ជាតិ
នយោបាយជាតិ
កម្ពុជា-នេប៉ាល់ គ្រោងបើកស្ថានទូតរៀងខ្លួន ជំនួបរវាងនាយករដ្ឋមន្ត្រីកម្ពុជា និង នាយករដ្ឋមន្រ្តីនេប៉ាល់
× សម្តេចនាយករដ្ឋមន្ត្រី ហ៊ុន សែន ប្រាប់លោក ខាត់ហ្គា ប្រាសាទ ស្សាម៉ា អូលី (Khadga Prasad Sharma Oli) នាយករដ្ឋមន្ត្រីនេប៉ាល់ថា កម្ពុជា នឹងបើកស្ថានទូតនៅទីក្រុងកដ្ឋមណ្ឌូ ប្រទេសនេប៉ាល់ នាពេលខាងមុខ។ ជំនួបរវាងរដ្ឋមន្ត្រីកម្ពុជា និង នាយករដ្ឋមន្ត្រីនេប៉ាល់ គឺធ្វើឡើងនៅថ្ងៃទី២៩ វិឆ្ឆិកា ឆ្នាំ២០១៨។
សម្តេច ហ៊ុន សែន លើកឡើងថា នេប៉ាល់ ក៏អាចបើកស្ថានទូតនៅរាជធានីភ្នំពេញផងដែរ។ សារលើទំព័រហ្វេសប៊ុករបស់សម្តេច ហ៊ុន សែន បានសរសេរយ៉ាងដូច្នេះថា៖«អ្វីដែលត្រូវជំរុញនាពេលបច្ចុប្បន្ននេះ គឺត្រូវធ្វើយ៉ាងណាជំរុញកសាងកិច្ចសហប្រតិបត្តិការទ្វេភាគីឲ្យមានការរីកចម្រើនឈានឡើង»។
បន្ទាប់ពីជួបដាច់ដោយឡែកជាមួយនាយករដ្ឋមន្ត្រីនេប៉ាល់ សម្តេច ហ៊ុន សែន នឹងចូលរួមប្រជុំអាស៊ី-ប៉ាស៊ីហ្វិក រហូតដល់ថ្ងៃទី២ ខែវិច្ឆិកា។ ប្រធានបទនៃកិច្ចប្រជុំនេះ គឺ «ការដោះស្រាយបញ្ហាប្រឈមសំខាន់ៗនៃយុគសម័យរបស់យើង៖ ការពឹងអាស្រ័យគ្នា វិបុលភាពទៅវិញទៅមក និងតម្លៃជាសាកល»។
ក្រៅពីនេប៉ាល់ កន្លងមក កម្ពុជា ក៏បានប្រកាសផងដែរ ថាគ្រោងបើកស្ថានទូតនៅប្រទេសប៊ុលហ្គារី និង នៅប្រទេសតួកគី៕
Tag:
កម្ពុជា-នេប៉ាល់
បើកស្ថានទូត
© រក្សាសិទ្ធិដោយ thmeythmey.com