កំពង់ស្ពឺ ប៉ៃលិន កំពត ក្រចេះ ព្រះវិហារ ប្រកួតបង្គ្រប់កិច្ច ខណៈសៀមរាបអង្គរត្រូវការឈ្នះ

កីឡាជាតិ

ជាតិ

កំពង់ស្ពឺ ប៉ៃលិន កំពត ក្រចេះ ព្រះវិហារ ប្រកួតបង្គ្រប់កិច្ច ខណៈសៀមរាបអង្គរត្រូវការឈ្នះ

25, May 2016 , 8:19 am

រូបភាព

ដោយ:

ការប្រកួតពានរង្វាន់សម្តេច ហ៊ុន សែន ប្រចាំឆ្នាំ២០១៦ នាល្ងាចថ្ងៃទី២៥ ខែឧសភា នេះ មានការប្រកួត៣គូក្នុងពូល C និង៣គូក្នុងពូល D ដោយ៦គូនេះមានការប្រកួតបង្គ្រប់កិច្ច និងការប្រកួតដើម្បីឡើងទៅប្រកួតនៅវគ្គបន្ត។ ក្នុងនោះ កំពង់ស្ពឺ,កំពត,ព្រះវិហារ និងក្រចេះ ប្រកួតបង្គ្រប់កិច្ច ខណៈសៀមរាបអង្គរ ជួប អគ្គស្នងការនគរបាលជាតិ ដើម្បីប្រជែងឈរលេខរៀងទី២ ក្នុងពូល D ខណៈភ្នំពេញក្រោន, ស៊ីម៉ាក់ និងណាហ្គាវើល ត្រូវការ៣ពិន្ទុដើម្បីឡើងទៅវគ្គបន្ត។

នៅក្នុងពូល C ខេត្តកំពង់ស្ពឺ បន្ទាប់ពីឆ្លងកាត់៣ប្រកួតចាញ់២ ឈ្នះ១ នឹងធ្វើការប្រកួតជាមួយខេត្តប៉ៃលិន ដែលជាក្រុមមិនធ្លាប់ស្គាល់ពាក្យឈ្នះសម្រាប់៣ប្រកួត ដើម្បីបង្គ្រប់កិច្ចក្នុងវគ្គជម្រុះដំណាក់កាលផ្តាច់ព្រ័ត្រនេះ ទោះបីជាក្រុមទាំងពីរនេះនៅសល់មួយប្រកួតទៀតក៏ដោយ។ ដូចគ្នាទៅនឹងខេត្តកំពត នឹងត្រូវប្រកួតបង្គ្រប់កិច្ចជាមួយភ្នំពេញក្រោន បន្ទាប់ពី៣ប្រកួតមិនដែលស្គាល់ពាក្យឈ្នះ ខណៈភ្នំពេញក្រោនត្រូវការ៣ពិន្ទុដើម្បីឡើងទៅវគ្គបន្តទោះបីសល់មួយប្រកួតទៀតក៏ដោយ។

ទន្ទឹមនឹងនេះ ក្រុមនៅក្នុងក្រមខណ្ឌមិត្តហ្វូនខេមបូឌានលីកមជ្ឈមណ្ឌលកំចាត់មីនកម្ពុជា បន្ទាប់ពីឆ្លងកាត់៣ប្រកួតឈ្នះទាំង៣ប្រកួតត្រូវប្រជែងជាមួយក្រុមវេស្ទើននៅពហុកឡដ្ឋានជាតិ ដើម្បីបាន៣ពិន្ទុឡើងទៅវគ្គបន្ត ខណៈវេស្ទើនត្រូវការឈ្នះសម្រាប់ប្រជែងជាមួយខ្លួននៅក្នុងពូល C ។

ចំណែកនៅក្នុងពូល D ខេត្តស្វាយរៀងនឹងបើកទ្វារកីឡដ្ឋានខេត្តស្វាយរៀងរបស់ខ្លួន ដើម្បីកំដរការប្រកួតបង្គ្រប់កិច្ចរបស់ខេត្តក្រចេះ ខណៈខេត្តព្រះវិហារ នឹងបើកទ្វារកីឡដ្ឋានខេត្តព្រះវិហារស្វាគមន៍ក្រុមភ្ញៀវ ណាហ្គាវើល ដើម្បីបង្គ្រប់កិច្ចរបស់ខ្លួន ស្របពេលណាហ្គាវើលត្រូវការ៣ពិន្ទុសម្រាប់ឡើងទៅវគ្គបន្ត។

ដោយឡែក នៅក្នុងពូល D ដដែល ក្រុមអគ្គស្នងការនគរបាលជាតិ នឹងប្រើពហុកីឡដ្ឋានជាតិដើម្បីប្រជែងយក៣ជាមួយក្រុមសៀមរាបអង្គរ សម្រាប់ឡើងទៅវគ្គបន្ត ខណៈសៀមរាបអង្គរត្រូវការឈ្នះផងដែរ ដើម្បីប្រជែងឈរលំដាប់លេខ២ក្នុងពូល មុនប្រកួតបញ្ចប់ជាមួយខេត្តស្វាយរៀងនៅថ្ងៃទី១៥ មិថុនា ខាងមុខ៕

កម្មវិធីប្រកួតពានរង្វាន់សម្តេច ហ៊ុន សែន ថ្ងៃទី១១ ខែឧសភា នេះ៖

ពូល C៖

-ម៉ោង៣:៣០-ខេត្តកំពង់ស្ពឺ ជួប ខេត្តប៉ៃលិន នៅកីឡដ្ឋានខេត្តកំពង់ស្ពឺ

-ម៉ោង៣:៣០-ខេត្តកំពត ជួប ភ្នំពេញក្រោន នៅកីឡដ្ឋានខេត្តកំពត

-ម៉ោង៣:៣០-មជ្ឈមណ្ឌលកំចាត់មីនកម្ពុជា ជួប វេស្ទើនភ្នំពេញ នៅពហុកីឡដ្ឋានជាតិ

ពូល D៖

-ម៉ោង៣:៣០-ខេត្តស្វាយរៀង ជួប ខេត្តក្រចេះ នៅកីឡដ្ឋានខេត្តស្វាយរៀង

-ម៉ោង៣:៣០-ខេត្តព្រះវិហារ ជួប ណាហ្គាវើល នៅកីឡដ្ឋានខេត្តព្រះវិហារ

-ម៉ោង១៨:០០-អគ្គស្នងការនគរបាលជាតិ ជួប សៀមរាបអង្គរ នៅពហុកីឡដ្ឋានជាតិ។