-ភាពអត់ធន់ នាំចិត្តធ្ងន់ ទាំងប្រុសស្រី
ភាពអត់ធន់ នាំសិរី ផុតហ្មងសៅ
ភាពអត់ធន់ នាំឲ្យចៀស រាគក្តៅ
ភាពអត់ធន់ នាំតផៅ ផុតបញ្ហា។
-ភាពអត់ធន់ នាំគ្រប់ជន ផុតក្រេវក្រោធ
ភាពអត់ធន់ នាំឆ្ងាយឆោត ដោយតណ្ហា
ភាពអត់ធន់ ជាអាវក្រោះ ដ៏អស្ចារ្យ
ភាពអត់ធន់ នាំគ្រួសារ ខ្សត់សត្រូវ ។
-ចេះអត់ធន់ នាំសម្រេច គ្រប់កិច្ចការ
ចេះអត់ធន់ នាំចិត្តថ្លា ចាកអាស្រូវ
ចេះអត់ធន់ ទាល់យ៉ាងណា ក៏មានផ្លូវ
ចេះអត់ធន់ ទោះសត្រូវ ក៏ខ្លបខ្លាច។
-ខ្វះអត់ធន់ នាំឲ្យបង់ បាត់ប្រយោជន៍
ខ្វះអត់ធន់ នាំឲ្យហោច អស់អំណាច
ខ្វះអត់ធន់ នាំអ្នកស្លូត ក្លាយជាកាច
ខ្វះអត់ធន់ រឿងតូចតាច អាចនាំគ្រោះ៕
ប៉ាកកាខ្មៅ!