ក្រូចថ្លុងកោះទ្រង់តែ១២៥ដើម ផ្តល់ចំណូលឲ្យម្ចាស់៥០០០ដុល្លារក្នុងមួយរដូវ

ជាតិ

បទសម្ភាសន៍

វីដេអូ

ក្រូចថ្លុងកោះទ្រង់តែ១២៥ដើម ផ្តល់ចំណូលឲ្យម្ចាស់៥០០០ដុល្លារក្នុងមួយរដូវ

19, Oct 2018 , 9:25 am

រូបភាព

ដោយ: ញឹក ស្រីល័ក្ខ (Nhek Sreyleak)

ក្រចេះ៖ អ្នកស្រី សាត់ ចាន់រី ជាម្ចាស់ចម្ការក្រូចថ្លុង នៅសង្កាត់កោះទ្រង់ ក្រុងក្រចេះ ខេត្តក្រចេះ ដែលល្បីល្បាញពីរសជាតិឆ្ងាញ់ និងមានតម្លៃថ្លៃជាងក្រូចថ្លុងនៅតំបន់ផ្សេង។ តាមអ្នកស្រី ចាន់រី ក្រូចថ្លុងកោះទ្រង់ អាចលក់បានថ្លៃ ពី៨ពាន់រៀល ទៅ១ម៉ឺនរៀល ក្នុងមួយផ្លែ។ គ្រាន់តែចម្ការក្រូចថ្លុងរបស់អ្នកស្រី ចាន់រី តែមួយ ដែលមានក្រូចថ្លុងចំនួន១២៥ដើម ផ្តល់ចំណូលប្រមាណ ៥០០០ដុល្លារឯណោះក្នុងមួយរដូវ។

កោះទ្រង់ ជាតំបន់មួយដែលមានសក្ដានុពលទេសចរណ៍ធម្មជាតិ និងមានអំណោយផលសម្រាប់ដំណាំក្រូចថ្លុង។ ក្រូចថ្លុងកោះទ្រង់ មានតម្លៃថ្លៃ ព្រោះតែភាពល្បីល្បាញថាមានរសជាតិឆ្ងាញ់ប្លែកពីតំបន់ដទៃក្នុងប្រទេសកម្ពុជា ហើយកាលពីខែមិថុនា ឆ្នាំ២០១៨កន្លងទៅ ក្រសួងពាណិជ្ជកម្មបានផ្តល់ម៉ាកសម្គាល់ភូមិសាស្ត្រទំនិញ «ក្រូចថ្លុងកោះទ្រង់»នេះផងដែរ។ អ្នកស្រី សាត់ ចាន់រី ម្ចាស់ចម្ការក្រូចថ្លុងនៅភូមិក្បាលកោះ សង្កាត់កោះទ្រង់ បានប្រាប់ឲ្យដឹងថា ពូជក្រូចថ្លុងនៅទីនេះ មានតាំងពីដូនតាមក ហើយវាមានសាច់ពណ៌ផ្កាឈូក។ ក្នុងចម្ការរបស់ស្ត្រីរូបនេះ មានក្រូចថ្លុង ចំនួន១២៥ដើម ហើយក្នុងមួយដើមក្រូចថ្លុង ផ្តល់ផលពី ៣០ ទៅ ១០០ផ្លែ។ អ្នកស្រី សាត់ ចាន់រី អះអាងថា ក្រូចថ្លុងនេះ តែងផ្តល់ចំណូលដល់គាត់ប្រមាណ ៥០០០ដុល្លារក្នុងមួយរដូវ។ អ្នកស្រី ចាន់រី បញ្ជាក់ដូច្នេះ៖«ក្នុងមួយឆ្នាំ អាចរកចំណូលបាន ៥០០០ដុល្លារ ពីដំណាំក្រូចថ្លុងនេះ»។

ដើម្បីជ្រាបច្បាស់ សូមអញ្ជើញទស្សនាបទសម្ភាសរវាងកញ្ញា ញឹក ស្រីល័ក្ខ អ្នកយកព័ត៌មាននៃសារព័ត៌មានថ្មីៗ ជាមួយអ្នកស្រី ចាន់រី ម្ចាស់ចម្ការក្រូចថ្លុង នៅកោះទ្រង់ ខេត្តក្រចេះដូចតទៅ៖

អត្ថបទទាក់ទង

ក្រសួងពាណិជ្ជកម្ម បង្កើតម៉ាកសម្គាល់ «ក្រូចថ្លុងកោះទ្រង់»