ជាតិ
នយោបាយជាតិ
អាជ្ញាធរបិទផ្លូវរារាំងការដង្ហែញត្តិរបស់CNRP
× ខណៈដែលគណបក្សសង្គ្រោះជាតិ ត្រៀមដង្ហែញត្តិ និងស្នាមមេដៃប្រជាពលរដ្ឋដាក់ថ្វាយព្រះមហាក្សត្រនោះ កងកម្លាំងប្រដាប់អាវុធ និងអាជ្ញាធរ បានដាក់រនាំងបិទផ្លូវរារាំងមិនឲ្យមានការដង្ហែញត្តិនោះឡើយ។ ការរារាំងនេះធ្វើឡើងក្រោយពីសាលារាជធានីភ្នំពេញសម្រេចមិនអនុញ្ញាតឲ្យគណបក្សសង្រ្គោះជាតិ ដង្ហែញត្តិថ្វាយព្រះមហាក្សត្រនោះទេ។
បើតាមសេចក្ដីរាយការណ៍របស់អ្នកសារព័ត៌មានថ្មីៗ បានឲ្យដឹងថា កងកម្លាំងប្រដាប់អាវុធមានគ្នាជាង១០០នាក់ បានបិទផ្លូវរារាំងមិនឲ្យមានការហែក្បួននោះទេ។ ការរារាំងនេះធ្វើឡើងក្រោយពីសាលារាជធានីភ្នំពេញ បដិសេធសេចក្ដីជូនដំណឹងរបស់គណបក្សសង្គ្រោះជាតិ ដែលសុំដង្ហែញត្តិថ្វាយព្រះមហាក្សត្រនេះ។
លិខិតសាលារាជធានីចុះថ្ងៃទី៣០ ឧសភា នេះបានបដិសេធថា ការដង្ហែញត្តិនេះពុំសមស្របតាមនីតិវិធី ច្បាប់ស្ដីពីការធ្វើបាតុកម្មដោយសន្តិវិធីត្រង់ជំពូក២ មាត្រា ។
អភិបាលរងរាជធានីភ្នំពេញលោក ឃួង ស្រេង បានបញ្ជាក់ថា ការដង្ហែក្បួនធ្វើឲ្យប៉ះពាល់ដល់សន្តិសុខ សុវត្ថិភាព សណ្ដាប់ធ្នាប់ របៀបរៀបរយសាធារណៈ និងការកកស្ទះចរាចរណ៍ ពិសេសប្រក្រតីភាពសម្រាប់ការរស់នៅរបស់ប្រជាពលរដ្ឋ។ លោក ឃួង ស្រេង បន្ថែមថា ដើម្បីបញ្ចៀសបាននូវការប៉ះទង្គិចរវាងក្រុមអ្នកគាំទ្រ ឲ្យមានការអនុវត្តច្បាប់ និងក្រុមអ្នកងឲដង្ហែញត្តិរបស់គណបក្សសង្គ្រោះជាតិ រដ្ឋបាលសាលារាជធានីភ្នំពេញសម្រេចមិនអនុញ្ញាតឲ្យមានក្រុមណាមួយជួបជុំ និងដង្ហែក្បួននោះទេ ។
តែយ៉ាងណាមន្ត្រីជាន់ខ្ពស់គណបក្សសង្គ្រោះជាតិ អះអាងថា បើទោះជាមានការរារាំងក្ដី តែគណបក្សនៅតែបន្តការដង្ហែញត្តិដាក់ថ្វាយព្រះមហាក្សត្រដដែល៕
© រក្សាសិទ្ធិដោយ thmeythmey.com