បទយកការណ៍ / បទសម្ភាសន៍
សង្គមជាតិ
គ្រាន់តែធុងសំរាមមុខផ្ទះក៏គេយកបាត់ដែរ តើដោះស្រាយបញ្ហាសំរាមដូចម្ដេច?
×![]()
ភ្នំពេញ៖ បញ្ហាសំរាមនៅតែជាប្រធានបទមិនអាចដោះស្រាយបាន។ ទម្លាប់នៃការចោលសំរាមពាសវាលពាសកាល មិនថានៅថ្ងៃបុណ្យជាតិ តាមតំបន់ទេសចរណ៍ ដងផ្លូវ ទីសាធារណផ្សេងៗ និងបរិវេណជុំវិញផ្ទះប្រជាពលរដ្ឋ នៅតែបន្តកើតមាន។ អ្នកស្រាវជ្រាវបញ្ហាសង្គមលោក យង់ គិមអេង អះអាងថា ការអប់រំមួយមុខ មិនអាចលុបបំបាត់បញ្ហាសំរាមនេះបានទេ ពោលគឺត្រូវបង្កើត និងអនុវត្តច្បាប់ ដោយចាប់ផាកពិន័យអ្នកប្រព្រឹត្តខុស ទើបជាដំណោះស្រាយ។
សូមស្ដាប់កិច្ចសម្ភាសរវាងលោក ញ៉ុង ហេង នៃសារព័ត៌មានថ្មីៗ និងលោក យង់ គិមអេង ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព ដូចតទៅនេះ៖
លោក យង់ គិមអេង ថ្លែងថា ទោះនៅប្រទេសផ្សេង ក៏គេយកច្បាប់មកអនុវត្តដែរ ដើម្បីបង្រា្កបទម្លាប់អាក្រក់មួយនេះ។ លោកបន្ថែមថា រដ្ឋាភិបាលអាចប្រើកាំមេរ៉ា ជាជំនួយដល់ការអនុវត្តច្បាប់របស់សមត្ថកិច្ច ហើយទោះមិនបានគ្រប់ទីកន្លែង ក៏បានទីតាំងមួយចំនួនដើម្បីព្រមានមនុស្សជាទូទៅ។ ក្រៅពីនេះ លោកគិមអេង បានសង្កត់ធ្ងន់ពីតួនាទីរបស់អាជ្ញាធរមូលដ្ឋាន ទៅលើការដោះស្រាយបញ្ហាសំរាមនេះ។ អាជ្ញាធរ ត្រូវតម្រូវឲ្យពលរដ្ឋមូលដ្ឋានទុកដាក់សំរាមឲ្យបានត្រឹមត្រូវ និងត្រូវធានាមិនឲ្យបាត់បង់ធុងសំរាមដែលនៅមុខផ្ទះប្រជាពលរដ្ឋ។ លោករម្លឹកថា បញ្ហាសំរាមនេះមិនងាយដោះស្រាយទេ ព្រោះសព្វថ្ងៃនេះគ្រាន់តែធុងសំរាម ក៏មិនអាចធានាឲ្យនៅគង់វង្សបានដែរ៕
Tag:
យង់ គិមអេង
សំរាម
© រក្សាសិទ្ធិដោយ thmeythmey.com
