បទយកការណ៍ / បទសម្ភាសន៍
សង្គមជាតិ
២៥ឆ្នាំថ្ងៃបង្កើតគណៈកម្មាធិការអន្ដរជាតិ អាយស៊ីស៊ី-អង្គរ រម្លឹកពីកិច្ចសហការរបស់អន្ដរជាតិក្នុងការជួយរមណីយដ្ឋានអង្គរ
× សៀមរាប៖ អាជ្ញាធរជាតិអប្សរានឹងរៀបចំកិច្ចប្រជុំ និងប្រារព្ធខួប២៥ឆ្នាំ ថ្ងៃបង្កើតគណៈកម្មាធិការអន្ដរជាតិសម្របសម្រួលការគាំពារ និងអភិវឌ្ឍន៍តំបន់ប្រវត្តិសាស្ដ្រអង្គរ ហៅកាត់ថា អាយស៊ីស៊ី-អង្គរ ដែលគ្រោងនឹងធ្វើនៅថ្ងៃទី ៤-៥ ខែធ្នូ ឆ្នាំ ២០១៨។ គណៈកម្មាធិការអន្ដរជាតិនេះ ដើរតួយ៉ាងសំខាន់ក្នុងការកៀងគរស្ថាប័នអន្ដរជាតិដើម្បីផ្តល់មូលនិធិ និងបច្ចេកទេស ជួយជួសជុលប្រាសាទខ្មែរ។ ពិធីនេះនឹងមានការចូលរួមពីប្រមុខថ្នាក់ដឹកនាំជាន់ខ្ពស់របស់កម្ពុជា និងភ្ញៀវអន្ដរជាតិ ដែលជាអ្នកមានចំណែកបង្កើតគណៈកម្មាធិការនេះឡើង។ បំណងសម្រាប់ការប្រារព្ធពិធីនេះ គឺរម្លឹករាល់កិច្ចសហប្រតិបត្តិការរបស់អន្ដរជាតិក្នុងការងារអភិរក្ស និងអភិវឌ្ឍន៍រមណីយដ្ឋានអង្គរ ពិសេសគឺបានជួយអង្គរឱ្យចាកចេញពីបេតិកភណ្ឌពិភពលោកប្រឈមនឹងគ្រោះថ្នាក់នៅឆ្នាំ ២០០៤។ ខុសពីតំបន់ប្រវត្តិសាស្ដ្រដទៃ ស្ថាប័នអន្ដរជាតិជាច្រើននៅតែបង្ហាញជំហរមិនព្រមបោះបង់អង្គរ បើទោះបីជាបច្ចុប្បន្ន រមណីយដ្ឋានប្រវត្តិសាស្ដ្រមួយនេះមានការអភិវឌ្ឍ និងមានភាពល្បីល្បាញទូទាំងពិភពលោកបែបណាក្ដី។ តើមានមូលហេតុអ្វី បានជាអង្គរចងចិត្តអ្នកជំនាញការអន្ដរជាតិជាច្រើន ឱ្យបន្ដការងារនៅតំបន់ដ៏អស្ចារ្យមួយនេះ?
ព័ត៌មានលម្អិត សូមស្ដាប់បទយកការណ៍ដែលរៀបរៀងដោយអ្នកស្រី អ៊ីសា រ៉ហានី ដូចតទៅ
© រក្សាសិទ្ធិដោយ thmeythmey.com