ជាតិ
លោក សុខ ទូច លើកពីចំណុចសំខាន់៥យ៉ាង ដែលធ្វើឲ្យវត្តអារាម ក្លាយជាតំបន់ទេសចរណ៍
× ភ្នំពេញ៖ ដើម្បីឲ្យវត្តក្លាយជាកន្លែង ដែលទាក់ទាញភ្ញៀវទេសចរ និងលើកកម្ពស់ព្រះពុទ្ធសាសនា ប្រធានរាជបណ្ឌិត្យសភាកម្ពុជា លោក សុខ ទូច បានលើកឡើងថា វត្តអារាមនីមួយៗ ត្រូវតែបង្កើតឲ្យមានគោលការណ៍សំខាន់ទាំង៥សិន។ គោលការណ៍ទាំង៥នោះ គឺ ទី១ វត្តជាកន្លែងផ្តល់ចំណេះដឹងខាងព្រះពុទ្ធសាសនា ទី២ ការរៀបចំសួនច្បារនៅក្នុងវត្ត ទី៣ វត្តជាសាលា ទី៤ វត្តជាមន្ទីរពេទ្យព្យាបាលជំងឺផ្លូវចិត្ត និង ទី៥ វត្តជាកន្លែងប្រជុំជនសម្រាប់ពុទ្ធបរិស័ទធ្វើបុណ្យ។
ដើម្បីជ្រាបកាន់តែច្បាស់សូមស្តាប់ការបកស្រាយរបស់លោក សុខ ទូច ខាងក្រោម៖
លោក សុខ ទូច បញ្ជាក់ថា៖«វត្តអារាមដែលមានទាំង៥ចំណុចនេះ នឹងក្លាយជាតំបន់ទេសចរណ៍ ដែលទាក់ទាញភ្ញៀវទេសចរ»។
សូមបញ្ជាក់ថា បច្ចុប្បន្នកម្ពុជា មានវត្តសរុបចំនួន ៤,៩២៥វត្ត និងមានព្រះសង្ឃសរុប ៦៦,០៥៦ព្រះអង្គ ដែលនៅក្នុងនោះ គណៈមហានិកាយ មានវត្តចំនួន ៤,៧០០វត្ត មានព្រះសង្ឃ ៦២,១៥៦អង្គ ចំណែកគណៈធម្មយុត្តិកនិកាយ មានវត្តចំនួន ២២វត្ត និងមានព្រះសង្ឃចំនួន៣,៩០០អង្គ។
បើតាមរបាយការណ៍របស់រាជបណ្ឌិត្យសភាកម្ពុជាឆ្នាំ២០១៥ ខេត្តដែលមានវត្តច្រើនជាងគេ គឺខេត្តកំពង់ចាម ដែលមានដល់ទៅ៥៩៤ វត្ត និងមានព្រះសង្ឃ ៦៧៤៦អង្គ។ រីឯ ខេត្តបន្ទាប់ ដែលមានវត្ត និងព្រះសង្ឃច្រើន គឺខេត្តព្រៃវែង កណ្តាល បាត់ដំបង និងខេត្តតាកែវ៕
© រក្សាសិទ្ធិដោយ thmeythmey.com