ស្ពៃក្តោប១គុម្ព ១ម៉ឺនរៀល, អ្នកស្រី អាំង ហៀង ដាំមិនទាន់អ្នកទិញ

ជាតិ

បទយកការណ៍ / បទសម្ភាសន៍

ស្ពៃក្តោប១គុម្ព ១ម៉ឺនរៀល, អ្នកស្រី អាំង ហៀង ដាំមិនទាន់អ្នកទិញ

23, Oct 2018 , 9:29 am

រូបភាព

ដោយ: អ៊ូ សុខមាន (OU Sokmean)

កណ្តាល៖ អ្នកស្រី អាំង ហៀង ជាអ្នកដាំបន្លែស្ពៃក្ដោប និងផ្កាខាត់ណាធម្មជាតិ ជាង២ឆ្នាំមកហើយ។ រស់នៅភូមិអុងបាំង ឃុំទឹកវិល ស្រុកស្អាង ខេត្តកណ្ដាល អ្នកស្រី ហៀង ដែលមានវ័យ ៦២ឆ្នាំ បានអះអាងថាខ្លួនមិនបានប្រើថ្នាំគីមី ក្នុងការដាំដុះស្ពៃក្ដោប និងផ្កាខាត់ណានេះឡើយ ពោលគឺប្រើតែជីលាមកគោមួយមុខប៉ុណ្ណោះ។

នៅក្នុងបទសម្ភាសជាមួយសារព័ត៌មានថ្មីៗ ស្ត្រីចំណាស់រូបនេះមិននឹកស្មានសោះថា បន្លែរបស់គាត់ មានការគាំទ្រច្រើន និងផ្គត់ផ្គង់សឹងមិនទាន់ដូច្នេះនោះទេ ព្រោះដើមឡើយគាត់ដាំដើម្បីទុកបរិភោគខ្លួនឯងប៉ុណ្ណោះ។ អ្នកស្រី បញ្ជាក់ដូច្នេះ៖«ខ្ញុំចេះតែដាំបន្លែធម្មជាតិនេះទៅនៅពេលទំនេរ។ ដាំដើម្បីតែផ្គត់ផ្គង់នៅក្នុងគ្រួសារតែប៉ុណ្ណោះ ណាមួយក៏មិនចង់បរិភោគបន្លែដែលមានសារធាតុគីមី»។

សូមទស្សនាកិច្ចសម្ភាសរវាងកញ្ញា អ៊ូ សុខមាន នៃសារព័ត៌មានថ្មីៗ ជាមួយអ្នកស្រី អាំង ហៀង ដូចតទៅ៖

ក្នុងមួយឆ្នាំ អ្នកស្រី ហៀង អាចប្រមូល៣ទៅ៤ដង និងអាចទទួលបានប្រាក់ ពី៣០ម៉ឺលរៀលទៅ៥០ម៉ឺនរៀល រាល់ពេលប្រមូលផល។ បើតាមកសិករចំណាស់រូបនេះ ស្ពៃក្ដោបមួយគុម្ព គាត់អាចលក់បាន១ម៉ឺនរៀល។ រីឯផ្កាខាត់ណាវិញ អាចលក់បាន ពីពី៥ពាន់ទៅ៦ពាន់រៀល អាស្រ័យគុម្ពធំ ឬតូច។ ក្រៅពីដាំបន្លែ ក៏មានការបណ្ដុះកូនស្ពៃក្ដោប និងផ្កាខាត់ណាលក់ផងដែរ។

ដើម្បីទទួលបានព័ត៌មានទាក់ទងនឹងវិស័យកសិកម្ម, ផលិតផលអត្តសញ្ញាណ, ជំនួញខ្នាតតូច និងមធ្យម, បរិស្ថាន និងទេសចរណ៍ សូមចុច Download App «ថ្មីៗ២៥ រាជធានី-ខេត្ត» សម្រាប់ប្រព័ន្ធ iOS: https://apple.co/2ub9pdj និង Android: http://bit.ly/2KSe1MB ។ ការផ្សព្វផ្សាយព័ត៌មានទាំងនេះ ក៏មាននៅលើទំព័រហ្វេសប៊ុក Thmey Thmey 25 និង YouTube Channel: https://goo.gl/D6xQBv ៕