ជាតិ
នយោបាយជាតិ
សម្តេច ហ៊ុន សែន ទៅឡាវពីរថ្ងៃ ដើម្បីពង្រឹងកិច្ចសហការ
× សម្តេចនាយករដ្ឋមន្ត្រី ហ៊ុន សែន បានដឹកនាំគណៈប្រតិភូ ទៅបំពេញទស្សនកិច្ចនៅឡាវពីរថ្ងៃ គឺនៅថ្ងៃទី៥-៦ ខែធ្នូ ឆ្នាំ២០១៨។
ក្នុងអំឡុងពេលទស្សនកិច្ច នាយករដ្ឋមន្ត្រីកម្ពុជា នឹងចូលជួបសម្តែងការគួរសម ដាច់ដោយឡែកពីគ្នា ជាមួយលោក ប៊ុនញ៉ាំង វរជីត (Bounnhang Vorachith) ប្រធានរដ្ឋឡាវ និងលោកស្រី ប៉ានី យ៉ាថទូ (Pany Yathotou) ប្រធានរដ្ឋសភាជាតិឡាវ។
ប្រមុខរដ្ឋាភិបាលកម្ពុជា ក៏នឹងជួបពិភាក្សាជាមួយ លោក ថងលូន ស៊ីសូលីត (Thongloun Sisoulith) ផងដែរ ដើម្បីពិភាក្សារិះរកលទ្ធភាពក្នុងការពង្រឹង និងពង្រីកបន្ថែមទៀត នូវកិច្ចសហប្រតិបត្តិការទ្វេភាគី ដែលអាចនាំមកនូវផលប្រយោជន៍ សម្រាប់ប្រជាជននៃប្រទេសទាំងពីរ ក៏ដូចជាផ្លាស់ប្តូរយោបល់លើបញ្ហាតំបន់ និងអន្តរជាតិ ដែលជាកង្វល់រួម និងផលប្រយោជន៍ទៅវិញទៅមក។
ក្រៅពីនេះ មេដឹកនាំកម្ពុជា នឹងទៅដាក់កម្រងផ្កា នៅស្តូបអនុស្សាវរីយ៍វីរយុទ្ធជនពលី ផងដែរ៕
© រក្សាសិទ្ធិដោយ thmeythmey.com