ជាតិ
នយោបាយជាតិ
CNRP នឹងប្រកាសពីស្ថានការណ៍នយោបាយជារៀងរាល់ថ្ងៃ
× គណបក្សសង្គ្រោះជាតិ ចាប់ផ្តើមប្រកាសព័ត៌មានជារៀងរាលថ្ងៃ ដើម្បីឲ្យអ្នកគាំទ្ររបស់ខ្លួននិងសាធារណជន ដឹងពីបញ្ហានយោបាយនៅកម្ពុជា ស្រពពេលដែល សមត្ថកិច្ចប៉ុនប៉ង ចាប់ខ្លួន ឯកឧត្តម កឹម សុខា អនុប្រធានគណបក្សសង្គ្រោះជាតិ។
ខណៈដែលអ្នកគាំទ្ររបស់ខ្លួនបានប្រមូលផ្តុំគ្នានៅទីស្នាក់ការ ដើម្បីការពារឯកឧត្តម កឹម សុខា ពីការចាប់ខ្លួន គណបក្សសង្គ្រោះជាតិ ក៏ចាប់ផ្តើមផ្តល់ព័ត៌មានជុំវិញព្រឹត្តការណ៍នយោបាយដល់ពួកគេជារៀងរាល់ថ្ងៃ។ នេះបើតាមការអះអាងរបស់លោក យឹម សុវណ្ណ អ្នកនាំពាក្យគណបក្សសង្គ្រោះជាតិ ដែលបានថ្លែងប្រាប់សារព័ត៌មានថ្មីៗ ។
លោក លើកឡើងថា វាជាការងាយស្រួល ដើម្បីឲ្យអ្នកគាំទ្រទទួលបានព័ត៌មាន ទាក់ទងនឹងស្ថានភាពរបស់គណបក្សនិងការវិវត្តនយោបាយ នៅពេលដែលពូកគេជួបជុំគ្នានៅទីស្នាក់ការបែបនេះ។
ចាប់តាំងសមត្ថកិច្ចឡោមព័ន្ធរថយន្តរបស់ឯកឧត្តម កឹម សុខា ក្នុងគោលបំណងឃាត់ខ្លួនអនុប្រធានបក្សប្រឆាំងរូបនេះ ក្រោមបទចោទ «ការបដិសេធក្នុងការចូលខ្លួន» ដែលតុលាការចាត់ទុកថាជាបទល្មើសជាក់ស្តែង សកម្មជននិងអ្នកគាំទ្រ បាននាំគ្នាទៅជួបជុំ នៅទីស្នាក់ការគណបក្ស ជារៀងរាល់ថ្ងៃ។ ជាងនេះទៀត អ្នកគាំទ្រខ្លះ បានយកអង្រឹង កន្ទេល ខ្នើយ ទៅរៀបចំនៅទីស្នាក់ការគណបក្សតែម្តង ដើម្បីដេកការពារឯកឧត្តម កឹម សុខា ពីចាប់ខ្លួនរបស់សមត្ថកិច្ច៕
© រក្សាសិទ្ធិដោយ thmeythmey.com