រដ្ឋបាលខេត្តស្ទឹងត្រែងប្រាប់ឲ្យពលរដ្ឋប្រុងប្រយ័ត្ន ខណៈទឹកឡើងហួសកម្រិតប្រកាសអាសន្ន

ជាតិ

រដ្ឋបាលខេត្តស្ទឹងត្រែងប្រាប់ឲ្យពលរដ្ឋប្រុងប្រយ័ត្ន ខណៈទឹកឡើងហួសកម្រិតប្រកាសអាសន្ន

31, Jul 2018 , 11:34 am

រូបភាព

រូបភាពហ្វេសប៊ុករដ្ឋបាលចេត្តស្ទឹងត្រែង

ដោយ:

ស្ទឹងត្រែង៖ ស្របពេលដែលទឹកទន្លេកំពុង់ហក់ឡើង រដ្ឋបាលខេត្តស្ទឹងត្រែង បានជូនដំណឹងដល់ប្រជាពលរដ្ឋដែលរស់នៅ និងប្រកបមុខរបរតាមដងទន្លេមេគង្គ និងទន្លេកុង ពលរដ្ឋនៅតាមតំបន់ទំនាបនានា ក៏ដូចជាសាធារណជនទូទៅ ត្រូវប្រុងប្រយ័ត្នខ្ពស់។ ការប្រុងប្រយ័ត្ននេះ គឺដើម្បីធានាបានការការពារសន្តិសុខ សុវត្ថិភាព និងធានាដល់ការគ្រប់គ្រងទ្រព្យសម្បត្តិ ត្រៀមបង្ការផលប៉ះពាល់ដល់ពួកគាត់។

ទន្ទឹមនឹងប្រាប់ឲ្យពលរដ្ឋប្រុងប្រយ័ត្ន រដ្ឋបាលខេត្តស្ទឹងត្រែង នៅថ្ងៃទី៣០ ខែកក្កដា ក៏បានស្នើទៅអាជ្ញាធរមានសមត្ថកិច្ចគ្រប់ផ្នែកទាំងអស់ ឱ្យដាក់ចេញផែនការត្រៀមបង្ការ និងអន្តរាគមន៍សង្គ្រោះប្រជាពលរដ្ឋ ឱ្យទាន់ពេលវេលា ករណីមានផលប៉ះពាល់ដោយគ្រោះធម្មជាតិណាមួយកើតឡើង។

បើតាមក្រសួងធនធានទឹក និងឧតុនិយម គិតត្រឹមម៉ោង៧ព្រឹកថ្ងៃទី៣១ ខែកក្កដានេះ ទឹកទន្លេមេគង្គក្នុងខេត្តស្ទឹងត្រែង បានកើនឡើងដល់កម្ពស់១០,៨៤ម៉ែត្រ លើសកម្រិតប្រកាសឱ្យប្រុងប្រយ័ត្ន(១០,៧០ម៉ែត្រ) ហើយតំបន់ទំនាបមួយចំនួននៅតាមដងទន្លេ ក៏ត្រូវបានទឹកលិចចូលជាបន្តបន្ទាប់ដែរ៕

អត្ថបទទាក់ទង

៣ថ្ងៃទៀត ទឹកជំនន់ទន្លេមេគង្គលើ នឹងហក់ឡើងខ្លាំង ដែលត្រូវប្រុងប្រយ័ត្ន