អន្តរជាតិ
×![]()
ដោយ: ធីតា
ក្មេងស្រីតូច Zyla St. Onge អាយុ ៦ ខែ និង ២៧ ថ្ងៃ មិនទាន់ទាំងចេះដើរនៅឡើយផង បានបំបែកឯតទគ្គកម្មពិភពលោកខាងជិះស្គីលើទឹក។
នៅក្នុងវីដេអូគ្លីប ហ្ស៊ីឡាជិះស្គីឆ្លងកាត់ទឹករលក ដោយគ្មានការភ័យខ្លាចអ្វីទាំងអស់។ នាងសម្លឹងមើលជុំវិញនាង ហាក់ដូចជាអ្នកជិះស្គីលើទឹកដែលមានបទពិសោធន៍ច្រើនឆ្នាំមកហើយ។ ក្មេងស្រីរូបនេះរស់នៅរដ្ឋហ្លរីដា សហរដ្ឋអាមេរិក។ នាងបានបំបែកឯតទគ្គកម្មរបស់ហ្គីនេស ដែលរាប់សិបឆ្នាំមកហើយ មិនធ្លាប់មានអ្នកបំបែកបានទេ។ ក្មេងតូចនេះបានក្លាយទៅជាអ្នកជិះស្គីលើទឹកដ៏វ័យក្មេងបំផុត។ នាងតូចបានជិះលើបន្ទះក្តារស្គីដែលអូសដោយកប៉ាល់មួយ។ នៅទីបំផុត នាងអាចជិះស្គីបានចម្ងាយជាង ២០៩ ម៉ែត្រ។
នេះជាកំណត់ត្រាថ្មីដែលបានបំបែកកំណត់ត្រាចាស់នាឆ្នាំ ១៩៨២ របស់ Parks Bonifay ដែលបច្ចុប្បន្នជាកីឡាករអាជីពស្គីលើទឹក ហើយកាលនោះ លោកទើបមានអាយុ ៦ ខែ និង ២៩ ថ្ងៃ។ លោកជិះស្គីបានតែចម្ងាយជាង ៣០ ម៉ែត្រប៉ុណ្ណោះ៕
ប្រភព៖ Metro
វីដេអូ
Tag:
ប្លែក
© រក្សាសិទ្ធិដោយ thmeythmey.com
