ជាតិ
រដ្ឋាភិបាល ចំណាយថវិកាជាង៣លានដុល្លារ ដល់កម្មការិនីសម្រាលកូនជាង៣ម៉ឺននាក់ ក្នុងរយៈពេល៧ខែ
រូបភាពបានពីហ្វេសប៊ុក សម្តេច ហ៊ុន សែន
×![]()
កំពង់ស្ពឺ៖ គិតត្រឹមថ្ងៃទី៧ សីហានេះ រដ្ឋាភិបាល បានចំណាយថវិកា១៤ពាន់លានរៀល (ជាង៣,៤លានដុល្លារអាមេរិក) សម្រាប់ជួយឧបត្ថម្ភដល់កម្មការិនីសម្រាលកូនទូទាំងប្រទេស។
រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ លោក អ៊ិត សំហេង បាននិយាយថា មកដល់ពេលនេះ មានកម្មការិនីសម្រាលកូនជាង ៣៤,០០០នាក់ហើយ ដែលបានទទួលប្រាក់ឧបត្ថម្ភពីរដ្ឋាភិបាល។ ក្រៅពីសម្រាលកូនរួច កម្មការិនីអាចឈប់សម្រាកបាន៣ខែ ជាមួយនឹង ប្រាក់ខែ១២០ភាគរយ ពីម្ចាស់រោងចក្រ តាមរយៈគោលនយោបាយរដ្ឋាភិបាលផង។
បើតាមលោក អ៊ិត សំហេង កម្មករ និយោជិក ទៅពិនិត្យសុខភាពដោយមិនបាច់បង់ប្រាក់ រួមទាំងការបង់វិភាគទានលើរបបសន្តិសុខសង្គមផ្នែកថែទាំសុខភាព ក៏ជាភារកិច្ចរបស់និយោជក ឬថៅកែរោងចក្រ ជាអ្នកចេញថវិកាជំនួសដែរ។ នេះជារបាយការណ៍របស់រដ្ឋមន្ត្រីក្រសួងការងារ ថ្លែងប្រាប់សម្ដេច ហ៊ុន សែន នៅក្នុងពិធីជួបសំណេះសំណាលកម្មកររោងចក្រជិត២ម៉ឺននាក់ នៅខេត្តកំពង់ស្ពឺ។
សូមស្ដាប់សំឡេង៖
តាមគោលការណ៍កំណត់របស់រដ្ឋាភិបាល ដែលសន្យាផ្ដល់ថវិកា៤០ម៉ឺនរៀល សម្រាប់ស្ត្រីដែលសម្រាលកូនបាន១នាក់ ថវិកា៨០ម៉ឺនរៀលសម្រាប់ស្ត្រីសម្រាលបានកូនភ្លោះ និងទឹកប្រាក់១២០ម៉ឺនរៀល សម្រាប់កូនភ្លោះបីនាក់។ ប៉ុន្តែមកដល់ពេលនេះ មិនទាន់មានកម្មការិនី បង្កើតបានកូនភ្លោះបីនាក់នៅឡើយទេ។ រដ្ឋាភិបាលបានត្រៀមកញ្ចប់ថវិកា ១០លានដុល្លារក្នុងមួយឆ្នាំ សម្រាប់កម្មការិនីសម្រាលកូនទូទាំងប្រទេស។ នេះបើតាមសម្ដេចនាយករដ្ឋមន្ត្រី ហ៊ុន សែន។
កន្លងមករដ្ឋាភិបាល បានដាក់ចេញគោលនយោបាយចំនួន៩ចំណុច ក្នុងជួយដោះស្រាយបញ្ហាកម្មករ រួមមាន ការដំឡើងប្រាក់ខែ, ដោះស្រាយបញ្ហាថ្លៃឈ្នួលផ្ទះ, បញ្ហាថ្លៃទឹក-ភ្លើង , ប្រាក់សោធននិវត្ត និងដោះស្រាយបញ្ហាបន្ទាន់ នៅពេលដែលថៅកែរោងចក្ររត់ចោល ឬរោងចក្រក្ស័យធន បិទទ្វារជាដើម៕
រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ លោក អ៊ិត សំហេង បាននិយាយថា មកដល់ពេលនេះ មានកម្មការិនីសម្រាលកូនជាង ៣៤,០០០នាក់ហើយ ដែលបានទទួលប្រាក់ឧបត្ថម្ភពីរដ្ឋាភិបាល។ ក្រៅពីសម្រាលកូនរួច កម្មការិនីអាចឈប់សម្រាកបាន៣ខែ ជាមួយនឹង ប្រាក់ខែ១២០ភាគរយ ពីម្ចាស់រោងចក្រ តាមរយៈគោលនយោបាយរដ្ឋាភិបាលផង។
បើតាមលោក អ៊ិត សំហេង កម្មករ និយោជិក ទៅពិនិត្យសុខភាពដោយមិនបាច់បង់ប្រាក់ រួមទាំងការបង់វិភាគទានលើរបបសន្តិសុខសង្គមផ្នែកថែទាំសុខភាព ក៏ជាភារកិច្ចរបស់និយោជក ឬថៅកែរោងចក្រ ជាអ្នកចេញថវិកាជំនួសដែរ។ នេះជារបាយការណ៍របស់រដ្ឋមន្ត្រីក្រសួងការងារ ថ្លែងប្រាប់សម្ដេច ហ៊ុន សែន នៅក្នុងពិធីជួបសំណេះសំណាលកម្មកររោងចក្រជិត២ម៉ឺននាក់ នៅខេត្តកំពង់ស្ពឺ។
សូមស្ដាប់សំឡេង៖
តាមគោលការណ៍កំណត់របស់រដ្ឋាភិបាល ដែលសន្យាផ្ដល់ថវិកា៤០ម៉ឺនរៀល សម្រាប់ស្ត្រីដែលសម្រាលកូនបាន១នាក់ ថវិកា៨០ម៉ឺនរៀលសម្រាប់ស្ត្រីសម្រាលបានកូនភ្លោះ និងទឹកប្រាក់១២០ម៉ឺនរៀល សម្រាប់កូនភ្លោះបីនាក់។ ប៉ុន្តែមកដល់ពេលនេះ មិនទាន់មានកម្មការិនី បង្កើតបានកូនភ្លោះបីនាក់នៅឡើយទេ។ រដ្ឋាភិបាលបានត្រៀមកញ្ចប់ថវិកា ១០លានដុល្លារក្នុងមួយឆ្នាំ សម្រាប់កម្មការិនីសម្រាលកូនទូទាំងប្រទេស។ នេះបើតាមសម្ដេចនាយករដ្ឋមន្ត្រី ហ៊ុន សែន។
កន្លងមករដ្ឋាភិបាល បានដាក់ចេញគោលនយោបាយចំនួន៩ចំណុច ក្នុងជួយដោះស្រាយបញ្ហាកម្មករ រួមមាន ការដំឡើងប្រាក់ខែ, ដោះស្រាយបញ្ហាថ្លៃឈ្នួលផ្ទះ, បញ្ហាថ្លៃទឹក-ភ្លើង , ប្រាក់សោធននិវត្ត និងដោះស្រាយបញ្ហាបន្ទាន់ នៅពេលដែលថៅកែរោងចក្ររត់ចោល ឬរោងចក្រក្ស័យធន បិទទ្វារជាដើម៕
Tag:
កម្មការិនី
កំពង់ស្ពឺ
© រក្សាសិទ្ធិដោយ thmeythmey.com
