សូមទំនាក់ទំនងផ្សព្វផ្សាយពាណិជ្ជកម្ម : 012 900 132 - 010 299 377
ទស្សនៈ ៖ អនុវត្ត​ខ្លួនឯង​ជាមុនសិន មុននឹង​ទូន្មាន​អ្នកដទៃ!
(ចុះ​ផ្សាយ​នៅ​ថ្ងៃ   09-11-2013, 3:09 pm) |  ដោយ : គី សុខ​លីម           350
រូបភាព
ភ្នំពេញ ៖ ពុករលួយ បក្សពួកនិយម ភាពមិនស្មោះត្រង់​ត្រូវបាន​មនុស្ស​គ្រប់គ្នា​និយាយថា ស្អប់ខ្ពើម​វា​ណាស់។ ប៉ុន្តែ​អំពើ​នេះ​នៅតែ​បន្ត​កើតមាន​ដដែល។ តើ​នេះ​បណ្តាលមកពី​មូលហេតុ​អ្វី?

អ្នកណា​ក៏​ស្អប់​អំពើពុករលួយ ហើយ​ស្រែកឡូងៗថា ចង់​បំបាត់​វា​ដែរ។ អ្នកណា​ក៏​ស្អប់​ហើយ​ឈឺចាប់​នឹង​ទង្វើ​បក្សពួកនិយម​ដែរ។ គ្មាន​នរណាម្នាក់​មិនត្រូវ​ការ​ភាពស្មោះត្រង់​នោះទេ ប៉ុន្តែ​ចុះ​ហេតុអ្វី​បាន​គេ​មិនអាច​លុបបំបាត់​ឬ​កាត់បន្ថយ សកម្មភាព​ទាំងនេះ​បាន​នៅក្នុង​សង្គម​ខ្មែរ?

ជាការ​ពិត វា​មិនមែនជា​ការងាយស្រួល​ប៉ុន្មាន​ទេ​ដែល​សង្គម​មួយ​ត្រូវ​ប្រយុទ្ធ​ប្រឆាំងនឹង​អំពើពុករលួយ គំនិត​បក្សពួកនិយម ឬ​ប្រឆាំងនឹង​ភាពមិនស្មោះត្រង់​នោះ ពីព្រោះ ទង្វើ​នេះ​វា​បាន​កើតមក និង​កប់​នៅក្នុង​ខ្លួន​មនុស្សម្នាក់ៗ តាំងពី​ពេលដែល​ពួកគេ​មានកំណើត​មកម្ល៉េះ។ ភាព​ចង់​មានបាន គំនិត​ស្រឡាញ់​គ្នាឯង​ជាង​គ្នា​គេ ភាពមិនស្មោះត្រង់១០០%នៅក្នុង​ខ្លួន អាច​ត្រូវ​កាត់បន្ថយ​បាន តាមរយៈ​ការបណ្តុះបណ្តាល ឬ​តាមរយៈ​សំណាញ់​ច្បាប់។

ម្យ៉ាងទៀត កត្តា​ដែល​អាច​កាត់បន្ថយ​ទង្វើ​ទាំងអស់នេះ​បានល្អ​បំផុត​នោះ គឺ​មនុស្ស​គ្រប់រូប​ដែល​ប្រកាសថា ខ្លួន​ស្អប់ខ្ពើម​សកម្មភាព​អាក្រក់​ទាំងនេះ ត្រូវតែមាន​ភាពស្មោះត្រង់​ពិតប្រាកដ​ចេញពី​បេះដូង ពោលគឺ​ចៀសវាង ការ​ស្រែកកោកៗ ប្រឆាំង​អំពើពុករលួយ ស្អប់ខ្ពើម​ទង្វើ​បក្សពួកនិយម ស្អប់ខ្ពើម​សកម្ម​ភាពមិនស្មោះត្រង់ តែ​ព្រម​ពេល​ជាមួយគ្នា ខ្លួនឯង​ផ្ទាល់​បែរជា​ប្រព្រឹត្តិ​អំពើ​ទាំងនេះ​ទៅវិញ។

ឧទាហរណ៍​ជាក់ស្តែង​នាពេល​កន្លងមក​បានបង្ហាញ​ថា អង្គការ​ខ្លះ ក្រុមហ៊ុន​ខ្លះ និង​ក្រសួង​មន្ទីរ​ខ្លះ ជ្រើសរើស​តែ​កូនចៅ និង​បក្សពួក​របស់ខ្លួន​តែប៉ុណ្ណោះ។
សរុបសេចក្តី​មក ដើម្បី​លុបបំបាត់​អំពើ​ទាំងបី​ខាងលើនេះ​ប្រកបដោយ​ប្រសិទ្ធិភាព អ្នក​ស្រែក អ្នក​ស្អប់ អំពើ​មិនល្អ​នេះ ត្រូវ​សម្អាត​ខ្លួនឯង​ជាមុនសិន។ អ្នក​ស្តីបន្ទោស​គេ ត្រូវ​ក្រឡេកមើល​ខ្លួនឯង​ជាមុនសិន ហើយ​ចោទ​ជា​សំណួរ​ថា តើ​ខ្លួនឯងបាន​សម្អាត​ខ្លួនឯង បាន​ស្អាត​ហើយ​ឬ​នៅ? ៕

   រក្សាសិទ្ធិដោយ thmeythmey.com  
ព័ត៌មានចម្រុះ
រហូតមកដល់​ម៉ោង១១យប់​ទៅហើយ តែ​អគ្គលេខាធិការរង គ.ជ.ប លោក នី ចរិយា និង​មន្ត្រី​សមាគម​ការពារ​សិទ្ធិមនុស្ស​អាដហុក៤រូប​ទៀត ដែល​ចូលខ្លួន​ឆ្លើយបំភ្លឺ​នៅក្នុង​អង្គភាព​ប្រឆាំង​អំពើពុករលួយ តាំងពីព្រឹក​ថ្ងៃទី២៨ មេសា នេះ ដែល​ទាក់ទង​នឹង​ករណី​កញ្ញា ខុម ចាន់​ដា​រ៉ា​ទី ហៅ ស្រីមុំ​នោះ មិនទាន់បាន​ចាកចេញ​ពី​ស្ថាប័ន​នេះ​នៅឡើយ​ទេ។
3 hrs - 1220
​សន្និសីទ​ស្តីពី​សន្តិសុខ​អន្តរជាតិ​លើក​ទី​៥​នៅ​ទីក្រុង​ម៉ូស្គូ បានចាប់ផ្តើម​ឡើង​នៅ​ថ្ងៃ ពុធ ទី ២៧ មេសា​ម្សិលមិញ​នេះ​។ មុន​សន្និសីទ​ចាប់ផ្តើម  រុស្ស៊ី​បាន​លើក​ជា​គំនិត​ក្នុង​ការបង្កើត​ប្រព័ន្ធ​សន្តិសុខ​សមូហភាព​ក្នុង​តំបន់​អាស៊ី​ប៉ាស៊ីហ្វិក​។ គំនិត​ផ្តួចផ្តើម​នេះ​ត្រូវបាន​គេ​ចាត់ទុកថា ជា​យន្តការ​សំខាន់​សម្រាប់​ដោះស្រាយ​និង​ធានា​សន្តិសុខ​តំបន់​ទាំងមូល​ផង​។ ហើយ​ម្សិលមិញ​នេះ ក្នុង​កិច្ចប្រជុំ​រដ្ឋមន្ត្រីការបរទេស រុស្ស៊ី​បាន​ឆ្លៀតឱកាស​ស្នើ​ឲ្យ​កូរ៉េខាងជើង​បញ្ចប់​មហិច្ឆតា​ដើម្បី​ក្លាយជា​មហាអំណាច​នុយក្លេអ៊ែរ ព្រោះ​វា​បានក្លាយ​ជា​លេស​មួយ​ដែល​ប្រទេសមួយ​ចំនួន​ប​ប្រើប្រាស់​ក្នុងការ​បង្កើន​សកម្មភាព​យោធា​នៅ​តំបន់​អាស៊ី​ផង​។ ក្រៅពីនេះ ភាគី​រុស្ស៊ី​បាន​ឆ្លៀត​ស្នើ​ឲ្យ មានការ​បង្កើត​សម្ព័ន្ធ​ធំ​មួយ​ប្រឆាំង​ភេរវកម្ម ដែល​ធ្វើ​សកម្មភាព​ក្រោម​ស្លាក​អង្គការសហប្រជាជាតិ និង​ផ្អែកលើ​ច្បាប់​អន្តរជាតិ​ផង​។​
4 hrs - 216
​ប្រជាពលរដ្ឋនៅក្នុង​រាជធានី​ភ្នំពេញ នឹងមិន​ប្រឈម​នឹងមិន​ខ្វះ​ទឹកស្អាត​ប្រើប្រាស់​ប្រចាំថ្ងៃ​ឡើយ  ខណៈ បញ្ហា​កង្វះ​ទឹក បាន​វាយប្រហារ​បណ្តា​ខេត្ត​នានា​នៅ​កម្ពុជា និង​ជា​ក្តីបារម្ភ​របស់​រដ្ឋាភិបាល​ផង​នោះ​។ មិន​ខ្វះ​ទឹក​ក៏ពិតមែន ប៉ុន្តែ​បើតាម​លោក ស៊ឹម ស៊ីថា អគ្គនាយក​នៃ​រដ្ឋាករទឹក​ស្វយ័ត​ក្រុងភ្នំពេញ តំបន់​មួយចំនួន​ដែល​ស្ថិតនៅ​ចុង​បណ្តាញ​នៃ​ការផ្គត់ផ្គង់​របស់ PPWSA នឹងមាន​សម្ពាធ​ទឹក​ខ្សោយ​ជាង​ធម្មតា​។
5 hrs - 246
​តំណាង​រដ្ឋាភិបាល​អ៊ីរ៉ង់​ថា ខ្លួន​នឹង​ប្រឹងប្រែង​បង្កើន​សមត្ថភាព​ការពារជាតិ​ដោយ​ពង្រឹងសមត្ថភាព​ប្រព័ន្ធ​មី​ស៊ី​ល​ទប់ទល់​ការគំរាមកំហែង​សន្តិសុខ​ពី​ខាងក្រៅ​។ អ៊ីរ៉ង់​អះអាងថា ខ្លួន​មាន​សិទ្ធិ​ពេញលេញ​និង​ចាំបាច់​ត្រូវ​ត្រៀមលក្ខណៈ​ការពារ​ខ្លួន​ដើម្បី​រួចផុត​ពី​ការគំរាមកំហែង​នៃ​ចលនា​ភេរវកម្ម​ដែល​គាំទ្រ​ដោយ​អ៊ីស្រាអែល អាមេរិក​និង​សត្រូវ​អ៊ីរ៉ង់​ផ្សេងទៀត​។
5 hrs - 258
​ភ្នំពេញ​៖ បើ​គ្មានអ្វី​ប្រែប្រួល​ទេ គម្រោង​ធ្វើ​ផ្លូវ​កាត់​វិហារ​បឹងកក់ ដែលជា​គម្រោង​អភិវឌ្ឍន៍​តំបន់​បឹងកក់ ត​ភា្ជ​ប់​ពី​ទួលគោក មក​មហាវិថី​ព្រះមុនីវង្ស នឹង​ចាប់ផ្តើម​ដំណើរ​ក្នុងពេល​ឆាប់ៗ​ខាងមុខនេះ​។ មន្ត្រី​នៃ​សាលា​រាជធានី​ភ្នំពេញ បាន​ប្រាប់​សារព័ត៌មាន​ថ្មីៗ​នៅ​រសៀល​នេះ​ថា គម្រោង​ធ្វើ​ផ្លូវ R4 ពុះ​កាត់​ជញ្ជាំង​វិហារ​ឥស្លាម​បឹងកក់​នេះ មានការ​ឯកភាព​ពី​អ្នកកាន់កាប់​ដី​វិហារ​រួចហើយ ក្នុងនោះ​មាន​លោក អូស្មាន ហាស្សាន់ និង​លោក វ៉ាន់ ម៉ាត់ សមាជិក​ព្រឹទ្ធសភា និង​ជា​ប្រធាន​សមាគម​ខ្មែរឥស្លាម​កម្ពុជា​។​
5 hrs - 1502
សម្ភាសន៍
prev12345...2829next
ចំនួនអ្នកចូលទស្សនា
​​​​​​​​​​
  ថ្ងៃនេះ 22,399 
  ចូលអានអត្ថបទថ្ងៃនេះ 26,833 
  ពីម្សិលមិញ 240,974 
  ចូលអានអត្ថបទម្សិលមិញ 274,840 
  ខែមុន 6,836,168 
  សរុបក្នុងឆ្នាំ២០១៦ 24,008,442 
ថ្មីៗចាប់ផ្តើមដំណើរការ ថ្ងៃទី ០១ ខែ មេសា ឆ្នាំ ២០១២