកមានចម្ការស្វាយ ៥០០ហិកតា ក្នុងនោះមួយភាគ លោកទទួលបានទិន្នផលហើយ មួយភាគទៀត លោកមិនទាន់ទទួលបានទិន្នផលនៅឡើយទេ។ ផ្លែស្វាយដែលលោកបាននាំចេញ និងគ្រោងនាំចេញ គឺជាផ្លែស្វាយរបស់លោកខ្លះ និងមួយភាគទៀត គឺជារបស់ប្រជាពលរដ្ឋខ្មែរ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
