ជាតិ
×![]()
ដោយ: ថ្មីៗ
ភ្នំពេញ៖ អង្គការសហប្រជាជាតិប្រចាំកម្ពុជា សូមអញ្ជើញសាធារណជនទាំងអស់ ជាពិសេសយុវជន ចូលរួមដោយសេរី នៅក្នុងទិវាអង្គការសហប្រជាជាតិ (UN DAY) ដែលនឹងប្រព្រឹត្តទៅ នៅថ្ងៃទី២៤ ខែតុលានេះ។ ឆ្នាំ២០១៨នេះ ទិវា UN day នឹងរៀបចំឡើងក្រោមក្រោមប្រធានបទ«លើកកម្ពស់នវានុវត្តន៍ថ្ងៃនេះ ដើម្បីថ្ងៃស្អែកកាន់តែប្រសើរ»។ 
ទិវាអង្គការសហប្រជាជាតិ (UN day) ត្រូវបានប្រារព្ធឡើងជារៀងរាល់ឆ្នាំ នៅថ្ងៃទី២៤ ខែតុលា។ ទិវា UN day នឹងរៀបចំនៅ Factory Phnom Penh ដែលស្ថិតនៅអគារលេខ ១១៥៩ តាមបណ្តោយផ្លូវជាតិលេខ ២ ក្នុងសង្កាត់ចាក់អង្រែលើ ខណ្ឌមានជ័យ។
នេះជាទីតាំងដែលត្រូវប្រារព្ធទិវា UN Day
ក្រៅតែពីការជំរុញឲ្យយុវជនខ្មែរ ចូលរួមអបអរទិវារំលឹកខួបការបង្កើតអង្គការសហប្រជាជាតិ កម្មវិធី UN day នៅឆ្នាំនេះ ក៏ដើម្បីផ្តល់ឱកាសជាពិសេស ដល់យុវជនកម្ពុជាដែលប្រកបដោយថាមពល និងគំនិតច្នៃប្រឌិត បានទទួលចំណេះដឹង និងព័ត៌មានបន្ថែម អំពីគោលដៅអភិវឌ្ឍដោយចីរភាព(SDGs) និងបានស្វែងយល់ពីសកម្មភាពនានា ដែលអង្គការសហប្រជាជាតិ រដ្ឋាភិបាល អង្គការមិនមែនរដ្ឋាភិបាល ក្រុមសហគ្រិន និងបណ្តាដៃគូដទៃទៀត បាន និងកំពុងអនុវត្តនៅកម្ពុជា។ លើសពីនេះ ពួកគេនឹងទទួលបានការកម្សាន្តជាច្រើន និងការទស្សនាការបង្ហាញស្នាដៃរបស់យុវជនឆ្នើមៗ អំពីគម្រោងជ័យលាភីរបស់ពួកគេ ស្តីពីយុទ្ធនាការផ្សព្វផ្សាយពត៌មាន និងឃោសនា អំពីគោលដៅអភិវឌ្ឍដោយចីរភាព ទៅប្រជាជនកម្ពុជាផងដែរ។
រដ្ឋមន្ត្រីក្រសួងអប់រំ លោក ហង់ ជួន ណារ៉ុន និងតំណាងអង្គការជាច្រើនដែលរួមមាន UNDP,UN Women,UNESCO,WFP,WHO,UNICEF,UNV, និងFAOជាដើម នឹងអញ្ជើញជាវាគ្មិននៅក្នុងព្រឹត្តិការណ៍នេះ។ ក្រៅពីនេះ យុវជនឆ្នើមៗមួយចំនួនដែលជាសិស្សនៅវិទ្យាល័យ និងសិស្សមហាវិទ្យាល័យ ក៏នឹងចូលរួមចែករំលែកគំនិត និងបទពិសោធន៍របស់ពួកគេ លើការជ្រើសជំនាញសម្រាប់អនាគត,ការធ្វើការក្នុងផ្នែកជីវចម្រុះ និងបការយល់ដឹងពីអាហារូបត្ថម្ភនៅកម្ពុជាជាដើម។
ដូច្នេះសូមកុំភ្លេច ចូលរួមដោយសេរី នៅក្នុងទិវាអង្គការសហប្រជាជាតិ នៅថ្ងៃទី២៤ ខែតុលាជាមួយយើងទាំងអស់គ្នា ដើម្បីទទួលបានចំណេះដឹង ព័ត៌មាន ក៏ដូចជាការកម្សាន្តដ៏សម្បូរបែប៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
