ព្រះមហាក្សត្រកម្ពុជាជាភ្ញៀវពិសេសនាពិធីលៀងសាយភោជនក្នុងទិវាបុណ្យជាតិចិន

ជាតិ

នយោបាយអន្តរជាតិ

ព្រះមហាក្សត្រកម្ពុជាជាភ្ញៀវពិសេសនាពិធីលៀងសាយភោជនក្នុងទិវាបុណ្យជាតិចិន

01, Oct 2018 , 5:24 pm

រូបភាព

ព្រះមហាក្សត្រ សម្ដេចព្រះនរោត្តម សីហមុនី គង់ប្រថាប់ជាមួយប្រធានាធិបតីចិន លោក ស៊ី ជិនភីង និងមេដឹកនាំចិនជាច្រើនរូបទៀត ក្នុងពិធីលៀងសាយភោជ នៃទិវាបុណ្យជាតិចិនលើកទី៦៩ នៃការបង្កើតសាធារណរដ្ឋប្រជាមានិតចិន។ រូបពី Xinhua

ដោយ: ថ្មីៗ

ភ្នំពេញ៖ ព្រះមហាក្សត្រ សម្ដេចព្រះបរមនាថ នរោត្តម សីហមុនី ត្រូវបានប្រធានាធិបតីចិន លោក ស៊ី ជិនភីង យាងចូលរួមពិធីលៀងសាយភោជន នៅវិមានប្រជាជនចិន នាទីក្រុងប៉េកាំង ក្នុងឱកាសអបអរសាទរទិវាបុណ្យជាតិខួបលើកទី ៦៩ឆ្នាំ នៃសាធារណរដ្ឋប្រជាមានិតចិន។ ព្រះអង្គ គឺភ្ញៀវពិសេសតែមួយអង្គគត់ ដែលត្រូវបានយាងចូលរួមទិវាបុណ្យជាតិចិននេះ។

បើតាមទីភ្នាក់ងារព័ត៌មានចិន Xinhua ព្រះមហាក្សត្រ ទ្រង់បានគង់ប្រថាប់ជាប់ប្រធានាធិបតីចិនលោក ស៊ី ជិនភីង រួមតុជាមួយមេដឹកនាំចិនជាន់ខ្ពស់ជាច្រើនរូបទៀត ដែលក្នុងនោះមានលោក Li Keqiang នាយករដ្ឋមន្ត្រី ,លោក វ៉ាង ជីសាន អនុប្រធានាធិបតី និងលោក Li Zhanshu, លោកWang Yang, លោក Wang Huning, លោក Zhao Leji, និងលោក Han Zheng ដែលសមាជិកនៃគណៈកម្មាធិការអចិន្ត្រៃយ៍នៃការិយាល័យនយោបាយចិន។ ក្នុងកម្មវិធី ក៏មានភ្ញៀវក្រៅ និងក្នុងស្រុកចិន១២០០នាក់ ចូលរួម។

អត្ថបទទាក់ទង

មកស្គាល់សមាសភាពថ្នាក់ដឹកនាំថ្មីរបស់បក្សកុម្មុយនីស្តចិន

សមាសភាពក្បាលម៉ាស៊ីនដឹកនាំចិនបង្ហាញខ្លួន ដោយលោក ស៊ី ធ្វើលេខាបក្ស៥ឆ្នាំទៀត

សាធារណរដ្ឋប្រជាមានិតចិន បានបង្កើតឡើងនៅឆ្នាំ១៩៤៩ ក្រោមការដឹកនាំរបស់លោក ម៉ៅ សេទុង ខណៈជម្លោះសង្គ្រាមស៊ីវិល នៃការបែងចែកទឹកដី ដែលកាលនោះមេដឹកនាំបក្សគូមិនតាំង គឺលោក ចាង ខៃជៀក ត្រូវបានរត់ទៅកោះតៃវ៉ាន់ ក្រោយចាញ់សង្គ្រាមនេះ៕