​ក្របខណ្ឌ​កំពូល​ទាំង​៥​នៅ​អឺរ៉ុប រួមមាន Premier League, La Liga, Serie A, Bundesliga និង Ligue 1 ដែល​ក្នុងនោះ Ronaldo បាន​ប្រកួត​អាជីព​នៅ​អង់គ្លេស អេ​ស្ប៉ា​ញ និង​អ៊ីតាលី​។ គ្រាប់​បាល់​បញ្ចូល​ទី​បើកឆាក​សម្រាប់​ក្រុម​ម្ចាស់ផ្ទះ​នៅ​នាទី​១៨ ក៏​ជា​គ្រាប់​ទី​៥​ផងដែរ​របស់ Ronaldo សម្រាប់​ការប្រកួត​ឲ្យ Juventus ក្នុង​ក្របខណ្ឌ Serie A​។​

 

​ការ​បាន​៥​គ្រាប់​បន្ថែម​នៅ Serie A បូក​ជាមួយ ៨៤​គ្រាប់​នៅ Manchester United នៃ​ក្របខណ្ឌ Premier League និង​៣១១​គ្រាប់​សម្រាប់ Real Madrid នៃ​ក្របខណ្ឌ La Liga នាំ​ឲ្យ​ខ្សែប្រយុទ្ធ​អន្តរជាតិ​ព័រ​ទុយ​ហ្គា​ល់ រកបាន​សរុប​៤០០​គ្រាប់​សម្រាប់​ការប្រកួត​ក្នុង​លី​គ​អាជីព​កំពូលៗ​នៅ​អឺរ៉ុប​។​

 

​កំណត់ត្រា​នេះ នាំ​ឲ្យ Ronaldo មាន​១០​គ្រាប់​លើស Lionel Messi ដែល​បច្ចុប្បន្ន​រកបាន​៣៩០​គ្រាប់​នៅក្នុង La Liga ក្នុងនាម​ជា​កីឡាករ​របស់ Barcelona៕

​