កីឡាអន្តរជាតិ
អន្តរជាតិ
UEFA ហាមក្លិបរុស្ស៊ី Rubin Kazan លេងពាន UCL និង UEL ២រដូវកាល ព្រោះរំលោភច្បាប់ FFP
× ក្លិបកីឡាបាល់ទាត់នៅរុស្ស៊ី Rubin Kazan ត្រូវបានហាមឃាត់មិនឲ្យចូលលេងក្នុងក្របខណ្ឌ UEFA Champions League និង Europa League ចំនួន២រដូវកាល បើទោះពួកគេមានសិទ្ធិចូលលេងក្រោយមានចំណាត់ថ្នាក់ល្អពីការប្រកួតក្នុងលីគក៏ដោយ។
សហព័ន្ធកីឡាបាល់ទាត់ទ្វីបអ៊ឺរ៉ុប UEFA បានសម្រេចដាក់ទណ្ឌកម្មបែបនេះ បន្ទាប់ពីរកឃើញថាក្លិបខាងលើបានរំលោភបំពាននៃច្បាប់ការចំណាយហួសកំណត់ (Financial Fair Play)។
ក្លិប Rubin Kazan នៃក្របខណ្ឌ Russia Premier League នេះនឹងត្រូវមានកិច្ចព្រមព្រៀងដំណោះស្រាយមួយជាមួយ UEFA បន្ទាប់ពីបានរំលោភបំពានច្បាប់នេះដំបូងគេក្នុងចំណោមក្លិបក្នុងលីគកំពូលរុស្ស៊ីមួយនេះ។ ប៉ុន្តែយ៉ាងណាស្ថាប័នគ្រប់កីឡាបាល់ទាត់អឺរ៉ុបនេះក៏នឹងបើកការស៊ើបអង្កេតជាថ្មីម្តងទៀតជុំវិញបញ្ហានេះ។
ច្បាប់ Financial Fair Play ត្រូវបាន UEFA បង្កើតឡើងដើម្បីបញ្ឈប់ការចំណាយហួសប្រមាណរបស់ក្លិបណាមួយច្រើនជាងការរកប្រាក់ចំណូល។
ក្លិប Rubin Kazan បានបង្កើតឡើងរយៈ ៦០ឆ្នាំមកហើយ Rubin ហើយពួកគេបានឈានទៅប្រជែងពានលំដាប់កំពូលរបស់រុស្ស៊ីក្នុងឆ្នាំ ២០០៣។ ក្លិបដែលស្ថិតក្នុងទីក្រុង Kazan ប្រទេសរុស្ស៊ីនេះ ធ្លាប់ឈ្នះពាន Premier League របស់រុស្ស៊ី ២ដង ក្នុងឆ្នាំ ២០០៨ និង ២០០៩៕
Tag:
បាល់ទាត់
Rubin Kazan
Financial Fair Play
© រក្សាសិទ្ធិដោយ thmeythmey.com