ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
កីឡាករអត្តពលកម្មអាយុក្រោម១៨ឆ្នាំ៥រូបនឹងចូលរួមប្រជែងជើងឯកអាស៊ីនៅប្រទេសវៀតណាម
28, May 2016 ,
3:39 pm
រូបភាព
×
ដោយ:
សហព័ន្ធខ្មែរអត្តពលកម្មស្ម័គ្រចិត្តកម្ពុជា នឹងបញ្ជូនកីឡាករកីឡាការិនីចំនួន៥រូប ដើម្បីចូលរួមប្រកួតប្រជែងក្នុងព្រឹត្តិការណ៍ជើងឯកយុវជនអាស៊ីលើកទី១៧ នៅទីក្រុងហាហូយ ប្រទេសវៀតណាម នាថ្ងៃទី២ ខែមិថុនាខាងមុខនេះ។ កីឡាករកីឡាការិនីកម្ពុជាទាំងនេះ នឹងធ្វើការប្រកួតប្រជែងជាមួយបណ្តាប្រទេសនៅក្នុងតំបន់អាស៊ីចំនួន៤៥ប្រទេសផ្សេងទៀត ប៉ុន្តែទោះជាយ៉ាងណា សហព័ន្ធខ្មែរអត្តពលកម្មស្ម័គ្រចិត្តមានសង្ឃឹមខ្ពស់សម្រាប់ការចូលរួមលើកនេះ។
ក្រោយហ្វឹកហាត់យ៉ាងសកម្មអស់រយៈពេលជាច្រើនខែកីឡាករកីឡាការិនីអត្តពលកម្មយុវជនថ្នាលអាយុក្រោម១៨ឆ្នាំចំនួន៥រូប(ស្រីម្នាក់)នឹងចូលរួមប្រជែងក្នុងព្រឹតិ្តការណ៍ប្រកួតដណ្តើមជើងឯកយុវជនអាស៊ីអាគ្នេយ៍លើកទី១៧ នៅទីក្រុងហាណូយ ប្រទេសវៀតណាម នាថ្ងៃទី២ ខែមិថុនា ខាងមុខ។ កម្ពុជាធ្លាប់ចូលរួមក្នុងព្រឹត្តិការណ៍នេះ៣ លើករួចមកហើយ ប៉ុន្តែពុំទទួលបានលទ្ធផលល្អនោះទេ តែសម្រាប់លើកនេះសហព័ន្ធសង្ឃឹមយ៉ាងមុតមាំថា កម្ពុជានឹងទទួលបានលទ្ធផល ព្រោះកីឡាករដែលគ្រោងបញ្ជូនទៅសុទ្ធសឹងជាកីឡាករដែលមានសមត្ថភាព។
លោក ប៉ែន វុទ្ធី អគ្គលេខាធិការសហព័ន្ធខ្មែរអត្តពលកម្មស្ម័គ្រចិត្តបានបញ្ជាក់ថា៖«កីឡាករដែលយើងគ្រោងនឹងបញ្ជូនទៅមាន៥នាក់ កីឡាករ៤ និងកីឡាការិនីម្នាក់ ព្រមទាំងថ្នាក់ដឹកនាំ២រូប។ នេះជាលើកទី៣ហើសសម្រាប់កម្ពុជាយើង ដោយការចូលរួមនាពេលកន្លងមកពុំទទួលបានមេដាយអ្វីនោះទេ ប៉ុន្តែសម្រាប់ការចូលរួមកាលពីលើកមុននៅថៃ យើងសង្កេតឃើញថា កម្រិតបច្ចេកទេសមានការកើនឡើង។ ហើយសម្រាប់លើកនេះយើងសង្ឃឹមថានឹងទទួលបានលទ្ធផលល្អ»។
គួរបញ្ជាក់ថា សហព័ន្ធខ្មែរអត្តពលកម្មស្ម័គ្រចិត្តកម្ពុជាទទួលបានសិទ្ធក្នុងការបញ្ជូនកីឡាករកីឡាការិនី ដើម្បីចូលរួមប្រកួតកីឡាអូឡាំពិកនៅទីក្រុងរីយ៉ូ ប្រទេសប្រេស៊ីលចំនួន២នាក់ គឺកីឡាករ NEKO ជនជាតិជប៉ុន សញ្ជាតិខ្មែរ ដែលបច្ចុប្បន្នកំពុងហ្វឹកហាត់នៅប្រទេសជប៉ុន និងអតីតកីឡាការិនីជម្រើស លី ណារី ដែលកំពុងហ្វឹកហាត់នៅប្រទេសកេនយ៉ា ដោយពួកគេទាំងពីរនឹងប្រកួតក្នុងរយៈចម្ងាយ៤២គីឡូម៉ែត្រ។ បច្ចុប្បន្នសហព័ន្ធខ្មែរអត្តពលកម្មស្ម័គ្រចិត្តកម្ពុជាមានក្លិប-សមាគម ជាសមាជិកចំនួន២៩ និងមានកីឡាករកីឡាការិនីជាង៣០០នាក់៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
អត្តពលកម្ម
ប៉ែន វុទ្ធី
ជើងឯកយុវជនអាស៊ី
វៀតណាម
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
5 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
1 សប្តាហ៍
«មជ្ឈការ»មានន័យខុសពី«វិមជ្ឈការ»ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
6 ថ្ងៃ
«ប្រេសិត»មានន័យដូចម្តេច?
5 ថ្ងៃ
អត្ថបទពេញនិយមបន្ថែម