កីឡាជាតិ
ជាតិ
ការប្រកួតអបអរទិវាអត្តពលកម្មពិភពលោក និងផ្លាស់ប្តូរបទពិសោធន៍កីឡាករថយចុះ ប៉ុន្តែបច្ចេកទេសកើនឡើង
×![]()
ការប្រកួតកីឡាអត្តពលកម្មដើម្បីអបអរទិវាកីឡាអត្តពលកម្មពិភពលោកលើកទី២១ ដែលរៀបចំដោយសហព័ន្ធខ្មែរអត្តពលកម្មស្ម័គ្រចិត្តបានបញ្ចប់ដោយជោគជ័យកាលពីព្រឹកថ្ងៃទី២៤ ខែឧសភា ខណៈឆ្នាំនេះចំនួនកីឡាករកីឡាការិនីចូលរួមមានការថយចុះជាង១០០នាក់ ប៉ុន្តែកម្រិតបច្ចេកទេសមានការកើនឡើង។ នេះបើយោងតាមលោក ប៉ែន វុទ្ធី អគ្គលេខាធិការសហព័ន្ធខ្មែរអត្តពលកម្មស្ម័គ្រចិត្ត។ 
លោក ប៉ែន វុទ្ធី អគ្គលេខាធិការសហព័ន្ធខ្មែរអត្តពលកម្មស្ម័គ្រចិត្តបានបញ្ជាក់ថា ចំនួនកីឡាករកីឡាការិនីចូលរួមប្រកួតកីឡាអត្តពលកម្មដើម្បីអបអរទិវាកីឡាអត្តពលកម្មពិភពលោកឆ្នាំនេះមានការថយចុះជាង១០០នាក់ បើប្រៀបធៀបទៅនឹងឆ្នាំមុន ដោយឆ្នាំនេះមានកីឡាករកីឡាការិនីចូលរួមចំនួន១៨៧នាក់ ដែលមកពីបណ្តាសាលានៅជុំវិញរាជធានីភ្នំពេញ និងក្លិប-សមាគមចំនួន១២ ខណៈឆ្នាំមុនមានរហូតដល់ជិត៣០០នាក់ ប៉ុន្តែទោះជាយ៉ាងនេះកី្តកម្រិតបច្ចេកទេសមានការកើនឡើងគួរឲ្យកត់សំគាល់។
ពាក់ព័ន្ធទៅនឹងការថយចុះនៃចំនួនកីឡាករកីឡាការិនីនេះត្រូវបាន លោកអគ្គលេខាធិការសហព័ន្ធរូបនេះបានរៀបរាប់ថា ដោយសារការប្រកួតអបអរទិវាកីឡាអត្តពលកម្មពិភពលោកឆ្នាំនេះ វាកៀកទៅនឹងការប្រកួតជើងឯកសិស្សទូទាំងប្រទេសពេក ព្រោះការប្រកួតជើងឯកសិស្សទូទាំងប្រទេសទើបតែបញ្ចប់កាលពីម្សិលមិញ ដូច្នេះវាធ្វើឲ្យសាលា ក៏ក្លិប-សមាគមន រៀបចំឯកសារក្នុងការបញ្ជូនកីឡាករឲ្យចូលរួមមិនទាន់។
លោកបានបន្ថែមទៀតថា ការប្រកួតនេះមិនត្រឹមតែដើម្បីអបអរទិវាកីឡាអត្តពលកម្មពិភពលោកប៉ុណ្ណោះទេ លើសពីនេះគឺដើម្បីឲ្យក្រុមកីឡាករកីឡារិនីអត្តពលកម្មតាមសាលា សមាគម-ក្លិប ដែលនៅជុំវិញទីក្រុងភ្នំពេញ ប្រកួតផ្តាស់ប្តូរបច្ចេកទេស និងបទពិសោធន៍ទៅវិញទៅមក ជាពិសេសដើម្បីឲ្យកីឡាករកីឡារិនីទាំងនោះបានបញ្ចេញសមត្ថភាពរបស់ខ្លួន។
ជាមួយគ្នានេះ លោក ប៊ុន សុខ ប្រធានសហព័ន្ធខ្មែរអត្តពលកម្មស្ម័គ្រចិត្តបានមានប្រសាសន៍ថា ការប្រកួតដើម្បីអបអរទិវាកីឡាអត្តពលកម្មពិភពលោកនេះ គឺដើម្បីផ្តល់ឱកាស និងលើកកម្ពស់កីឡាករកីឡាការិនីអត្តពលកម្មសំដៅជំរុញឲ្យសមាជិកសហព័ន្ធកីឡាអត្ពពលកម្មទាំងអស់បានចូលរួមបំផុស ផ្សព្វផ្សាយ និងលើកកម្ពស់កម្រិតបច្ចេកទេសឲ្យកាន់តែល្អប្រសើរ។ ម្យ៉ាងទៀតដើម្បីជួយលើកទឹកចិត្តកីឡាករកីឡាការិនីថ្នាល និងយុវជនឲ្យមានឆន្ទៈខ្ពស់ក្នុងការប្រកួតប្រជែង ដើម្បីជួយអភិវឌ្ឍន៍វិស័យកីឡាជាតិកាន់តែរីកចម្រើនថែមទៀត។
លោកបានបន្ថែមថា សហព័ន្ធខ្មែរអត្តពលកម្មស្ម័គ្រចិត្ត បង្កើតឡើងដើម្បីចូលរួមចំណែកផ្សព្វផ្សាយព័ត៌មានពីកីឡាអត្តពលកម្ម និងដើម្បីលើកទឹកចិត្តក្នុងការអនុវត្តបទបញ្ជាបច្ចេកទេសនៃការប្រកួតពីកម្រិតមូលដ្ឋាន ដល់កម្រិតខ្ពស់ឲ្យស្របតាមគោលការណ៍កីឡាអត្តពលកម្មអន្តរជាតិ ព្រមទាំងដើម្បីបណ្តុះបណ្តាលមន្ត្រីរដ្ឋបាល និងបច្ចេកទេសពីថ្នាក់ជាតិ រហូតដល់ថ្នាក់អន្តរជាតិ។ ការធ្វើបែបនេះក្នុងគោលបំណងដើម្បីឆ្លើយតបនៅនឹងតម្រូវការរបស់ថ្នាក់ជាតិ និងថ្នាក់មូលដ្ឋានក្រោមជាតិ ដែលមានសមាគមកីឡាអត្តពលកម្មថ្នាក់ក្រសួង ស្ថាប័ន ថ្នាក់កណ្តាល និងអាជ្ញាធររាជធានី-ខេត្ត ជាសមាជិក។
គួរបញ្ជាក់ថា ការប្រកួតកីឡាអត្តពលកម្មដើម្បីអបអរទិវាកីឡាអត្តពលកម្មពិភពលោក និងដើម្បីផ្លាស់ប្តូរបទពិសោធន៍ និងបច្ចេកទេសរបស់កីឡាករកីឡាការិនីតាមសាលា ក្លិប-សមាគមនេះ មានសាលា សមាគម-ក្លិបចំនួន១២ចូលរួម ដោយមានកីឡាករកីឡាករចំនួន១៨៧នាក់(ស្រី៦៧នាក់)។ កីឡាករទាំងនេះប្រកួតលើវិញ្ញាសា រត់ចម្ងាយ៥០ម៉ែត្រ(បុរស-នារី), រត់១០០ម៉ែត្រ(បុរស-នារី), វិញ្ញាសាចោលដុំដែក(បុរស-នារី), រត់ចម្ងាយ៣គីឡូម៉ែត្រ(បុរស-នារី), រត់ចម្ងាយ៥គីឡូម៉ែត្រ(បុរស-នារី),រត់បណ្តាក់១០០ម៉ែត X ៤ (បុរស-នារី) និងលោតចម្ងាយ(បុរស-នារី)៕
លោក ប៉ែន វុទ្ធី អគ្គលេខាធិការសហព័ន្ធខ្មែរអត្តពលកម្មស្ម័គ្រចិត្តបានបញ្ជាក់ថា ចំនួនកីឡាករកីឡាការិនីចូលរួមប្រកួតកីឡាអត្តពលកម្មដើម្បីអបអរទិវាកីឡាអត្តពលកម្មពិភពលោកឆ្នាំនេះមានការថយចុះជាង១០០នាក់ បើប្រៀបធៀបទៅនឹងឆ្នាំមុន ដោយឆ្នាំនេះមានកីឡាករកីឡាការិនីចូលរួមចំនួន១៨៧នាក់ ដែលមកពីបណ្តាសាលានៅជុំវិញរាជធានីភ្នំពេញ និងក្លិប-សមាគមចំនួន១២ ខណៈឆ្នាំមុនមានរហូតដល់ជិត៣០០នាក់ ប៉ុន្តែទោះជាយ៉ាងនេះកី្តកម្រិតបច្ចេកទេសមានការកើនឡើងគួរឲ្យកត់សំគាល់។
ពាក់ព័ន្ធទៅនឹងការថយចុះនៃចំនួនកីឡាករកីឡាការិនីនេះត្រូវបាន លោកអគ្គលេខាធិការសហព័ន្ធរូបនេះបានរៀបរាប់ថា ដោយសារការប្រកួតអបអរទិវាកីឡាអត្តពលកម្មពិភពលោកឆ្នាំនេះ វាកៀកទៅនឹងការប្រកួតជើងឯកសិស្សទូទាំងប្រទេសពេក ព្រោះការប្រកួតជើងឯកសិស្សទូទាំងប្រទេសទើបតែបញ្ចប់កាលពីម្សិលមិញ ដូច្នេះវាធ្វើឲ្យសាលា ក៏ក្លិប-សមាគមន រៀបចំឯកសារក្នុងការបញ្ជូនកីឡាករឲ្យចូលរួមមិនទាន់។
លោកបានបន្ថែមទៀតថា ការប្រកួតនេះមិនត្រឹមតែដើម្បីអបអរទិវាកីឡាអត្តពលកម្មពិភពលោកប៉ុណ្ណោះទេ លើសពីនេះគឺដើម្បីឲ្យក្រុមកីឡាករកីឡារិនីអត្តពលកម្មតាមសាលា សមាគម-ក្លិប ដែលនៅជុំវិញទីក្រុងភ្នំពេញ ប្រកួតផ្តាស់ប្តូរបច្ចេកទេស និងបទពិសោធន៍ទៅវិញទៅមក ជាពិសេសដើម្បីឲ្យកីឡាករកីឡារិនីទាំងនោះបានបញ្ចេញសមត្ថភាពរបស់ខ្លួន។
ជាមួយគ្នានេះ លោក ប៊ុន សុខ ប្រធានសហព័ន្ធខ្មែរអត្តពលកម្មស្ម័គ្រចិត្តបានមានប្រសាសន៍ថា ការប្រកួតដើម្បីអបអរទិវាកីឡាអត្តពលកម្មពិភពលោកនេះ គឺដើម្បីផ្តល់ឱកាស និងលើកកម្ពស់កីឡាករកីឡាការិនីអត្តពលកម្មសំដៅជំរុញឲ្យសមាជិកសហព័ន្ធកីឡាអត្ពពលកម្មទាំងអស់បានចូលរួមបំផុស ផ្សព្វផ្សាយ និងលើកកម្ពស់កម្រិតបច្ចេកទេសឲ្យកាន់តែល្អប្រសើរ។ ម្យ៉ាងទៀតដើម្បីជួយលើកទឹកចិត្តកីឡាករកីឡាការិនីថ្នាល និងយុវជនឲ្យមានឆន្ទៈខ្ពស់ក្នុងការប្រកួតប្រជែង ដើម្បីជួយអភិវឌ្ឍន៍វិស័យកីឡាជាតិកាន់តែរីកចម្រើនថែមទៀត។
លោកបានបន្ថែមថា សហព័ន្ធខ្មែរអត្តពលកម្មស្ម័គ្រចិត្ត បង្កើតឡើងដើម្បីចូលរួមចំណែកផ្សព្វផ្សាយព័ត៌មានពីកីឡាអត្តពលកម្ម និងដើម្បីលើកទឹកចិត្តក្នុងការអនុវត្តបទបញ្ជាបច្ចេកទេសនៃការប្រកួតពីកម្រិតមូលដ្ឋាន ដល់កម្រិតខ្ពស់ឲ្យស្របតាមគោលការណ៍កីឡាអត្តពលកម្មអន្តរជាតិ ព្រមទាំងដើម្បីបណ្តុះបណ្តាលមន្ត្រីរដ្ឋបាល និងបច្ចេកទេសពីថ្នាក់ជាតិ រហូតដល់ថ្នាក់អន្តរជាតិ។ ការធ្វើបែបនេះក្នុងគោលបំណងដើម្បីឆ្លើយតបនៅនឹងតម្រូវការរបស់ថ្នាក់ជាតិ និងថ្នាក់មូលដ្ឋានក្រោមជាតិ ដែលមានសមាគមកីឡាអត្តពលកម្មថ្នាក់ក្រសួង ស្ថាប័ន ថ្នាក់កណ្តាល និងអាជ្ញាធររាជធានី-ខេត្ត ជាសមាជិក។
គួរបញ្ជាក់ថា ការប្រកួតកីឡាអត្តពលកម្មដើម្បីអបអរទិវាកីឡាអត្តពលកម្មពិភពលោក និងដើម្បីផ្លាស់ប្តូរបទពិសោធន៍ និងបច្ចេកទេសរបស់កីឡាករកីឡាការិនីតាមសាលា ក្លិប-សមាគមនេះ មានសាលា សមាគម-ក្លិបចំនួន១២ចូលរួម ដោយមានកីឡាករកីឡាករចំនួន១៨៧នាក់(ស្រី៦៧នាក់)។ កីឡាករទាំងនេះប្រកួតលើវិញ្ញាសា រត់ចម្ងាយ៥០ម៉ែត្រ(បុរស-នារី), រត់១០០ម៉ែត្រ(បុរស-នារី), វិញ្ញាសាចោលដុំដែក(បុរស-នារី), រត់ចម្ងាយ៣គីឡូម៉ែត្រ(បុរស-នារី), រត់ចម្ងាយ៥គីឡូម៉ែត្រ(បុរស-នារី),រត់បណ្តាក់១០០ម៉ែត X ៤ (បុរស-នារី) និងលោតចម្ងាយ(បុរស-នារី)៕
Tag:
អត្តពលកម្ម
ទិវាកីឡាអត្តពលកម្មអន្តរជាតិ
ប៉ែន វុទ្ធី
ប៉ែន វុទ្ធី
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
