អត្ថបទពាណិជ្ជកម្ម
ដឹ ភីហ្សា ខមផេនី បានរៀបចំកម្មវិធីប្រកួតប្រជែងរកបុគ្គលិកឆ្នើមប្រចាំឆ្នាំ២០១៨
× នេះជាឆ្នាំទី ៨ ហើយដែល ដឹ ភីហ្សា ខមផេនី (The Pizza Company) បានប្រារព្ធកម្មវិធី The Pizza Company Excellence Award ដើម្បីប្រកួតប្រជែងរកក្រុមបុគ្គលិកឆ្នើមប្រចាំឆ្នាំ។ព្រឹត្តិការណ៍នេះ បានធ្វើឡើងចាប់ពីថ្ងៃទី ០៦ខែធ្នូ ឆ្នាំ២០១៨ នៅសាខា ដឹ ភីហ្សា ខមផេនី សាខាព្រែកលាភ ក្នុងនោះមានការចូលរួមពីក្រុមបុគ្គលិកទាំង ២៩សាខា របស់ ដឹ ភីហ្សា ខមផេនី មកពីទីក្រុងភ្នំពេញ ក្រុងសៀមរាប ក្រុងព្រះសីហនុ ក្រុងបាត់ដំបង ក្រុងប៉ោយប៉ែត និងក្រុងកំពង់ចាម។
ក្រុមដែលទទួលបានជ័យលាភី Excellence Award 2018 គឺបានទៅលើ ដឹ ភីហ្សា ខមផេនី សាខា ទួលគោក ហើយក្រុមដែលទទួលបានជ័យលាភី នឹងបានទទួលពានរង្វាន់ជាទឹកប្រាក់ចំនួន ១,៦០០,០០០ រៀល។ ក្រៅពីនេះ ក៏មានម្ចាស់ពានរង្វាន់ចំនួន ៤ផ្សេងទៀង ដូចជា ក្រុម ដឹ ភីហ្សា ខមផេនី ស្ទឹងមានជ័យ ទទួលបានជ័យលាភីលើផ្នែកធ្វើម្សៅ (Best Dough Maker Award 2018) ក្រុម ដឹ ភីហ្សា ខមផេនី សាខាច្បារអំពៅ ទទួលបានជ័យលាភីលើផ្នែក ផ្ដល់សេវាកម្មល្អបំផុត (Best Service Maker Award 2018) ក្រុម ដឹ ភីហ្សា ខមផេនី សាខា អ៊េតវ៉ូត ទទួលបានជ័យលាភីលើផ្នែកធ្វើភីហ្សាល្អបំផុត (Best Pizza Making Award 2018) និងក្រុម ដឹ ភីហ្សា ខមផេនី សាខាព្រែកលាប ទទួលបានជ័យលាភីលើផ្នែកសេវាដឹងជញ្ជូនល្អបំផុត (Best Delivery Award 2018)។
លោក អ៊ូ គីមហូវ នាយប្រតិបត្តិ ដឹ ភីហ្សា ខមផេនី បានមានប្រសាសន៍ថា កម្មវិធីនេះធ្វើឡើង ក្នុងបំណង៣សំខាន់ គឺដើម្បីពង្រឹងលើផ្នែកស្ដង់ដារប្រតិបត្តិខាងផលិតផល បូករួមទាំងការធ្វើម្ស៉ៅដូហ្វ ការធ្វើភីហ្សា ការចំអិនផាសតា អនាម័យ ការចាត់ចែងក្នុងហាង និងការបម្រើសេវាកម្មលំដាប់ថ្នាក់ពិភពលោក។ លោក អ៊ូ គីមហូវ បញ្ជាក់ទៀតដូច្នេះ៖«យើងចង់ប្រែក្លាយកម្មវិធីនេះឲ្យបុគ្គលិក អភិវឌ្ឍន៍ពង្រឹងសមត្ថភាពខ្លួន និងដើម្បីធានាគុណភាពគ្រប់គ្រងកិច្ចការប្រកបដោយការទទួលខុសត្រូវជាក្រុម»។
ឆ្លៀតក្នុងឱកាសនេះ លោក ងន សាំង នាយកប្រតិបត្តិនៃក្រុមហ៊ុន អ អិម អេ ខេមបូឌា បាននិយាយប្រាប់អ្នកសារព័ត៌មានថា ជាលើកទី៧ហើយដែលបុគ្គលិករបស់ ដឹ ភីហ្សា ខមផេនី មកជួបជុំគ្នា ដើម្បីស្វែងរកម្ចាស់ពានរង្វាន់ល្អប្រសើរប្រចាំ ដឹ ភីហ្សា ខមផេនី។ លោក បានបញ្ជាក់ផងដែរថា ដឺ ភីហ្សា ខមផេនី តែងតែផ្ដល់នូវវគ្គហឹ្វកហាត់ដល់បុគ្គលិករបស់ខ្លួនជាប្រចាំ ទៅលើការធ្វើនំភីហ្សា និងបម្រើសេវាកម្មទៅតាមស្ដង់ដារដែលបានកំណត់ជាដើម ហើយកម្មវិធីនេះ ក៏ជាផ្នែកមួយនៃវគ្គបណ្ដុះបណ្ដាលផ្សេងៗទៀតផងដែរ ដើម្បីឲ្យបុគ្គលិក រំលឹកនូវជំនាញ និងសមត្ថភាពរបស់ខ្លួន ក្នុងពេលជាមួយគ្នា។ ក្រៅពីនេះ បុគ្គលិកទាំងអស់ ក៏បានទទួលវគ្គបណ្ដុះបណ្ដាលវិជ្ជាជីវៈផ្សេងៗទៀត ដូចជាជំនាញភាពជាអ្នកដឹកនាំជាដើម។ លោក បានបន្ថែមថា មកដល់សព្វថ្ងៃនេះ ហាង ដឹ ភីហ្សា ខមផេនី មានសាខារហូតដល់ ២៩ ទូទាំងប្រទេស ហើយគ្រោងបើកហាងចំនួន២បន្ថែមទៀត ក្នុងរយៈពេលដ៏ខ្លីខាងមុខនេះ។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com