ពីនេះ ពីនោះ
×
ដោយប៉ាកកាខ្មៅ
កំណាព្យបទ គោព័ទ្ធស្នឹង
-១មិថុនាចារតាមចាំ ចាំរឿងរងកម្មនៃក្មេងខ្លះ
ខ្លះត្រូវធ្វើការគ្រោះថ្នាក់ណាស់ ណាស់ណាមានខ្លះប៉ះរាងកាយ។
-កាយត្រូវរែកពុនធ្ងន់ហួសហេតុ ហេតុហូបមិនឆ្អែតរើសអេតចាយ
ចាយរាងស្លេកស្លាំងព្រោះអត់បាយ បាយបានខ្វល់ខ្វាយរឿងជួយម៉ែ។
-ម៉ែពុកទុក្ខធំព្រោះក្រីក្រ ក្រកូនជាន់កអត់ដីស្រែ
ស្រែធ្វើមិនកើតអាកាសប្រែ ប្រែរាំងខុសខែស្រែស្រូវខូច។
-ខូចខ្លួនក្មេងខ្លះប៉ះឪកាច កាចកាងអំណាចគ្មានគេដូច
ដូចពាលទំនើងភ្លេចកូនតូច តូចក្មេងខ្លះខូចព្រោះឪចុង។
-ចុងក្រោយក្មេងខ្លះខ្វះសិក្សា សារគួររដ្ឋារៀបចំប្រុង
ប្រុងប្រៀបអប់រំទាំងស្រែក្រុង ក្រុងគ្រងបម្រុងក្មេងគ្រប់គ្នា។
-គ្នាក្មេងសេចក្តីគ្មានអ្វីអាង អាងព្រេងសំណាងចាស់ជួយគ្រា
គ្រានៅក្មេងខ្ចីក្រេបវិជ្ជា ជាឈ្នាន់ជាន់លាគ្រាគ្រោះភ័យ៕
© រក្សាសិទ្ធិដោយ thmeythmey.com