ជាតិ
សង្គមជាតិ
ក្រសួងអប់រំ៖ «ការស្ម័គ្រចិត្តដើម្បីសហគមន៍យើង» គឺជាការជំរុញឲ្យយុវជនអភិវឌ្ឍន៍ខ្លួន ជួយដល់សង្គម
×![]()
ភ្នំពេញ៖ ដើម្បីអបអរសាទរ វេទិកាថ្នាក់ជាតិលើកទី ៨ ឆ្នាំនេះ ក្រសួងអប់រំ យុវជន និងកីឡា ជ្រើសរើសប្រធានបទ«ការស្ម័គ្រចិត្តដើម្បីសហគមន៍យើង» ក្នុងគោលដៅលើកកម្ពស់ការងារស្ម័គ្រចិត្តនៅក្នុងប្រទេសកម្ពុជា។
វេទិកាថ្នាក់ជាតិស្តីពី «ការស្ម័គ្រចិត្តដើម្បីសហគមន៍យើង» នេះគឺជាមធ្យោបាយដ៏សំខាន់សម្រាប់យុវជនក្នុងការផ្សារភ្ជាប់ទៅនឹងគោលដៅអភិវឌ្ឍន៍ប្រកបដោយចីរភាពនៅក្នុងប្រទេសកម្ពុជា រួមទាំងការចែករំលែកបទពិសោធន៍ និងចំណេះដឹងជាក់ស្តែង ស្តីពីទទួលបានការងារស្ម័គ្រចិត្តនៅកាន់សាធារណជន។ នេះបើតាមសេចក្តីប្រកាសព័ត៌មានរបស់ក្រសួងអប់រំ យុវជន និងកីឡា។
សូមបញ្ជាក់ថា «ស្ម័គ្រចិត្តដើម្បីសហគមន៍យើង» ជាប្រធានបទ មួយរៀបចំឡើងក្នុងគោលបំណងផ្តល់ជាវេទិកាសម្រាប់ឲ្យយុវជន មានស្មារតីសម្រាប់អភិវឌ្ឍន៍សមត្ថភាពខ្លួន ដើម្បីជួយដល់សង្គម។ ក្រសួងអប់រំ យុវជន និងកីឡា និងអង្គការអ្នកស្ម័គ្រចិត្តសហប្រជាជាតិ ព្រមទាំងដៃគូជិតស្និទ្ធ ពីអង្គការសង្គមស៊ីវិល នឹងប្រារព្ធវេទិការនេះ នៅតាមសាកលវិទ្យាល័យទាំង២០ ទូទាំងរាជធានីភ្នំពេញ នៅថ្ងៃទី០៥ ខែឆ្នូ ដើម្បីជាការលើកកម្ពស់ការងារស្ម័គ្រចិត្តនៅកម្ពុជា៕
© រក្សាសិទ្ធិដោយ thmeythmey.com
