ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
បទយកការណ៍ / បទសម្ភាសន៍
ដាំបន្លែធម្មតានៅគេហដ្ឋាន តែក្រោយមក ក្លាយជាជំនួញខ្នាតតូចរកប្រាក់បានច្រើន
26, Jun 2016 ,
8:19 pm
រូបភាព
×
ដោយ:
ញឹក ស្រីល័ក្ខ (Nhek Sreyleak)
ភ្នំពេញ៖ អ្នកស្រី ម្លិះ ណារ៉ុន ជាអតីតអាជីវករលក់សម្ភារៈសិក្សាក្នុងវិទ្យាល័យមួយក្នុងរាជធានីភ្នំពេញ។ អ្នកស្រី ណារ៉ុន បានបង្ខំចិត្តឈប់ប្រកបរបរលក់សម្ភារៈសិក្សា ដោយសារតែរវល់មើលថែរក្សាចៅតូចៗ។ ក្រោយមក អ្នកស្រីបានសម្រេចចិត្តដាំដំណាំបន្តិចបន្តួចនៅក្នុងផ្ទះ ដើម្បីទទួលទានក្នុងគ្រួសារ។ អ្នកស្រីបានពង្រីកការដាំដំណាំកាន់តែច្រើន ដោយសារតែមានអតិថិជនចាប់អារម្មណ៍ និងបញ្ជាទិញបន្លែដែលគ្មានជាតិគីមីពីអ្នកស្រីកាន់តែច្រើន។ ថ្ងៃចុងសប្តាហ៍អ្នកស្រីអាចរកប្រាក់ចំណូលបានដល់១០ម៉ឺនរៀល។
ខុសពីគេហដ្ឋានអ្នកដទៃទៀត ផ្ទះល្វែងរបស់អ្នកស្រី ម្លិះ ណារ៉ុន នៅទីក្រុងភ្នំពេញស្ទើរតែក្លាយទៅជាកសិដ្ឋានដាំបន្លែធម្មជាតិទៅហើយ។ ជាគេហដ្ឋានមួយមានភាពស្រស់ស្អាត សិត្ថនៅក្នុងភូមិដីថ្មី សង្កាត់ភ្នំពេញថ្មី ខណ្ឌសែនសុខនោះ បន្លែក្នុងផើង ធុង និងកំប៉ុងឬកេស បានបង្ហាញវត្តមានទៅកាន់អ្នកធ្វើដំណើរទាំងឡាយដែលជាអតិថិជនប្រចាំរបស់អ្នកស្រី ម្លិះ ណារ៉ុន។
មុនដំបូងឡើយ អ្នកស្រីដាំគ្រាន់តែពិសាខ្លួនឯងប៉ុណ្ណោះ។ ប៉ុន្តែ បន្ថិចម្តងៗកិច្ចការតូចតាចរបស់អ្នកស្រីបានក្លាយទៅជាជំនួញខ្នាតតូចដោយសារតែការព្យាយាមរបស់អ្នកស្រី និងតម្រូវការរបស់អតិថិជនទាំងឡាយដែលឃើញអ្នកស្រីដាំតាមបែបធម្មជាតិសុទ្ធសាធ។
ស្ថិតក្នុងវ័យ៥៥ឆ្នាំ អង្គុយនៅក្បែររងបន្លែ អ្នកស្រី ណារ៉ុន បានប្រាប់ឲ្យដឹងថា៖«ខ្ញុំគិតថា បន្លែសព្វថ្ងៃសម្បូរទៅដោយជាតិគីមីច្រើនពេក។ ដូច្នេះហើយ វាធ្វើអោយខ្ញុំព្រួយបារម្ភពីសុខភាព ហើយខ្ញុំក៏ដាំបន្តិចបន្តួច នៅខាងមុខផ្ទះ ដើម្បីកាត់បន្ថយការញ៉ាំបន្លែគីមី»។
កំពុងអង្គុយថែទាំបន្លែជាច្រើននៅខាងមុខផ្ទះ អ្នកស្រី ណារ៉ុន បាននិយាយបន្តទៀតថា៖«មុនដំបូង មិនមានគំនិតដាំដើម្បីលក់នោះទេ គ្រាន់តែចង់ដាំហូបតែប៉ុណ្ណោះ។ ប៉ុន្តែដោយសារការថែទាំធ្វើឲ្យបន្លែល្អ ស្រាប់តែមានអ្នកសុំទិញបន្លែនោះជាច្រើន។ មានអ្នកទិញទាំងផើងដើម្បីយកទៅដាំទៀតផង»។
បន្លែដែលអ្នកស្រីដាំ គ្មានជាតិគីមីទាល់តែសោះ ព្រោះអ្នកស្រីដាំតាមបែបធម្មជាតិដោយគ្រាន់តែដាក់ជីលាមកគោ ដីទន្លេ និងស្រោចទឹកតែប៉ុណ្ណោះ មិនបានលាយសារធាតុគីមីអ្វីឡើយ។
ក្រៅពីលក់បន្លែ អ្នកស្រី ម្លិះ ណារ៉ុន ក៏មានគំនិតលក់គ្រាប់ពូជផងដែរ។ ការប្រកបរបរបែបនេះ បានធ្វើអោយអ្នកស្រីមានជីវភាពសមរម្យ។ ការតស៊ូព្យាយាម គង់បានសម្រេច។ គ្រាន់តែក្នុងរយៈពេលមួយឆ្នាំប៉ុណ្ណោះ អ្នកស្រីទទួលបានការគាំទ្រយ៉ាងច្រើន ជាពិសេស នៅចុងសប្តាហ៍។ អ្នកស្រីអាចរកចំណូលបានជាង១០ម៉ឺនរៀលក្នុងមួយថ្ងៃ សម្រាប់ថ្ងៃចុងសប្ដាហ៍ ព្រោះមានអតិថិជនខ្លះទិញទាំងផើង និងទិញទាំងបន្លែ។ បើនៅថ្ងៃធម្មតាវិញ អ្នកស្រីអាចរកចំណូលពី២ម៉ឺនទៅ៥ម៉ឺនរៀលក្នុងមួយថ្ងៃ។ ទោះបីមិនមានទីធ្លាធំទូលាយសម្រាប់ដាំក៏ដោយ ក៏អ្នកស្រីនៅតែខំប្រឹងដាំក្នុងផើង ក្នុងធុង និងក្នុងកំប៉ុងម្សៅទឹកដោះ។ល។
សម្រាប់បន្លែដែលអ្នកស្រីដាំ ជារួមមាន៖ សាឡាត ខាត់ណា ស្ពៃខៀវ ស្ពៃចង្កឹះ ត្រកួនចិន ពោតបារាំង គល់ស្លឹកគ្រៃ ផ្ទីជាដើម។ អ្នកស្រី ណារ៉ុន បានប្រាប់ឲ្យដឹងថា៖«តាមពិតទៅមកពីការស្រលាញ់ ហើយទំនេរផង។ ការដាំនេះ ដូចជា ការហាត់ប្រាណផងដែរ ព្រោះត្រូវស្រោចក្នុងមួយថ្ងៃ៣ដង ព្រឹកម្ដង រសៀលម្ដង និងល្ងាចម្ដងទៀត។ ហើយការដាំដោយខ្លួនឯងស្រួលជាងទៅទិញគេ ព្រោះគ្មានភ័យរឿងប៉ះពាល់ដល់សុខភាព»។
អ្នកស្រី ម្លិះ ណារ៉ុន ហាក់ទទួលបានជោគជ័យក្នុងការដាំដំណាំ ព្រោះមានអតិថិជនច្រើនគួរសម។ អ្នកស្រីនឹងបន្តដាំបន្ថែមទៀត បើទោះបីជាគ្មានអ្នកជំនាញផ្នែកកសិកម្មជួយក៏ដោយ។ ជាងនេះទៅទៀត បន្លែធម្មជាតិគ្មានជាតិគីមីរបស់អ្នកស្រីអាចលក់បានថ្លៃទៀតផង ពោល គឺសាឡាត់របស់អ្នកស្រីអាចលក់បាន២ម៉ឺនរៀលក្នុងមួយគីឡូក្រាមដែលសាឡាត់ធម្មតាអាចលក់បានក្នុងតម្លៃទាបជាងនេះច្រើន។
ជារៀងរាល់ថ្ងៃនេះ ទទួលបានប្រាក់ចំណូលជារឿងមួយ តែអ្វីដែលអ្នកស្រី ម្លិះ ណារ៉ុន សប្បាយចិត្តកាន់តែខ្លាំងនោះ គឺអ្នកស្រីបានឃើញបន្លែអ្នកស្រីដុះល្អខៀវខ្ចី គ្មានជាតិគីមី និងមានអ្នកគាំទ្រច្រើន៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
បន្លែ
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
6 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
1 សប្តាហ៍
«មជ្ឈការ»មានន័យខុសពី«វិមជ្ឈការ»ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
6 ថ្ងៃ
«ប្រេសិត»មានន័យដូចម្តេច?
5 ថ្ងៃ
អត្ថបទពេញនិយមបន្ថែម