ជាតិ
បុណ្យអុំទូក
២៥ខេត្ត/រាជធានី
ជាងថត និងអ្នកជួលសម្លៀកបំពាក់ជនជាតិដើមភាគតិចកាក់កបនៅថ្ងៃបុណ្យអុំទូក
×![]()
មណ្ឌលគិរី៖ រយៈពេល៣ថ្ងៃនៃពិធីបុណ្យអុំទូក មានទេសចរជាច្រើន បានទៅកម្សាន្តរមណីយដ្ឋានទឹកជ្រោះប៊ូស្រា ដែលស្ថិតក្នុងខេត្តមណ្ឌលគិរី។ មានទេសចរទៅកម្សាន្តច្រើន ធ្វើឲ្យអ្នកថតរូប និងអ្នកជួល និងតុបតែងសម្លៀកបំពាក់ជនជាតិដើមភាគតិច នៅទីនោះរកចំណូលបានច្រើនដែរ។ ក្នុងអំឡុងបុណ្យអុំទូក ជាងថតរូបម្នាក់ អាចរកចំណូលបាន ១លានរៀល។ ឯអ្នកតែងសម្លៀកបំពាក់វិញ អាចរកបានពី២០ម៉ឺនរៀលឡើងក្នុងមួយថ្ងៃ។
បុរសម្នាក់ដែលជាជាងថតរូបក្នុងចំណោមជាងថតរូប ១៣នាក់ នៅរមណីយដ្ឋានទឹកជ្រោះប៊ូស្រា បានប្រាប់ឲ្យដឹងថា ក្នុងរយៈពេល៣ថ្ងៃនេះ ជាងថតម្នាក់អាចរកចំណូលបានដល់ ១លានរៀល។ បើតាមជាងថតដដែល រូបថត ១សន្លឹក មានតម្លៃ ១ម៉ឺនរៀល ហើយតម្លៃនេះ ជាតម្លៃធម្មតា មិនគិតថ្ងៃបុណ្យទានអ្វីទេ។
ក្រឡេកមើលអ្នកតែងសម្លៀកបំពាក់ជនជាតិដើមភាគតិចវិញ ក៏រកចំណូលបានច្រើនផងដែរ បងស្រីម្នាក់ដែលជាម្ចាស់សម្លៀកបំពាក់ជនជាតិដើមភាគតិច បានប្រាប់ថា ក្នុងមួយថ្ងៃ អាចរកចំណូលបានពី ២០ម៉ឺនរៀលឡើង។ អ្នកតែងសម្លៀកបំពាក់ឲ្យភ្ញៀវទេសចរនារមណីយដ្ឋាននេះ មាន៤កន្លែង ហើយ១កន្លែងៗ មានភ្ញៀវទេសចរចូលតែងច្រើនដូចគ្នា។ សម្លៀកបំពាក់ជនជាតិដើមភាគតិចដែលភ្ញៀវទេសចរតែង មានតម្លៃ ៥ពាន់រៀល ក្នុង១ឈុត ទាំងប្រុសទាំងស្រី។
សូមអញ្ជើញទស្សនារូបភាពដូចតទៅ៖
Tag:
មណ្ឌលគិរី
ទេសចរណ៍
អុំទូក
ទឹកជ្រោះប៊ូស្រា
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
