កីឡាជាតិ
ជាតិ
ជយោ! Bravo! កីឡាការិនីប៉េតង់ អ៊ុន ស្រីយ៉ា ឈ្នះពាន Trophee L’Equipe នៅបារាំង
× កីឡាការិនីប៉េតង់ អ៊ុន ស្រីយ៉ា បានក្លាយជាម្ចាស់ពាន Trophee L'Equipe នៅបារាំង ក្រោយឈ្នះកីឡាការិនីជើងចាស់ Marie-Christine Virebayre នៃក្រុមម្ចាស់ផ្ទះ ១៣-៦ នៅវគ្គផ្តាច់ព្រ័ត្រនាថ្ងៃទី១២ ខែតុលា នេះ។
អ៊ុន ស្រីយ៉ា ស្ថិតនៅក្នុងពូល B ដោយបើកឆាកចាញ់កីឡាការិនីដាណឺម៉ាក Katrine Junge Olsen ១៣-១១ ប៉ុន្តែបានស្តារមុខមាត់វិញ ពេលជួបកីឡាការិនីអ៊ីតាលី Jessica Ratteni ក្នុងជ័យជម្នះ ១៣-១ ។
នៅវគ្គជម្រុះបន្ត ស្រីយ៉ា ត្រូវតទល់ជាមួយកីឡាការិនីទុយនីស៊ី Mouna Beji ដោយបានយកឈ្នះក្នុងលទ្ធផល ១៣-៦ ដើម្បីឡើងបន្តទៅវគ្គពាក់កណ្តាលផ្តាច់ព្រ័ត្រជាមួយកីឡាការិនីថៃ Nantawan Fueangsanit ដោយឈ្នះក្នុងលទ្ធផល ១៣-៧។
ស្រីយ៉ា បានបន្តយកឈ្នះកីឡាការិនីជើងចាស់បារាំង Marie-Christine Virebayre នៅវគ្គផ្តាច់ព្រ័ត្រ ដែលនាំឲ្យកម្ពុជា ទទួលបានពានទីពីរ ពីព្រឹត្តិការណ៍ Trophée L'Equipe នេះ៕
© រក្សាសិទ្ធិដោយ thmeythmey.com