ជាតិ
បាក់ឌុប
២៥ខេត្ត/រាជធានី
រូបភាពពីហ្វេសប៊ុកក្រសួងអប់រំ យុវជន និងកីឡា
×![]()
ដោយ: ថ្មីៗ
បេក្ខជននៅតាមមណ្ឌលមួយចំនួនមានបញ្ហាសុខភាព ដូចជាវិលមុខ ខ្យល់គរ ក្អួត ជាដើម ក្នុងអំឡុងពេលនៃដំណើរការសំណេរនៅព្រឹកថ្ងៃទី១ នៃការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០១៨។ នេះបើតាមហ្វេសប៊ុកក្រសួងអប់រំយុវជន និងកីឡា។ តែយ៉ាងណា ក្រសួងបានបញ្ជាក់ថា មានបេក្ខជនខ្លះបានបន្តការប្រឡងឡើងវិញ បន្ទាប់ពីមានអាការធូរស្រាលនិងបានទទួលជំនួយសង្គ្រោះបឋមពីក្រុមគ្រូពេទ្យប្រចាំការ នៅតាមមណ្ឌលប្រឡង។
សូមបញ្ជាក់ថា វិញ្ញាសាប្រឡងសម្រាប់សិស្សផ្នែកវិទ្យាសាស្ត្រនៅព្រឹកថ្ងៃទី១នេះ គឺមុខវិទ្យា ប្រវត្តិវិទ្យា និងជីវវិទ្យា។ ចំណែកផ្នែកវិទ្យាសាស្ត្រសង្គមវិញ បេក្ខជនប្រឡងមុខវិជ្ជា ផែនដីវិទ្យា និងប្រវត្តិវិទ្យា៕
© រក្សាសិទ្ធិដោយ thmeythmey.com
