កំពត៖ ដោយសារលិចទឹក ក្រសួងដូរមណ្ឌលប្រឡងពីគរុកោសល្យខេត្តទៅវិទ្យាល័យឯកជនវឌ្ឍនវិជ្ជាវិញ

ជាតិ

បាក់ឌុប

២៥ខេត្ត/រាជធានី

កំពត៖ ដោយសារលិចទឹក ក្រសួងដូរមណ្ឌលប្រឡងពីគរុកោសល្យខេត្តទៅវិទ្យាល័យឯកជនវឌ្ឍនវិជ្ជាវិញ

19, Aug 2018 , 12:11 pm

រូបភាព

ទិដ្ឋភាពទឹកលិចនៅកំពត។ រូបថត ក្រសួងធនធានទឹក

ដោយ:

កំពត៖ មណ្ឌលប្រឡងដែលមានចំនួន២០បន្ទប់ នៅមណ្ឌលសាលាគរុកោសល្យ ខេត្តកំពត ត្រូវបាន ទទួលរងគ្រោះទឹកជំនន់ ដែលធ្វើឲ្យជនលិច និងធ្វើឲ្យមានផលលំបាកក្នុងការប្រឡង។ ក្រសួងអប់រំ យុវជន និងកីឡា បានសម្រេចផ្លាស់ មណ្ឌលដែលលិចទឹក មកមណ្ឌលនៅវិទ្យាល័យឯកជនវឌ្ឍនវិជ្ជាវិញហើយ ដើម្បីសម្រួលដល់ដំណើរការប្រឡងប្រកបដោយសុវត្ថិភាព។

លោក រស់ សាលីន អ្នកនាំពាក្យក្រសួងអប់រំ យុវជន និងកីឡា បានប្រាប់អ្នកសារព័ត៌មាន ThmeyThmey ថា ព្រោះតែសា្ថនភាពទឹកភ្លៀង ធ្វើឲ្យប៉ះពាល់ដល់មណ្ឌលប្រលង ក្រសួងបានចាត់វិធានការទប់ស្កាត់លើបញ្ហាទាំងនោះអស់ហើយ ដោយក្រសួងបានរៀបចំមណ្ឌលប្រឡងថ្មី និងសម្ភារចាំបាច់សម្រាប់ការប្រព្រឹត្តទៅនៃការប្រឡងរួចជាស្រេចហើយ។

បើតាមសេចក្តីជូនដំណឹងពីទំព័រហ្វេសប៊ុករបស់ក្រសួង អប់រំ យុវជន និងកីឡា មណ្ឌលប្រឡងទាំង២០ បន្ទប់ ដែលជន់លិចនោះ ជាមណ្ឌលប្រឡង សម្រាប់ថ្នាក់វិទ្យាសាស្ត្រ។
គួររំលឹកថា ការប្រឡងសញ្ញាបត្រមធ្យមសិក្សាទុតិយភូមិសម្រាប់ឆ្នាំ២០១៨ នឹងប្រព្រឹត្តទៅនៅថ្ងៃទី ២០ ដល់ថ្ងៃទី២១ ខែសីហា៕