បើតាមសៀវភៅថនិកសត្វកម្ពុជា «ក្របីព្រៃ» ចូលចិត្តរស់នៅតំបន់ព្រៃល្បោះ វាលស្មៅក្បែរទឹក វាពុំចូលចិត្តព្រៃស្រោងទេ។ «ក្របីព្រៃ» រស់នៅជាហ្វូង ហើយចេញទៅរកស៊ីនៅពេលព្រឹកព្រលឹម និងល្ងាច វាទំពារអៀងនៅពេលដេក ឬពេលដែលត្រាំទឹក។ សត្វប្រភេទនេះ ប្រឈមមុខនឹងគ្រោះថ្នាក់ដោយសារការបាត់ទីជម្រក, ការរាំងស្ងួតនៃទីជម្រក និងការបរបាញ់។ 
 

ក្របីញីដោយឈ្មោលនៅអំឡុងខែតុលា រហូតដល់ខែវិច្ឆិកា និងបង្កើតកូន១ បន្ទាប់ពីបានពរពោះរយៈពេ ល ១០ខែ។ «ក្របីព្រៃ» មានរាងដូចទៅនឹង«ក្របីស្រុក»ដែរ ប៉ុន្តែ«ក្របីព្រៃ»មានភាពរហ័សរហួនជាង និងឆាប់ក្រេវក្រោធ។ «ក្របីព្រៃ»  មានទម្ងន់ពី៧០០-១២០០គីឡូក្រាម ហើយមានពណ៌ប្រផេះ ឬត្នោតខ្មៅ ក្របីឈ្មោលមានកម្ពស់រហូត ដល់ ២ម៉ែត្រ។ នៅខាងក្រោមកវាមានពណ៌ស រាងជាងអក្សរ (V)។ ស្នែងទាំងពីររបស់វាមានរាង សំប៉ែត គន្លាក់ៗបត់ទៅក្រោយ ហើយស្នែងរបស់វាមានគម្លាតធំជាងក្របីស្រុក។
 

ប្រភពនៃឯកសារសត្វនេះ សារព័ត៌មានថ្មីៗ ដកស្រង់ពីសៀវភៅថនិកសត្វកម្ពុជា ដែលរៀបរៀងដោយ ម៉ែន សូរិយន់, សួន ផល្លា, ស៊ិន ប៉ូលីន និង Joe Walston ឆ្នាំ២០០៨៕