កីឡាជាតិ
ជាតិ
សំបុត្រចូលរួមទស្សនាការប្រកួតរវាងកម្ពុជា និងទីម័រខាងកើត តម្លៃ១ម៉ឺនអស់ហើយ
×
សំបុត្រចូលរួមទស្សនាការប្រកួតមិត្តភាពអន្តរជាតិរវាងក្រុមជម្រើសជាតិកម្ពុជា និងក្រុមទីម័រខាងកើត មានពីរប្រភេទ គឹតម្លៃ១ម៉ឺនរៀល និង ៥ពាន់រៀល ប៉ុន្តែបន្ទាប់ពីបើកការលក់សំបុត្រនេះតាំងពីថ្ងៃទី២៥ ខែឧសភា មកទល់ពេលនេះសំបុត្រ តម្លៃ១ម៉ឺនរៀល អស់ហើយនៅសល់តែតម្លៃ ៥ពាន់រៀលតែប៉ុណ្ណោះ។ នេះបើយោងតាមគេហទំព័ររបស់សហព័ន្ធកីឡាបាល់ទាត់កម្ពុជាកាលពីព្រឹកមិញ។
បន្ទាប់ពីបើកការលក់សំបុត្រដើម្បីចូលរួមទស្សនាការប្រកួតមិត្តភាពអន្តរជាតិរវាងក្រុមជម្រើសជាតិកម្ពុជា និងក្រុមទីម័រខាងកើតតាំងពីថ្ងៃទី២៥ ឧសភា នៅតាមកន្លែងមួយចំនួនដូចជា ពហុកីឡដ្ឋានជាតិ មជ្ឈមណ្ឌលកីឡា The BLUE Sports Center និងហាងលក់សម្ភារៈកីឡា Home Sport original មកទល់ពេលនេះសំបុត្រតម្លៃ ១ម៉ឺនរៀលសម្រាប់កន្លែងមានដំបូលអស់ហើយ នៅសល់តែសំបុត្រតម្លៃ៥ពាន់រៀលតែប៉ុណ្ណោះ។
គួរបញ្ជាក់ថា ក្រុមជម្រើសជាតិកម្ពុជា និងធ្វើការប្រកួតមិត្តភាពអន្តរជាតិជាមួយក្រុមទីម័រខាងកើត នៅយប់ថ្ងៃទី២៩ ខែឧសភា នាពហុកីឡដ្ឋានជាតិ ហើយការប្រកួតនេះនឹងមានការផ្សាយបន្តផ្ទាល់តាមរយៈទូរទស្សន៍ BTV៕
Tag:
បាល់ទាត់
ប្រកួតមិត្តភាពអន្តរជាតិ
© រក្សាសិទ្ធិដោយ thmeythmey.com