អន្តរជាតិ
×![]()
ដោយ: តន ចាន់រិទ្ធារ៉ា
អគ្គលេខាធិការអង្គការសហប្រជាជាតិ បាន គីមូន បានបង្ហាញការព្រួយបារម្ភចំពោះរបាយការណ៍នៃការកើនឡើងកម្ដៅនយោបាយនៅសាធារណរដ្ឋប្រជាធិបតេយ្យកុងហ្គោ។ ភាពតានតឹងនេះ នឹងធ្វើឲ្យការបោះឆ្នោតជ្រើសរើសប្រធានាធិបតីដែលគ្រោងធ្វើចុងឆ្នាំនេះ កាន់តែស្រពិចស្រពិល។
ក្នុងសេចក្ដីប្រកាសថ្ងៃទី២៥ ខែឧសភា លោក បាន គីមូន បានបញ្ជាក់ពីការខ្វល់ខ្វាយចំពោះស្ថានភាពនយោបាយនៅសាធារណរដ្ឋប្រជាធិបតេយ្យកុងហ្គោ ដែលមានសភាពតានតឹងខ្លាំង ក្រោយសកម្មជនកុងហ្គោបីនាក់ ដែលចូលរួមក្នុងការតវ៉ាទាមទារឲ្យប្រធានាធិបតី Joseph Kabila ចាកចេញពីតំណែង ត្រូវបានកាត់ទោសជាប់គុកមួយឆ្នាំ។ ស្ថានភាពបែបនេះ នឹងប៉ះពាល់ដល់ការបោះឆ្នោតដែលគ្រោងរៀបចំនៅចុងឆ្នាំនេះ។
អ្នកនាំពាក្យអង្គការសហប្រជាជាតិលោក Farhan Haq និយាយក្នុងសេចក្ដីប្រកាសថា លោកអគ្គលេខាធិការព្រួយបារម្ភយ៉ាងខ្លាំងចំពោះការកើនឡើងភាពតានតឹងនយោបាយនៅកុងហ្គោ ដែលពាក់ព័ន្ធនឹងភាពមិនច្បាស់លាស់នៃដំណើរការបោះឆ្នោតប្រធានាធិបតី។ លោក Haq បន្តថា លោក បាន គីមូន បានស្នើឲ្យមានការគោរពគោលការណ៍សិទ្ធិនិងសេរីភាព ដែលមានចែងក្នុងរដ្ឋធម្មនុញ្ញកុងហ្គោ។ លោកក៏ស្នើឲ្យភាគីទាំងអស់បញ្ចេញមតិដោយអហិង្សា ជាពិសេសបាតុកម្មដែលគ្រោងធ្វើនៅថ្ងៃទី២៦ ខែឧសភា។
សូមបញ្ជាក់ថា ប្រធានាធិបតីចប់អាណត្តិ Joseph Kabila បានបញ្ជាឲ្យចាប់ខ្លួនអ្នករិះគន់រូបលោកជាច្រើននាក់តាំងពីឆ្នាំមុនមក។ អង្គការសហប្រជាជាតិនិងអង្គការសិទ្ធិមនុស្ស ហៅការចាប់ខ្លួននេះថា ជាការបង្ក្រាបលើអ្នកនយោបាយប្រឆាំង នៅមុនការបោះឆ្នោតដែលគ្រោងធ្វើនៅខែវិច្ឆិកា ឆ្នាំនេះ។
លោក Joseph Kabila កាន់តំណែងប្រធានាធិបតីពីរអាណត្តិមកហើយ ដូចនេះលោកមិនអាចឈរឈ្មោះបន្តសម្រាប់ការបោះឆ្នោតប្រធានាធិបតីបានទេ។ ប៉ុន្តែក្រុមអ្នកប្រឆាំងបានចោទលោកថា ព្យាយាមរារាំងដំណើរការបោះឆ្នោតដើម្បីរក្សាអំណាច។ នេះក៏ដោយសារតែ កាលពីសប្ដាហ៍មុន តុលាការកំពូលកុងហ្គោសម្រេចថា លោក Joseph Kabila អាចបន្តកាន់តំណែង ប្រសិនបើមិនមានការបោះឆ្នោតណាមួយនៅចុងអាណត្តិរបស់លោក។
ជាមួយគ្នានេះ បើតាមទីភ្នាក់ងារព័ត៌មាន Reuters រដ្ឋាភិបាលក្រុងគីនសាសាក៏និយាយដែរថា ខ្លួនទំនងជាមិនអាចរៀបចំការបោះឆ្នោតតាមការកំណត់បានទេ ព្រោះមានបញ្ហាដឹកជញ្ជូន និងកង្វះថវិការៀបចំ។ លើសពីនេះ រដ្ឋាភិបាលកុងហ្គោក៏បដិសេធថា រាល់ការចាប់ខ្លួនទាំងអស់មិនមែនដោយសារនយោបាយទេ។
សូមរម្លឹកដែរថា តាំងពីបានឯករាជ្យពីបែលហ្ស៊ិកមក សាធារណរដ្ឋប្រជាធិបតេយ្យកុងហ្គោ មិនមានការផ្ទេរអំណាចដោយសន្តិវិធីទេ។ ប្រទេសអាហ្វ្រិកខាងលិចមួយនេះធ្លាប់ស្ថិតការគ្រប់គ្រងរបស់លោក Mobutu Sese Seko អស់ពេលជាច្រើនទសវត្សរ៍ ហើយចាប់ពីពេលនោះមក តំបន់កុងហ្គោភាគខាងកើត ជួបប្រទះភ្លើងសង្គ្រាមនិងអស្ថិរភាព៕
ក្នុងសេចក្ដីប្រកាសថ្ងៃទី២៥ ខែឧសភា លោក បាន គីមូន បានបញ្ជាក់ពីការខ្វល់ខ្វាយចំពោះស្ថានភាពនយោបាយនៅសាធារណរដ្ឋប្រជាធិបតេយ្យកុងហ្គោ ដែលមានសភាពតានតឹងខ្លាំង ក្រោយសកម្មជនកុងហ្គោបីនាក់ ដែលចូលរួមក្នុងការតវ៉ាទាមទារឲ្យប្រធានាធិបតី Joseph Kabila ចាកចេញពីតំណែង ត្រូវបានកាត់ទោសជាប់គុកមួយឆ្នាំ។ ស្ថានភាពបែបនេះ នឹងប៉ះពាល់ដល់ការបោះឆ្នោតដែលគ្រោងរៀបចំនៅចុងឆ្នាំនេះ។
អ្នកនាំពាក្យអង្គការសហប្រជាជាតិលោក Farhan Haq និយាយក្នុងសេចក្ដីប្រកាសថា លោកអគ្គលេខាធិការព្រួយបារម្ភយ៉ាងខ្លាំងចំពោះការកើនឡើងភាពតានតឹងនយោបាយនៅកុងហ្គោ ដែលពាក់ព័ន្ធនឹងភាពមិនច្បាស់លាស់នៃដំណើរការបោះឆ្នោតប្រធានាធិបតី។ លោក Haq បន្តថា លោក បាន គីមូន បានស្នើឲ្យមានការគោរពគោលការណ៍សិទ្ធិនិងសេរីភាព ដែលមានចែងក្នុងរដ្ឋធម្មនុញ្ញកុងហ្គោ។ លោកក៏ស្នើឲ្យភាគីទាំងអស់បញ្ចេញមតិដោយអហិង្សា ជាពិសេសបាតុកម្មដែលគ្រោងធ្វើនៅថ្ងៃទី២៦ ខែឧសភា។
សូមបញ្ជាក់ថា ប្រធានាធិបតីចប់អាណត្តិ Joseph Kabila បានបញ្ជាឲ្យចាប់ខ្លួនអ្នករិះគន់រូបលោកជាច្រើននាក់តាំងពីឆ្នាំមុនមក។ អង្គការសហប្រជាជាតិនិងអង្គការសិទ្ធិមនុស្ស ហៅការចាប់ខ្លួននេះថា ជាការបង្ក្រាបលើអ្នកនយោបាយប្រឆាំង នៅមុនការបោះឆ្នោតដែលគ្រោងធ្វើនៅខែវិច្ឆិកា ឆ្នាំនេះ។
លោក Joseph Kabila កាន់តំណែងប្រធានាធិបតីពីរអាណត្តិមកហើយ ដូចនេះលោកមិនអាចឈរឈ្មោះបន្តសម្រាប់ការបោះឆ្នោតប្រធានាធិបតីបានទេ។ ប៉ុន្តែក្រុមអ្នកប្រឆាំងបានចោទលោកថា ព្យាយាមរារាំងដំណើរការបោះឆ្នោតដើម្បីរក្សាអំណាច។ នេះក៏ដោយសារតែ កាលពីសប្ដាហ៍មុន តុលាការកំពូលកុងហ្គោសម្រេចថា លោក Joseph Kabila អាចបន្តកាន់តំណែង ប្រសិនបើមិនមានការបោះឆ្នោតណាមួយនៅចុងអាណត្តិរបស់លោក។
ជាមួយគ្នានេះ បើតាមទីភ្នាក់ងារព័ត៌មាន Reuters រដ្ឋាភិបាលក្រុងគីនសាសាក៏និយាយដែរថា ខ្លួនទំនងជាមិនអាចរៀបចំការបោះឆ្នោតតាមការកំណត់បានទេ ព្រោះមានបញ្ហាដឹកជញ្ជូន និងកង្វះថវិការៀបចំ។ លើសពីនេះ រដ្ឋាភិបាលកុងហ្គោក៏បដិសេធថា រាល់ការចាប់ខ្លួនទាំងអស់មិនមែនដោយសារនយោបាយទេ។
សូមរម្លឹកដែរថា តាំងពីបានឯករាជ្យពីបែលហ្ស៊ិកមក សាធារណរដ្ឋប្រជាធិបតេយ្យកុងហ្គោ មិនមានការផ្ទេរអំណាចដោយសន្តិវិធីទេ។ ប្រទេសអាហ្វ្រិកខាងលិចមួយនេះធ្លាប់ស្ថិតការគ្រប់គ្រងរបស់លោក Mobutu Sese Seko អស់ពេលជាច្រើនទសវត្សរ៍ ហើយចាប់ពីពេលនោះមក តំបន់កុងហ្គោភាគខាងកើត ជួបប្រទះភ្លើងសង្គ្រាមនិងអស្ថិរភាព៕
Tag:
UN
កុងហ្គោ
អាហ្វ្រិក
© រក្សាសិទ្ធិដោយ thmeythmey.com
